ନୂଆଦିଲ୍ଲୀ: ଭାରତରେ, ସ୍ୱାସ୍ଥ୍ୟ ସେବା ସମ୍ବନ୍ଧିତ ପାରମ୍ପରିକ ଢାଞ୍ଚାକୁ ସ୍ୱାସ୍ଥ୍ୟ ସେବା ପ୍ରଦାନ କରିବା ଏବଂ ଯତ୍ନ ପ୍ରଣାଳୀର ବୁଝାମଣାର ଏକ ଗୁରୁତ୍ୱପୂର୍ଣ୍ଣ ସୂଚକ ଭାବରେ ସ୍ୱୀକୃତ ହୋଇଛି। ସମ୍ପ୍ରତି କେନ୍ଦ୍ର ବନ୍ଦର, ପରିବହନ ଏବଂ ଜଳମାର୍ଗ ମନ୍ତ୍ରୀ ସର୍ବାନନ୍ଦ ସୋନୱାଲ ୧୦୭ କୋଟି ଟଙ୍କାର ଆନୁମାନିକ ମୂଲ୍ୟରେ ପିପିପି ମୋଡରେ ନୂତନ ମାଙ୍ଗାଲୋର ବନ୍ଦର ପ୍ରାଧିକରଣ (ଏନଏମପିଏ)ରେ ୧୫୦ ଶଯ୍ୟାବିଶିଷ୍ଟ ମଲ୍ଟିସ୍ପେଶିଆଲିଟି ହସ୍ପିଟାଲର ବିକାଶକୁ ତ୍ୱରାନ୍ୱିତ କରିବାକୁ ଅନୁମୋଦନ କରିଛନ୍ତି।
ଶ୍ରୀ ସର୍ବାନନ୍ଦ ସୋନୱାଲ କହିଛନ୍ତି, “ଏହି ଡାକ୍ତରଖାନା ବନ୍ଦର କର୍ମଚାରୀ, ସିଆଇଏସଫ, ଅବସରପ୍ରାପ୍ତ ର୍ମଚାରୀ ଏବଂ ସେମାନଙ୍କ ଉପରେ ନିର୍ଭର କରୁଥିବା ତଥା ବନ୍ଦର ପରିସରରେ ରହୁଥିବା ଅଣ ଏନଏପିଏ ରୋଗୀଙ୍କୁ ଗୁଣାତ୍ମକ ସ୍ୱାସ୍ଥ୍ୟ ସେବା ଯୋଗାଇ ଦିଆଯିବ ଏବଂ ଏହିପରି ଆମର ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଜୀଙ୍କ ଶେଷରେ ଠିଆ ହୋଇଥିବା ଶେଷ ବ୍ୟକ୍ତିଙ୍କ ପର୍ଯ୍ୟନ୍ତ ଗୁଣାତ୍ମକ ସ୍ୱାସ୍ଥ୍ୟ ସେବା ଯୋଗାଇବାର ପରିକଳ୍ପାକୁ ସାକାର କରିବ।
ବର୍ତ୍ତମାନ ମୁଁ, ଏନଏମପିଏ ନିକଟରେ ୩୨ ଶଯ୍ୟାବିଶିଷ୍ଟ ଏକ ଡାକ୍ତରଖାନା ଅଛି, ଯାହା ଆମର ରୋଗୀମାନଙ୍କୁ (ଏନଏମପିଏ ହିତାଧିକାରୀ)ଙ୍କୁ ଓପିଡି ଏବଂ ଡାଇଗ୍ନୋଷ୍ଟିକ ସେବା ପ୍ରଦାନ କରିଥାଏ। ନୂତନ ୧୫୦ ଶଯ୍ୟାବିଶିଷ୍ଟ ମଲ୍ଟିସ୍ପେଶିଆଲିଟି ହସ୍ପିଟାଲ ଅନେକ ପ୍ରକାରର ରୋଗର