ମାନସ ପୂର୍ଣ୍ଣ ଆଚାର୍ଯ୍ୟ
ଆସିକା: ଅବକାରୀ ବିଭାଗ ପକ୍ଷରୁ ଆସିକା ଥାନା ଅନ୍ତର୍ଗତ ବିଭିନ୍ନ ସ୍ଥାନରେ ଚଢ଼ାଉ କରାଯାଇଛି। ଆସ୍କା ତହସିଲଦାରଙ୍କ ଉପସ୍ଥିତିରେ ଅବକାରୀ ବିଭାଗ ମିଳିତ ଭାବେ ଚଢ଼ାଉ କରାଯାଇଛି। ଏଥିରେ ୨୮୦ ଲିଟର ଦେଶୀ ମଦ ଏବଂ ୫୫୫୦ ଲିଟର ପୋଚ ଜବତ କରାଯାଇଛି। ଆହୁରି ମଧ୍ୟ ଏହି ସଂଯୋଗରେ ୬ ଜଣଙ୍କୁ ଗିରଫ ଯାଇଛି।
ସୂଚନା ଅନୁସାରେ ଆସିକା ଅଞ୍ଚଳର ବିଭନ୍ନ ଗ୍ରାମରେ ବେଆଇନ ମଦ ପ୍ରସ୍ତୁତ ହେଉଥିବା ଖବର ମିଳିଥିଲା। ଏହାକୁ ଅବକାରୀ ଟିମ୍ କାଳଷଣ୍ଢପୁର, ସମନ୍ତିଆପଲ୍ଲି, କରା ତଳି, ସୁମନ୍ତ ପଲ୍ଲୀ, କଳିଙ୍ଗା ରୋଡ ସ୍ତିସ୍ତ I.B ପଛପାଖ ଆଦି ଗ୍ରାମରେ ଚଢ଼ାଉ କରାଯାଇଥିଲା।
ଏହି ଚଢାଉରେ ଆସିକା ତହସିଲଦାର ସଞ୍ଜୟ ସାମନ୍ତରାୟ, ଅବକାରୀ ଇନସ୍ପେକ୍ଟର ବାଳକ ବିଶି, ଏସଆଇ ପ୍ରଦିପ କୁମାର ମହାନ୍ତି, ନୀଳାମ୍ବର ନାୟକ, ବିଜୟ କୁମାର ମଲ୍ଲିକ ସହ ଅନେକ ଅବକାରୀ କର୍ମଚାରୀ ସାମିଲ ଥିଲେ।