ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶୁକ୍ରବାର କହିଛନ୍ତି ଭାରତର ପାକିସ୍ତାନ ଲୋକଙ୍କ ବିରୋଧରେ କୌଣସି ଦ୍ବେଷ ନାହିଁ। ଭାରତର ଲଢେଇ ଆତଙ୍କବାଦ ବିରୋଧରେ ବୋଲି ମୋଦି କହିଛନ୍ତି। ଏକ ସାକ୍ଷାତକାରଗ ଅବସରରେ ମୋଦି କହିଛନ୍ତି, ବର୍ତ୍ତମାନ ପାକିସ୍ତାନ ନିକଟରେ ଆତଙ୍କବାଦ ବିରୋଧରେ କଡା ଏବଂ ଦୃଷ୍ଟାନ୍ତମୂଳକ ପଦକ୍ଷେପ ନେବା ବ୍ୟତିତ ଅନ୍ୟ କୌଣସି ରାସ୍ତା ଉପଲବ୍ଧ ନାହିଁ। ୨୬/୧୧ ଆକ୍ରମଣରେ ସଂଶ୍ଲିଷ୍ଟ ଥିବା ନେଇ ଜୈସ୍ ଏ ମହମ୍ମଦ ସ୍ବୀକାର କରିଥିଲେ ମଧ୍ୟ ପାକିସ୍ତାନ ସରକାର କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ। ପ୍ରତ୍ୟେକ ଆତଙ୍କୀ ଆକ୍ରମଣ ପରେ କଡା କାର୍ଯ୍ୟାନୁଷ୍ଠାନ ନେବାର ପ୍ରତିଜ୍ଞା କରିବା ପରେ ଚୁପ୍ ବସିଥାଏ ତେଣୁ ଏବେ ଭାରତ ପାକିସ୍ତାନର ଜାଲରେ ଫସିବ ନାହିଁ। ଏହା ସହିିତ ସର୍ଜିକାଲ୍ ଷ୍ଟ୍ରାଇକ୍ ଏବଂ ଏୟାର ଷ୍ଟ୍ରାଇକ୍ ଉପରେ ମୋଦି କହିଥିଲେ କୌଣସି ବି ଲୋକ ନରେନ୍ଦ୍ର ମୋଦିଙ୍କ ଦେଶଭକ୍ତି ଉପରେ ସନ୍ଦେହ ପ୍ରକଟ କରି ପାରିବେ ନାହିଁ। ସେହିପରି ଅସ୍ତ୍ରଶସ୍ତ୍ର କିଣାରେ ଆସୁଥିବା ଦୁର୍ନୀତି ଅଭିଯୋଗ ଉପରେ ବିପକ୍ଷ କଂଗ୍ରସ ଦଳକୁ ସମାଲୋଚନା କରିବା ସହିତ କହିଥିଲେ, କଂଗ୍ରେସ ନେତା ମାନେ ଏହି ଡିଲ୍କୁ ଏଟିଏମ୍ ଭଳି ବ୍ୟବହାର କରୁଥିଲେ। ସ୍ବଚ୍ଛତାର ସହିତ ଅସ୍ତ୍ରଶସ୍ତ୍ର କିଣା ସେମାନେ କଦାପି ଭାବିପାରନ୍ତି ନାହିଁ। ସେହିପରି ବିଭିନ୍ନ ରାଷ୍ଟ୍ରାୟତ ବ୍ୟାଙ୍କରୁ ଅର୍ଥନେଇ ବିଦେଶ ପଳାୟନ କରିଥିବା ବ୍ୟକ୍ତିବିଶେଷଙ୍କ ବିଷୟରେ ମୋଦି କହିଥିଲେ ପୂରାତନ ସରକାର ଏ ଦିଗରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁନଥିଲେ। ମାତ୍ର ଚଳିତ ସରକାର ପଳାୟନକାରୀଙ୍କ ସମସ୍ତ ସମ୍ପତ୍ତି ବାଜ୍ୟାପ୍ତ କରିବା ସହିତ ସମସ୍ତ ଅର୍ଥ ଭରଣା କରୁଛି। ଉଦାହରଣ ସ୍ବରୂପ ମୋଦି କହିଥିଲେ, ବିଜୟ ମାଲ୍ୟା ବିଭିନ୍ନ ରାଷ୍ଟ୍ରାୟତ ବ୍ୟାଙ୍କରୁ ୯ ହଜାର କୋଟିର ଋଣ ନେଇ ପଳାୟନ କରିଥିଲେ ମାତ୍ର ସରକାର ମାଲ୍ୟାଙ୍କର ୧୪ ହଜାର କୋଟିର ସମ୍ପତ୍ତି ବାଜ୍ୟାପ୍ତ କରିଛନ୍ତି ।
modi's interview ଓଁ national hindi chanel