ଚିକିତ୍ସା ସହିତ ବିଭିନ୍ନ ପ୍ରକାରର ଚିକିତ୍ସା ସେବା ପ୍ରଦାନ କରିବ। ଏହି ପ୍ରକଳ୍ପ ରୋଗୀମାନଙ୍କୁ ଗୋଟିଏ ଛାତ ତଳେ ଆଇପିଡି ସୁବିଧା, ଆଇଇସିୟୁ, ଆଧୁନିକ ଡାଇଗ୍ନୋଷ୍ଟିକ ସୁବିଧା (ସିଟି ସ୍କାନ, ଏମଆରଆଇ ଇତ୍ୟାଦି), ମଲ୍ଟିସ୍ପେଟିଆଲିଟି ସେବା (ଅଙ୍କୋଲୋଜି, କାର୍ଡିଓଲୋଜି, ନ୍ୟୁରୋଲୋଜି ଏବଂ ନେଫ୍ରୋଲୋଜି ଇତ୍ୟାଦି) ଜରୁରିକାଳୀନ ଚିକିତ୍ସା, ନିରାକରଣ, ଅତ୍ସ୍ରୋପଚାର ଭଳି ସମସ୍ତ ସୁବିଧା ଉପଲବ୍ଧ କରାଇବ ଯାହା ବର୍ତ୍ତମାନ ବନ୍ଦର ଚିକିତ୍ସାଳୟରେ ଉପଲବ୍ଧ ନାହିଁ।
ଏହି ପ୍ରକଳ୍ପ ଅଧୀନରେ, ବନ୍ଦର କର୍ତ୍ତୃପକ୍ଷଙ୍କ ଦ୍ୱାରା ଚିହ୍ନିତ କରାଯାଇଥିବା ୩ ଏକର ଜମି ଏହି କାର୍ଯ୍ୟ ପାଇଁ ରିହାତି ପ୍ରଦାନକାରୀମାନଙ୍କୁ ହସ୍ତାନ୍ତର କରାଯିବ। ୧.୩ ଏକର ଜମିରେ ଥିବା ଡାକ୍ତରଖାନାକୁ ସଂଚାଳନ ପାଇଁ ରହାତି ପ୍ରଦାନକାରୀଙ୍କୁ ହସ୍ତାନ୍ତର କରାଯିବ, ଯାହା ନୂତନ ମଲ୍ଟିସ୍ପେଶିଆଲିଟି ହସ୍ପିଟାଲ କାର୍ଯ୍ୟକ୍ଷମ ହେବା ପରେ ବନ୍ଦର କର୍ତ୍ତୃପକ୍ଷଙ୍କୁ ହସ୍ତାନ୍ତର କରାଯିବ।
ଏହି ପ୍ରକଳ୍ପ ସେମାନଙ୍କ କର୍ମଚାରୀଙ୍କ ଚିକିତ୍ସା ପାଇଁ ବାର୍ଷିକ ଖର୍ଚ୍ଚକୁ ଯୁକ୍ତିଯୁକ୍ତ କରିବ। ଏହା ପନାମ୍ବର, ବେଙ୍କେମଡ଼ି, କୁଲଇ, ସୁରଥକଲ ଇତ୍ୟାଦିରେ ୫ କିଲୋମିଟର ବ୍ୟାସାର୍ଦ୍ଧରେ ରହୁଥିବା ଆଖପାଖ ଅଞ୍ଚଳର ଜନସଖ୍ୟାକୁ ସ୍ୱାସ୍ଥ୍ୟସେବା ଯୋଗାଇ ଦେବ ଏବ ବିଶେଷଜ୍ଞ, ଡାକ୍ତର, ଫାର୍ମାସିଷ୍ଟ, ନର୍ସିଂ କର୍ମଚାରୀ ଏବଂ ଅନ୍ୟାନ୍ୟ ପାରା ମେଡିକାଲ କର୍ମଚାରୀଙ୍କ ନିଯୁକ୍ତିରେ ସହାୟକ ହେବ।