ଅଭିନେତା ସୈଫ ଅଲ୍ଲି ଖାନଙ୍କୁ ଛଅ ଥର ଛୁରା ମାଡ, ହସପିଟାଲରେ ଚାଲିଛି ଚିକିତ୍ସା

ମୁମ୍ବାଇ: ସୈଫ ଅଲ୍ଲି ଖାନଙ୍କୁ ଏକ ଅଜଣା ବ୍ୟକ୍ତି ମୁମ୍ବାଇ ଘରେ ପଶି ଛ ଥର ଛୁରି ମାରିଥିବାର ଜଣାପଡିଛି। ଏହି ଘଟଣା ଗତକାଲି ରାତି ୨.୩୦ ରେ ଘଟିଥିଲା। ଏହି ଘଟଣା ପରେ ସୈଫଙ୍କୁ ମୁମ୍ବାଇର ଲିଳାବତୀ ହସ୍ପିଟାଲରେ ଭର୍ତ୍ତି କରାଯାଇଛି। ସେଠାରେ ତାଙ୍କର ଅପରେସନ ଚାଲିଛି ବୋଲି କୁହାଯାଇଛି। ତେବେ ଡାକ୍ତରଖାନା ସୂଚନା ଅନୁସାରେ ତାଙ୍କର ସ୍ବାସ୍ଥ୍ୟ ଅବସ୍ଥା ସ୍ଥିର ରହିଛି।

ଏହି ବ୍ୟକ୍ତି ଜଣଙ୍କ ସୁରକ୍ଷା ବଳୟ ଭେଦ କରି ତାଙ୍କ ଘରେ ପ୍ରବେଶ କରିଥିଲା। ସେତେବେଳେସୈଫ ଘୁମାଉଥିଲେ ବୋଲି କୁହାଯାଉଛି। ସେ ପଶିବା ପରେ ସୈଫଙ୍କ ନିଦ ଭାଙ୍ଗି ଯାଇଥିଲା। ଏହାପରେ ତାଙ୍କ ସହିତ ଅଭିନେତାଙ୍କ ମୁହାଁମୁହିଁ ହେଲା। ତା’ ପରେ, ଏହି ବ୍ୟକ୍ତି ସୈଫଙ୍କୁ ଛ ଥର ଛୁରି ମାରି ଘଟଣାସ୍ଥଳରୁ ଫେରାର ହୋଇଯାଇଛି।

ପୋଲିସ ଅଜଣା ବ୍ୟକ୍ତିଙ୍କ ନାମରେ ମାମାଲ କରି ଏହାର ତଦନ୍ତ ଆରମ୍ଭ କରିଛି। ଏହି ଘଟଣାରେ ସୈଫଙ୍କ ଘରର ତିନିଜଣ ସହାୟକଙ୍କୁ ପଚରାଉଚୁରା କରିୃୁଛି। ମୁମ୍ବାଇ କ୍ରାଇମ ବ୍ରାଞ୍ଚ ଏହାର ସମାନ୍ତରାଳରେ ତଦନ୍ତ ଦାୟିତ୍ୱ ନେଇଛି। ଏଥିପାଇଁ ତଦନ୍ତ ନିମନ୍ତେ ସାତଟି ଟିମ୍ ଗଠିତ ହୋଇଛି। ଗୋଟିଏ ଟିମ୍ ସିସିଟିଭି ଫୁଟେଜ ଯାଞ୍ଚ କରୁଛି। ତିନୋଟି ଟିମ୍ ମୁମ୍ବାଇର ଭିନ୍ନ ଅଞ୍ଚଳରେ ପଇଁନ୍ତରା ମାରୁଛନ୍ତି।