ଢେଙ୍କାନାଳ: ସ୍ଵେଚ୍ଛାସେବୀ ଅନୁଷ୍ଠାନର ପ୍ରୟାସ ଦ୍ୱାରା ଢେଙ୍କାନାଳ ଷ୍ଟାଡିୟମରେ ସର୍ବ ଭାରତୀୟ ଢେଙ୍କାନାଳ କପ କ୍ରିକେଟ ପ୍ରତିଯୋଗିତା ଆୟୋଜିତ ହେଉଛି। ଖାଦ୍ୟ ଯୋଗଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର ଆନୁଷ୍ଠାନିକ ଭାବେ ଏହାର ଉଦଘାଟନ କରିଛନ୍ତି।
ଏହି ଅବସରରେ ଶ୍ରୀଯୁକ୍ତ ପାତ୍ର ସମସ୍ତ ଖେଳାଳିଙ୍କୁ ଅଭିନନ୍ଦନ ଜଣାଇବା ସହ ଖେଳୁଆଡ ମନୋଭାବରେ ନିଜର ଖେଳ ପ୍ରଦର୍ଶନ କରିବା ପାଇଁ ଅନୁରୋଧ କରିଛନ୍ତି। ଏହି ଟୁର୍ଣ୍ଣାମେଣ୍ଟର ପ୍ରତ୍ୟେକ ମ୍ୟାଚ ୨୦ ଓଭର ବିଶିଷ୍ଟ। ଏହା ୨୩ ତାରିଖ ପ୍ରଯ୍ୟନ୍ତ ଚାଲିବ।
ଏହି ଟୁର୍ଣ୍ଣାମେଣ୍ଟରେ ଛତିଶଗଡ, ଜଯପୁର, ରାଜସ୍ଥାନ, ପଶ୍ଚିମବଙ୍ଗ, ଅନ୍ୟ ରାଜ୍ୟ ଓ ଓଡିଶାର ବିଭିନ୍ନ ଜ଼ିଲ୍ଲାର ଦଳଗୁଡିକ ଅଂଶ ଗ୍ରହଣ କରିବେ। ପ୍ରତି ଯୋଗୀତାର ଫାଇନାଲ ମ୍ୟାଚ ଆସନ୍ତା ୨୩ ତାରିଖରେ ଅନୁଷ୍ଠିତ ହେବ।
ଏହି ପ୍ରତିଯୋଗିତାରେ ବିଜେତା ଦଳକୁ ଏକ ଲକ୍ଷ ନଗଦ ପୁରୁଷ୍କାର ସହିତ ୨ ଗ୍ରାମ ସୁନା ଦିଆଯିବ। ସେହିଭଳି ଉପ-ବିଜେତା ଦଳକୁ ୭୫ ହଜାର ଟଙ୍କା ପୁରସ୍କାର ରାଶି ପ୍ରଦାନ କରାଯିବ।