ନୂଆଦିଲ୍ଲୀ: ଅଧିକାଂଶ ଚଳଚ୍ଚିତ୍ରରେ ଅନ୍ୟ ଗ୍ରହରୁ ଆସୁଥିବା ଏଲିଅନମାନଙ୍କୁ ଦର୍ଶକମାନେ ଦେଖୁଛନ୍ତି। ଏଥି ସହିତ, କିଛି ଲୋକ ଭୟଙ୍କର ଚଳଚ୍ଚିତ୍ର ଦେଖିବା ପାଇଁ ଏତେ ଭଲ ପାଆନ୍ତି ଯେ, ବେଳେବେଳେ ସେମାନେ ନିଜ ଚାରିପାଖରେ ଭୂତମାନଙ୍କ ଉପସ୍ଥିତି ମଧ୍ୟ ଅନୁଭବ କରନ୍ତି।
ନିକଟରେ ସୋସିଆଲ ମିଡିଆରେ ଏଭଳି ଏକ ଭିଡିଓ ସାମ୍ନାକୁ ଆସିଛି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଏହି ଭିଡିଓରେ ଏକ ଅଜବ ଜୀବକୁ ଦେଖିବାକୁ ମିଳୁଛି। କେହି କେହି ଏହାକୁ ଏକ ଏଲିଅନ କିମ୍ବା ଭୂତ ବୋଲି କହୁଛନ୍ତି। ଏହି ଭିଡିଓ ସୋସିଆଲ ମିଡିଆରେ ପାରାନର୍ମାଲିଟି ମ୍ୟାଗେଜିନ ନାମକ ଏକ ଟ୍ୱିଟର ଆକାଉଣ୍ଟରେ ସେୟାର କରାଯାଇଛି।
Here's the video of the Pale creature caught on a security cam near Moorhead, KY. #cryptid pic.twitter.com/jCexxlQTA0
— Paranormality Magazine (@ParanormalityM) July 9, 2022
ଭିଡିଓ ସେୟାର କରିବା ସହିତ କ୍ୟାପସନରେ କୁହାଯାଇଛି ଯେ ‘କେଣ୍ଟକି ନିକଟସ୍ଥ ମୁରହେଡରେ ସ୍ଥାପିତ ସୁରକ୍ଷା କ୍ୟାମେରାରେ ଏକ ଅଜବ ପ୍ରାଣୀ ଦେଖିବାକୁ ମିଳିଥିଲା।’ ସୋସିଆଲ ମିଡିଆରେ ଆସିଥିବା ୩୩ ସେକେଣ୍ଡର ଭିଡିଓରେ ଏକ ଧଳା ପ୍ରାଣୀ ଦେଖିବାକୁ ମିଳିଛି। ଯାହା ରାସ୍ତାରେ ବଙ୍କା ହୋଇ ଚାଲୁଛି।
ଭିଡିଓଟି ବିଳମ୍ବିତ ରାତ୍ରି ପରି ମନେହୁଏ, ଯେଉଁଥିରେ ଏକ ଅଜବ ଜୀବଟି ନଇଁ ନଇଁ କିଛି ଖୋଜୁଥିବା ଦେଖାଯାଉଛି। ବର୍ତ୍ତମାନ ଏହି ଭିଡିଓଟି ସୋସିଆଲ ମିଡିଆରେ ବିଜୁଳି ବେଗରେ ବ୍ୟାପୁଛି। ଯାହା ଅଧିକାଂଶ ଲୋକ ଏଲିଏନ୍ କିମ୍ବା ଭୂତ ସହିତ ତୁଳନା କରୁଛନ୍ତି।