ନୂଆଦିଲ୍ଲୀ: ଯୋଗାଯୋଗ ମନ୍ତ୍ରୀ ଶ୍ରୀ ଜ୍ୟୋତିରାଦିତ୍ୟ ସିନ୍ଧିଆ କହିଛନ୍ତି ଯେ ସଞ୍ଚାର ସାଥୀ ପଦକ୍ଷେପ ସହାୟତାରେ ୧ କୋଟି ୩୬ ଲକ୍ଷରୁ ଅଧିକ ନକଲି ମୋବାଇଲ ସଂଯୋଗ କାଟି ଦିଆଯାଇଛି। ଲୋକସଭାରେ ଏକ ପ୍ରଶ୍ନର ଉତ୍ତର ଦେଇ ଶ୍ରୀ ସିନ୍ଧିଆ ସୂଚନା ଦେଇଛନ୍ତି ଯେ ଏହି ପୋର୍ଟାଲରେ ୩୫ ଲକ୍ଷରୁ ଅଧିକ ଲୋକ ମୋବାଇଲ ଚୋରି ଅଭିଯୋଗ ଦାଖଲ କରିଛନ୍ତି।
ସେ କହିଛନ୍ତି ଯେ, ସେମାନଙ୍କ ମଧ୍ୟରୁ ୨୧ ଲକ୍ଷରୁ ଅଧିକ ଚୋରି ମୋବାଇଲ୍ ଟ୍ରାକ୍ କରାଯାଇଛି ଏବଂ ପାଞ୍ଚ ଲକ୍ଷରୁ ଅଧିକ ମୋବାଇଲ୍ ଫୋନ୍ ମାଲିକଙ୍କୁ ଫେରସ୍ତ କରାଯାଇଛି। ମନ୍ତ୍ରୀ ସୂଚନା ଦେଇଛନ୍ତି ଯେ ସାଇବର-ଅପରାଧ ଏବଂ ଆର୍ଥିକ ଠକେଇ ରୋକିବା ପାଇଁ ସମ୍ପୃକ୍ତ ଅଂଶୀଦାରମାନଙ୍କ ସହିତ ଟେଲିକମ୍ ସମ୍ବଳର ଅପବ୍ୟବହାର ସମ୍ପର୍କିତ ସୂଚନା ବାଣ୍ଟିବା ପାଇଁ ଡିଜିଟାଲ୍ ଇଣ୍ଟେଲିଜେନ୍ସ ପ୍ଲାଟଫର୍ମ ଆରମ୍ଭ କରାଯାଇଛି।
ସେ କହିଛନ୍ତି ଯେ, ବର୍ତ୍ତମାନ ବ୍ୟାଙ୍କ ଏବଂ ଆର୍ଥିକ ପ୍ରତିଷ୍ଠାନ, ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳର ପୋଲିସ, ସୁରକ୍ଷା ଏଜେନ୍ସି ଏବଂ ଟେଲିକମ୍ ସେବା ପ୍ରଦାନକାରୀ ସମେତ ୬୨୦ ସଂଗଠନ ଏହି ପ୍ଲାଟଫର୍ମ ସହିତ ସଂଯୁକ୍ତ।