ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଅପରାଧ ଦମନ କରିବାକୁ ଗଞ୍ଜାମ ପୁଲିସ ସ୍ଵତନ୍ତ୍ର ଅଭିଯାନ ଚଳାଇଛି। ଦୁଇ ସପ୍ତାହଧରି ଚାଲିଥିବା ସ୍ଵତନ୍ତ୍ର ଅଭିଯାନରେ ଜବତ ହୋଇଛି ୧୭ ବନ୍ଧୁକ, ୬୬ ଟି ଅଫୁଟା ଗୁଳି, ୧୬ ଟି ମୋବାଇଲ ଫୋନ ଓ ୧୮ ଜଣ ପେଷାଦାର ଅପରାଧୀଙ୍କୁ ଗିରଫ କରିବାରେ ସଫଳତା ହାସଲ କରିଛନ୍ତି ଗଞ୍ଜାମ ପୋଲିସ।
ଏହି ଭଳି କାର୍ଯ୍ୟକ୍ରମ ଆହୁରି ବଢିବ ବୋଲି ଏକ ସାମ୍ୱାଦିକ ସମ୍ମିଳନୀରେ ସୂଚନା ଦେଇଛନ୍ତି ଦକ୍ଷିଣାଞ୍ଚଳ ଆଇଜି ନିତିଶ ଶେଖର। ଛତ୍ରପୁର ଜିଲ୍ଲା ପୁଲିସ କାର୍ଯ୍ୟାଳୟରେ ଏହି ସାମ୍ବାଦିକ ସମ୍ମୀଳନୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
