Women Heart Attack: କେବଳ କିଛି ମିନିଟ୍ ସିଢି ଚଢ଼ିବା କିମ୍ବା ଯୌନ ସମ୍ପର୍କରେ ରହିବା ମହିଳାମାନଙ୍କ ହୃଦ୍ରୋଗକୁ ୪୫% କମାଇପାରେ। ଏହିପରି ଏକ ଆଶ୍ଚର୍ଯ୍ୟ ଜନକ ରିପୋର୍ଟ ଗୋଟିଏ ବଡ ଗବେଷଣାରୁ ସ୍ପଷ୍ଟ ହୋଇଛି।
ସପିଂ କରିବାକୁ ଯିବା ବେଳେ ସିଢ଼ି ଚଢ଼ିବା ପରି ଛୋଟ ଛୋଟ କାର୍ଯ୍ୟଗୁଡ଼ିକ ମହିଳାମାନଙ୍କ ହୃଦ୍ରୋଗ ଆଶଙ୍କାକୁ ଅଧାରୁ କମାଇ ପାରେ ବୋଲି ଏହି ଗବେଷଣାରୁ ଜଣାପଡିଛି। ଦିନ-ପ୍ରତିଦିନର କାର୍ଯ୍ୟଗୁଡ଼ିକ ନିଷ୍କ୍ରିୟ ଲୋକମାନଙ୍କ ପାଇଁ ହୃଦ୍ସମସ୍ୟାଗୁଡ଼ିକୁ ହ୍ରାସ କରିବାରେ ବେଶ ରାମବାଣ ପରି କାମ ଦେଇଛି ବୋଲି ସ୍ପଷ୍ଟ ହୋଇଛି।
ଏହି ଗବେଷଣାଟି ୪୦ରୁ ୭୯ ବର୍ଷ ବୟସର ୨୨,୦୦୦ ଠାରୁ ଅଧିକ ବ୍ରିଟିଶ ଲୋକଙ୍କ ଉପରେ କରାଯାଇଥିଲା ଏବଂ ଦିନ-ପ୍ରତିଦିନ କାର୍ଯ୍ୟଗୁଡ଼ିକ କିପରି ଜୀବନ ରକ୍ଷାରେ ସାହାଯ୍ୟ କରେ ତାହା ସ୍ପଷ୍ଟ ହୋଇଛି।
ବୈଜ୍ଞାନିକମାନେ ଏହି କ୍ଷୁଦ୍ର ରିଆକ୍ଟିଭ୍ ଶାରୀରିକ କାର୍ଯ୍ୟଗୁଡ଼ିକୁ “ଭିଗରସ୍ ଇଣ୍ଟରମିଟେଣ୍ଟ ଲାଇଫ୍ସ୍ଟାଇଲ୍ ଫିଜିକାଲ୍ ଆକ୍ଟିଭିଟି” ବୋଲି ନାମକରଣ କରିଛନ୍ତି। ୨୦୧୩ ରୁ ୨୦୨୨ ପର୍ଯ୍ୟନ୍ତ ଏକ ମନିଟରିଂ ପର୍ଯ୍ୟବେକ୍ଷଣ କାଳରେ ଦେଖାଗଲା ଯେ, ମହିଳାମାନେ ଦିନକୁ ମାତ୍ର ୩.୪ ମିନିଟ୍ ଏମିତି ଶାରୀରିକ କାର୍ଯ୍ୟକୁ ଅଭ୍ୟାସ କରିବା ଦ୍ୱାରା ବଡ଼ ହୃଦ୍ରୋଗ ଆଶଙ୍କାକୁ ୪୫ ପ୍ରତିଶତ କମାଇପାରିଛନ୍ତି।
ସିଡନି ବିଶ୍ୱବିଦ୍ୟାଳୟର ପ୍ରଫେସର ଏମ୍ମାନୁଏଲ୍ ସ୍ତାମାଟାକିସ୍ କହିଛନ୍ତି, “ କିଛି ସମୟ ପାଇଁ ଜୀବନ ରୂପରେ ଶାରୀରିକ କାର୍ଯ୍ୟଗୁଡ଼ିକୁ ଅଭ୍ୟାସ କରିବା ଏକ ସଫଳ ଵିକଳ୍ପ ହୋଇପାରେ। ଯାହା ମହିଳାମାନେ ଗଠନାଗତ ଅଭ୍ୟାସରେ ଅନୁରୁଚିର ଥାନ୍ତି କିମ୍ବା ତାହାକୁ କରିପାରି ଥାନ୍ତି।
ସ୍ତାମାଟାକିସ୍ ଜୋର ଦେଇ କହିଛନ୍ତି, “ଏହାକୁ ଜୀବନରେ ପ୍ରତିକାର ଭାବେ ଦେଖିବା ଉଚିତ୍ ନୁହେଁ – ସ୍ୱାସ୍ଥ୍ୟ ପାଇଁ କୌଣସି ଆଶ୍ଚର୍ଯ୍ୟ ଉପାୟ ନାହିଁ। କିନ୍ତୁ ଆମର ଫଳାଫଳ ଦେଖାଇଥାଏ ଯେ କେବଳ ତୀବ୍ରତାର କାର୍ଯ୍ୟ ଲୋକମାନଙ୍କୁ ସାଧାରଣ ଶାରୀରିକ କାର୍ଯ୍ୟ କିମ୍ବା ଅଭ୍ୟାସ ଗଢ଼ିବାରେ ସାହାଯ୍ୟ କରିପାରେ।”
ଏହି ଗବେଷଣରୁ ଜଣାପଡିଛି ଯେ, ମହିଳାମାନଙ୍କ ପାଇଁ ଏହା ଲାଭଦାୟକ ଥିବା ବେଳେ ପୁରୁଷମାନଙ୍କ ପକ୍ଷରେ ତାହା କାମ ଦେଇ ନ ଥିଲା। ଯେଉଁମାନେ ଦିନକୁ ପ୍ରାୟ ୫ରୁ ୬ ମିନିଟ୍ ଦୃଢ ଶାରୀରିକ କାର୍ଯ୍ୟ କରୁଥିଲେ ସେମାନଙ୍କ ହୃଦ୍ରୋଗ ଆଶଙ୍କାକୁ କେବଳ ୧୬ ପ୍ରତିଶତ କମାଇପାରିଛନ୍ତି। ଅନ୍ୟମାନେ ଦିନକୁ ୨ରୁ ୩ ମିନିଟ୍ ଅଭ୍ୟାସ କରୁଥିବାରେ କେବଳ ୧୧ ପ୍ରତିଶତ ହ୍ରାସ ଘଟିଲା।
ଏହି ଗବେଷଣାର ତଥ୍ୟ ବ୍ରିଟିଶ ଜର୍ନାଲ୍ ଅଫ୍ ସ୍ପୋର୍ଟସ୍ ମେଡିସିନ୍ ରେ ପ୍ରକାଶିତ ହୋଇଛି, ଦିନ-ପ୍ରତିଦିନର କାମଗୁଡ଼ିକୁ ସ୍ୱାସ୍ଥ୍ୟ ସମ୍ବନ୍ଧୀୟ ଶକ୍ତିଶାଳୀ ମିତ୍ରରେ ପରିଣତ କରିବାର ସମ୍ଭାବନାକୁ ଏହା ଉଲ୍ଲେଖ କରେ।
