ରେଢ଼ାଖୋଲ (କନ୍ଦର୍ପ ବେହେରା): ପବିତ୍ର ଘୋଷଯାତ୍ରା ଅବସରରେ ଛାତ୍ରଛାତ୍ରୀଙ୍କର ପ୍ରତିଭାର ପରିପ୍ରକାଶ ସହ ଚିତ୍ରକଳାର ବିଭିନ୍ନ ଶୈଳୀକୁ ଶିକ୍ଷାପ୍ରଦାନ କରାଇବା ଉଦ୍ଦେଶ୍ୟରେ ବନବିଭାଗ ବଣାଇଗଡ଼, ସୁନ୍ଦରଗଡ଼ ଜିଲ୍ଲା ପକ୍ଷରୁ ତିନିଦିନିଆ କର୍ମଶାଳା ଓ ପ୍ରଦର୍ଶନୀ ଆୟୋଜିତ ହୋଇଥିଲା। ଏଇ ଅବସରରେ ନାକଟିଦେଉଳ ମାଟିର ଚିତ୍ରଶିଳ୍ପୀ ତଥା ଟାଟା ଡ଼ିଏଭି ର କଳାଗୁରୁ ସୁଧୀର କୁମାର ସ୍ୱାଇଁଙ୍କୁ ସମ୍ମାନିତ କରାଯାଇଛି। ଚିତ୍ର ଶିଳ୍ପୀ ସୁଧୀର ଯୋଗ ଦେଇ ଚିତ୍ରକଳା ଓ ମୁଦ୍ରଣ କଳାର ରିଲିଫ ପ୍ରିଣ୍ଟ (ମାଉଣ୍ଟ ବୋର୍ଡ) ଶୈଳୀ ଉପରେ ଛାତ୍ର ଛାତ୍ରୀ ମାନଙ୍କୁ ମଧ୍ୟ ଶିକ୍ଷା ପ୍ରଦାନ କରିଥିଲେ।
ଏହି କର୍ମଶାଳାର ଉଦଯାପନୀ ଉତ୍ସବରେ ବଣାଇ ରାଜାସାହେବ ଵୀରକେଶରୀ ଭଞ୍ଜଦେଓ ଦେବ, ଡ଼ିଏଫଓ ଲଳିତ କୁମାର ପାତ୍ର, ବରିଷ୍ଠ ଶିଳ୍ପୀ ରୁକ୍ମଣୀ ବଲ୍ଲଭ ପ୍ରଧାନ ଓ ବିଶିଷ୍ଟ ହସ୍ତତନ୍ତ ଡିଜାଇନର ଶ୍ୟାମସୁନ୍ଦର ମେହେର ପ୍ରମୁଖ ଉପସ୍ଥିତ ରହି ଚିତ୍ର ଶିଳ୍ପୀ ସୁଧୀର ସ୍ୱାଇଁ ଙ୍କୁ ସମ୍ମାନିତ କରାଯାଇଛି। ଚିତ୍ରଶିଳ୍ପୀ ସୁଧୀର ଓଡିଶା ତଥା ସର୍ବଭାରତୀୟ ବିଭିନ୍ନ ଅଗ୍ରଣୀ କଳା ଅନୁଷ୍ଠାନ,ସଂଗଠନର କର୍ମଶାଳା ଓ ପ୍ରଦର୍ଶନୀ ମାନଙ୍କ ରେ ଅଂଶ ଗ୍ରହଣକରି ଉଚ୍ଚ ପ୍ରଶଂସିତ ହୋଇ ଜଣେ ପ୍ରତିଷ୍ଠିତ ଶିଳ୍ପୀ ଭାବେ ସୁପରିଚିତ। ଅଧୁନା ସ୍ଥାନୀୟ ଟାଟା ଡ଼ିଏଭି ସ୍କୁଲ ଯୋଡ଼ା ର ଫାଇନ ଆର୍ଟ ବିଭାଗରେ ଛାତ୍ରଛାତ୍ରୀଙ୍କୁ କଳାଶିକ୍ଷା ପ୍ରଦାନ କରି ଆସୁଛନ୍ତି। ସେ ସମ୍ବଲପୁର ଜିଲ୍ଲା ରେଢ଼ାଖୋଲ ସବଡ଼ିଭିଜନ ନାକଟିଦେଉଳ ବ୍ଲକ ସରପାଲିର ବାସିନ୍ଦା।