ମୁମ୍ବାଇ: ଆଜି ସକାଳେ ମହାରାଷ୍ଟ୍ରର ବୁଲଢାଣା ଜିଲ୍ଲାର ସମୃଦ୍ଧି ଏକ୍ସପ୍ରେସୱେରେ ଏକ କାର ଦୁର୍ଘଟଣାର ସମ୍ମୁଖୀନ ହୋଇଛି। ଯେଉଁଥିରେ ୬ ଜଣଙ୍କର ମୃତ୍ୟୁ ହୋଇଛି। ବୁଲଢାଣା ପୋଲିସ ଅଧୀକ୍ଷକ ସାରଙ୍ଗ ଆହାଦ କହିଛନ୍ତି ଯେ, ସକାଳ ୮ ଟାରେ ଶିବନି ପିସା ଗ୍ରାମରେ ଏହି ଦୁର୍ଘଟଣା ଘଟିଥିଲା ଯେତେବେଳେ ୧୩ ଜଣଙ୍କୁ ନେଇ ଯାଉଥିବା କାର ଔରଙ୍ଗାବାଦରୁ ଶେଗାଓଁ ଅଭିମୁଖେ ଯାଉଥିଲା। ଆହତମାନଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି।
ଏସପି କହିଛନ୍ତି ଯେ, କାରର ଡ୍ରାଇଭର ନିୟନ୍ତ୍ରଣ ହରାଇଥିଲେ, ଯାହା ପରେ ଗାଡିଟି ରାସ୍ତା ଅବରୋଧକୁ ଧକ୍କା ଦେଇ ଓଲଟି ପଡିଥିଲା। କାରରେ ୬ ଜଣ ପୁରୁଷ, ଚାରିଜଣ ମହିଳା ଏବଂ ଜଣେ ଝିଅ ଥିଲେ।
ଏହାପୂର୍ବରୁ କିଛି ଅଧିକାରୀ ଦୁର୍ଘଟଣାର ମୂଳ କାରଣ ଭାବରେ ଟାୟାର ଫାଟିଯାଇଥିବା ଦର୍ଶାଇଥିଲେ ହେଁ ସେମାନେ କହିଛନ୍ତି ଯେ ଉକ୍ତ ସ୍ଥାନରୁ ଅଧିକ ବିବରଣୀ ଅପେକ୍ଷା କରାଯାଇଛି।