ଭୁବନେଶ୍ବର: ଆଜି କେନ୍ଦ୍ର ସୂଚନା ଓ ପ୍ରସାରଣ ତଥା କ୍ରୀଡା ମନ୍ତ୍ରୀ ଅନୁରାଗ ଠାକୁର ରାଜ୍ୟ ସରକାରଙ୍କ କେନ୍ଦ୍ରୀୟ ଯୋଜନା ଦୁର୍ନିତିର କାର୍ଯ୍ୟାନୁଷ୍ଠାନ ହେବ। ଭୁବନେଶ୍ବରର ରାଜ୍ୟ ବିଜେପି କାର୍ଯ୍ୟାଳୟରେ ଆୟୋଜିତ ଏକ ସାମ୍ବାଦିକ ସମ୍ମିଳନରେ ସେ ଏହା କହିଛନ୍ତି। ଏ କ୍ଷେତ୍ରରେ କେନ୍ଦ୍ର ପଦକ୍ଷେପ ଗ୍ରହଣ କରିବ।
ସେ କହିଛନ୍ତି ଯେ, ପଶ୍ଚିମ ବଂଗରେ ପ୍ରଧାନମନ୍ତ୍ରୀ ଅବାସ ଯୋଜନା ଏବଂ ଅନ୍ୟ ଯୋଜନାରେ ଦୁର୍ନିତି ଅଭିଯୋଗ ଆସିଥିଲା। ସେହିପରି ମନରେଗା ଯୋଜନାରେ ମଧ୍ୟ ଦୁର୍ନିତି ହୋଇଥିଲା। କେନ୍ଦ୍ର ତରଫରୁ ନୋଟିସ କରାଯାଇଥିଲା। ହେଲେ ରାଜ୍ୟ ସରକାର କୌଣସି ପଦକ୍ଷେପ ଗ୍ରହଣ କଲେ ନାହିଁ। ଏହାପରେ ଦୁର୍ନିତିଗସ୍ତଙ୍କ ଉପରେ କାର୍ଯ୍ୟାନୁଷ୍ଠାନ ନ ହେବା ପର୍ଯ୍ୟନ୍ତ ମନେରଗା ଅନୁଦାନ ବନ୍ଦ କରିଦିଆଗଲା।
ଓଡିଶାରେ ମଧ୍ୟ ସେମିତି ଦୁର୍ନିତି ହୋଇଛି ବୋଲି ଅଭିଯୋଗ ଆସିଛି। ତା ବିରୋଧରେ କାର୍ଯ୍ୟାନୁଷ୍ଠ ନ ନେଲେ କେନ୍ଦ୍ର ସେହିପରି ପଦକ୍ଷେପ ଗ୍ରହଣ କରିବ ବୋଲି ଅନୁରାଗ ଠାକୁର କହିଛନ୍ତି। ତେବେ ଏହାକୁ ନେଇ ବିଜେଡି ଉପସଭାପତି ଦେବୀ ମିଶ୍ର ପ୍ରତିକ୍ରିୟା ପ୍ରକାଶ କରିଛି। ସେ କହିଛନ୍ତି ଯେ, କେଉଁଠି ଦୁର୍ନିତି ହୋଇଛି ତାହାର ପ୍ରମାଣ କରି କେନ୍ଦ୍ର କାର୍ଯ୍ୟାନୁଷ୍ଠାନ ଗ୍ରହଣ କରନ୍ତୁ।
ଅନୁରାଗ ଯାହା କହୁଛନ୍ତି ତାହା ସଂପୂର୍ଣ୍ଣ ମିଛ କଥା। କେବଳ ଭୋଟ ପାଖେଇଲାଣି ବୋଲି ସେ ଏପରି ବାହସ୍ପୋଟ ମାରିବାରେ ଧୁରନ୍ଦର। ଆଜି ପର୍ଯ୍ୟନ୍ତ କାହିଁକି କାର୍ଯ୍ୟାନୁଷ୍ଠାନ ନେଇ ନାହାଁନ୍ତି ବୋଲି ଦେବୀ ପ୍ରଶ୍ନ ଉଠାଇଛନ୍ତି। ସେ କହିଛନ୍ତି ଓଡିଶା ଲୋକେ କିଏ ଭଲ ତାହା ଭଲ ଭାବେ ଜାଣନ୍ତି। ସେଥିରେ ଅନୁରାଗ ଠାକୁରଙ୍କ କଥାରେ କେହି ବିଚଳିତ ହେବେ ନାହିଁ ବୋଲି ଦେବୀମିଶ୍ର କହିଛନ୍ତି।
