ନୂଆଦିଲ୍ଲୀ: ମସଜିଦ ଭିତରେ ‘ଜୟ ଶ୍ରୀ ରାମ’ର ସ୍ଲୋଗାନ ଦେଇ ଧାର୍ମିକ ଭାବନାକୁ ଆଘାତ ଦେବା ଅଭିଯୋଗରେ ଦାଖଲ ହୋଇଥିବା ମାମଲାକୁ ରଦ୍ଦ କରିବା ପାଇଁ ହାଇକୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟ କର୍ଣ୍ଣାଟକ ସରକାରଙ୍କଠାରୁ ପ୍ରତିକ୍ରିୟା ଲୋଡିଛନ୍ତି। ଏହି ମାମଲାରେ କର୍ଣ୍ଣାଟକ ସରକାରଙ୍କୁ ନୋଟିସ ଜାରି କରିବାକୁ ସୁପ୍ରିମକୋର୍ଟ ମନା କରିଦେଇଛନ୍ତି।
ଏହି ବିଷୟ ଦକ୍ଷିଣ କନ୍ନଡ ଜିଲ୍ଲାର ଅଟେ। ଏଠାରେ ଦୁଇଜଣ ଲୋକ ମସଜିଦ ଭିତରକୁ ଯାଇ ଜୟ ଶ୍ରୀ ରାମଙ୍କ ସ୍ଲୋଗାନ ଦେଇଥିଲେ। ଏହା ପରେ ହାଇକୋର୍ଟରେ ମାମଲା ରୁଜୁ ହୋଇଥିଲା। ଏହା ପରେ କୋର୍ଟ ଏହି ମାମଲାକୁ ରଦ୍ଦ କରିଦେଇଥିଲେ। ଏହା ପରେ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯାଇଥିଲା।
ସୁପ୍ରିମକୋର୍ଟଙ୍କ ପ୍ରଶ୍ନ:
ଶୁଣାଣି ସମୟରେ ସୁପ୍ରିମକୋର୍ଟ ପ୍ରଶ୍ନ କରିଛନ୍ତି ଯେ, ଏହା କିପରି ଅପରାଧ ହୋଇପାରିବ? କୋର୍ଟର ଏହି ପ୍ରଶ୍ନର ଉତ୍ତରରେ ଆବେଦନକାରୀଙ୍କ ଓକିଲ କହିଛନ୍ତି ଯେ, ଯଦି ଗୋଟିଏ ସମ୍ପ୍ରଦାୟର ଧାର୍ମିକ ସ୍ଥାନରେ ଅନ୍ୟ ସମ୍ପ୍ରଦାୟର ସ୍ଲୋଗାନ ଦେବା ପାଇଁ ଅନୁମତି ଦିଆଯାଏ, ତେବେ ଏହା ସାମ୍ପ୍ରଦାୟିକ ବିବାଦର କାରଣ ହୋଇପାରେ। ଏହା ପରେ ସୁପ୍ରିମକୋର୍ଟ ହାଇଦର ଅଲି ନାମକ ଜଣେ ବ୍ୟକ୍ତିଙ୍କ ଆବେଦନ ଉପରେ କର୍ଣ୍ଣାଟକ ସରକାରଙ୍କଠାରୁ ଜବାବ ମାଗିଛନ୍ତି।
