ନୂଆଦିଲ୍ଲୀ: ସାଂସଦ ଭାବେ ଅଯୋଗ୍ୟ ହେବା ପରେ କଂଗ୍ରେସ ନେତା ରାହୁଲ ଗାନ୍ଧୀ ତାଙ୍କ ଟ୍ୱିଟର ଆକାଉଣ୍ଟର ବାୟୋ ଅପଡେଟ୍ କରିଛନ୍ତି। ନିଜକୁ କଂଗ୍ରେସ ସଦସ୍ୟ ବୋଲି କହିବା ସହିତ ସେ “ଅଯୋଗ୍ୟ ସାଂସଦ” ବୋଲି ମଧ୍ୟ ଲେଖିଛନ୍ତି। ପୂର୍ବରୁ ସେ ଏହି ସ୍ଥାନରେ ସାଂସଦ ବୋଲି ଲେଖିଥିଲେ। ଏବେ ସାଂସଦ ପୂର୍ବରୁ ଅଯୋଗ୍ୟ ବୋଲି ଉଲ୍ଲେଖ କରିଛନ୍ତି।
ଗୁଜୁରାଟର ଏକ କୋର୍ଟ ରାହୁଳ ଗାନ୍ଧୀଙ୍କୁ ସବୁ ମୋଦି ଚୋର ବୋଲି କହି ଦୋଷୀ ସାବସ୍ତ୍ୟ ହୋଇଥିଲେ। ପରେ କୋର୍ଟ ତାଙ୍କୁ ଦୁଇବର୍ଷ ଜେଲ ଦଣ୍ଡାଦେଶ ରାୟ ଶୁଣାଇଥିଲେ। ଏହାପରେ ନିୟମ ଅନୁସାରେ କୌଣସି ନିର୍ବାଚିତ ପ୍ରତିନିଧି ଦୁଇ ବର୍ଷ ପାଇଁ ଜେଲ ଦଣ୍ଡାଦେଶ ହେଲେ ତାଙ୍କର ସଦସ୍ୟତା ରଦ୍ଦ ହେବ। ସେହି ଅନୁସାରେ ରାହୁଳ ଗାନ୍ଧୀଙ୍କ ସଦସ୍ୟତାକୁ ଋଦ୍ଦ କରାଯାଇଛି।
ରାହୁଲ ଗାନ୍ଧୀଙ୍କୁ ଲୋକସଭାର ସଦସ୍ୟତା ଅଯୋଗ୍ୟତାକୁ ବିରୋଧ କରି ଆଜି ଦଳର ନେତା ଓ କର୍ମକର୍ତ୍ତାମାନେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ସମ୍ମୁଖରେ ଏକ ଦିନିଆ ସତ୍ୟଗ୍ରାହ ପ୍ରଦର୍ଶନ କରୁଛନ୍ତି। ଦଳର କହିବା ଅନୁସାରେ, ରାହୁଲ ଗାନ୍ଧୀଙ୍କ ସହ ଏକତା ଦୃଷ୍ଟିରୁ ସମସ୍ତ ରାଜ୍ୟ ତଥା ଜିଲ୍ଲାରେ ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତି ସମ୍ମୁଖରେ ଏହି ‘ସଙ୍କଳ୍ପ ସତ୍ୟଗ୍ରାହ’ ଅନୁଷ୍ଠିତ ହୋଇଯାଇଛି। ଏହା ସକାଳ 10 ଟାରୁ ସନ୍ଧ୍ୟା 5 ଟା ପର୍ଯ୍ୟନ୍ତ ଚାଲିବ।
