ନୂଆଦିଲ୍ଲୀ: ଭାରତ ପାକିସ୍ତାନକୁ ୫୮ ରନରେ ପରାସ୍ତ କରିଛି। ଏହା ସହିତ, ଟିମ୍ ଇଣ୍ଡିଆ ୧୯ ବର୍ଷରୁ କମ୍ ବିଶ୍ୱକପ୍ ର ସେମିଫାଇନାଲରେ ପ୍ରବେଶ କରିଛି। ଏହି ମ୍ୟାଚ୍ ରେ ପାକିସ୍ତାନ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା। ପ୍ରଥମେ ବ୍ୟାଟିଂ କରି, ଭାରତୀୟ ଦଳ ୨୫୨ ରନରେ ଅଲଆଉଟ୍ ହୋଇଯାଇଥିଲା। ଜବାବରେ ପାକିସ୍ତାନ କେବଳ ୧୯୪ ରନ କରିପାରିଥିଲା।
ଇଂଲଣ୍ଡ, ଅଷ୍ଟ୍ରେଲିଆ ଏବଂ ଆଫଗାନିସ୍ତାନ ପୂର୍ବରୁ ବିଶ୍ୱକପ୍ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିସାରିଥିଲା। ସମସ୍ତଙ୍କ ନଜର ଭାରତ ବନାମ ପାକିସ୍ତାନ ମ୍ୟାଚ୍ ଉପରେ ଥିଲା। କାରଣ ଏହାର ଫଳାଫଳ ସେମିଫାଇନାଲରେ ପ୍ରବେଶ ପାଇଁ ଚତୁର୍ଥ ଦଳ ନିର୍ଣ୍ଣୟ କାରବାର ଥିଲା।
ଭାରତ ଗର୍ବର ସହିତ ସେମିଫାଇନାଲରେ
ଭାରତୀୟ ଦଳ ପାକିସ୍ତାନକୁ ୨୫୨ ରନର ଲକ୍ଷ୍ୟ ଧାର୍ଯ୍ୟ କରିଥିଲା। ଯେହେତୁ ପାକିସ୍ତାନ ନେଟ୍ ରନ-ରେଟରେ ବହୁତ ପଛରେ ଥିଲା, ତେଣୁ ସେମାନଙ୍କୁ ୩୩.୩ ଓଭରରେ ଏହି ଲକ୍ଷ୍ୟ ହାସଲ କରିବାର ଥିଲା। ଉସମାନ ଖାନ, ଅଧିନାୟକ ଫରହାନ ୟୁସୁଫ ଏବଂ ଓପନର ହମଜା ଜହୁର ଏକ ସମୟରେ ଟିମ୍ ଇଣ୍ଡିଆର ଚିନ୍ତା ବଢାଇଦେଇଥିଲେ, କିନ୍ତୁ ପାକିସ୍ତାନର ନିମ୍ନ ମଧ୍ୟକ୍ରମ ଏବଂ ନିମ୍ନକ୍ରମ ସଂପୂର୍ଣ୍ଣ ବିଫଳ ହୋଇଥିଲେ।
ଅଧିନାୟକ ଆୟୁଷ ମହାତ୍ରେଙ୍କ ମ୍ୟାଚ୍ ବିଜୟୀ ପ୍ରଦର୍ଶନ:
ପାକିସ୍ତାନ ଥରେ ୩୦ତମ ଓଭରରେ ମାତ୍ର ଦୁଇଟି ୱିକେଟ ହରାଇ ୧୫୧ ରନ କରିଥିଲା। ସ୍କୋରବୋର୍ଡ ୫ ରୁ ଅଧିକ ରନ ହାରରେ ଗତି କରୁଥିଲା। ପାକିସ୍ତାନୀ ଦଳ ଏକ ସହଜ ବିଜୟ ଆଡକୁ ଗତି କରୁଥିଲା, କିନ୍ତୁ ପରେ ଆରଏସ ଆମ୍ବ୍ରିସ୍ ଅଧିନାୟକ ଫରହାନ ୟୁସୁଫଙ୍କୁ ୩୮ ରନରେ ଆଉଟ୍ କରିଥିଲେ। ସେଇଠୁ ମ୍ୟାଚ୍ ର ସ୍ଥିତି ବଦଳିଯାଇଥିଲା।
ଏହି ସମୟରେ ଅଧିନାୟକ ଆୟୁଷ ମହାତ୍ରେ ମଧ୍ୟ ଏକ ବିପଜ୍ଜନକ ସ୍ପେଲ ଆରମ୍ଭ କରିଥିଲେ। କିଛି ସମୟ ପରେ ଅହମ୍ମଦ ହୁସେନଙ୍କୁ ଆଉଟ୍ କରି ପାକିସ୍ତାନକୁ ଅଡୁଆରେ ପକାଇଥିଲେ। ତଥାପି ଉସମାନ ଖାନ ଗୋଟିଏ ପଟେ ଛିଡା ହୋଇ ଥିଲେ, କିନ୍ତୁ ମହାତ୍ରେ ତାଙ୍କୁ ୬୬ ରନରେ ଆଉଟ୍ କରିବ ପରେ ପାକିସ୍ତାନର ମେରୁଦଣ୍ଡ ଭାଙ୍ଗି ଯାଇଥିଲା। ମହାତ୍ରେଙ୍କ ଲଗାତାର ଦୁଇଜଣ ସେଟ୍ ବ୍ୟାଟସମ୍ୟାନଙ୍କୁ ଆଉଟ୍ କରିବା ଫଳରେ ମ୍ୟାଚ୍ ଭାରତ ସପକ୍ଷକୁ ଧୀରେ ଧୀରେ ଆସିଥିଲା। ଏବଂ ପାକିସ୍ତାନ କେବଳ ୪୩ ରନରେ ସେମାନଙ୍କର ଶେଷ ଛଅ ୱିକେଟ ହରାଇଥିଲା।