ନୂଆଦିଲ୍ଲୀ: ଦକ୍ଷିଣ ଏସୀୟ ଟେବୁଲ ଟେନିସ୍ ଯୁବ ଚାମ୍ପିଅନସିପ୍-୨୦୨୬ ଆଜି ହିମାଚଳ ପ୍ରଦେଶର ରାଜଧାନୀ ସିମଲାରେ ଆରମ୍ଭ ହୋଇଛି। ଇନ୍ଦିରା ଗାନ୍ଧୀ ସ୍ପୋର୍ଟ୍ସ କମ୍ପ୍ଲେକ୍ସରେ ଆୟୋଜିତ ଏହି ଅନ୍ତର୍ଜାତୀୟ ପ୍ରତିଯୋଗିତାକୁ ମୁଖ୍ୟମନ୍ତ୍ରୀ ସୁଖବିନ୍ଦର ସିଂହ ସୁଖୁ ଉଦଘାଟନ କରିଛନ୍ତି।
ପାଞ୍ଚଟି ଦକ୍ଷିଣ ଏସୀୟ ଦେଶ – ଭାରତ, ଶ୍ରୀଲଙ୍କା, ନେପାଳ, ବାଂଲାଦେଶ ଏବଂ ମାଳଦ୍ୱୀପର ଯୁବ ଖେଳାଳିମାନେ ଏହି ପ୍ରତିଯୋଗିତାରେ ଅଂଶଗ୍ରହଣ କରୁଛନ୍ତି। ପ୍ରଥମ ଥର ପାଇଁ ହିମାଚଳ ପ୍ରଦେଶରେ ଆୟୋଜିତ ଏହି ଇଭେଣ୍ଟ ସିମଲାକୁ ଅନ୍ତର୍ଜାତୀୟ କ୍ରୀଡା ମାନଚିତ୍ରରେ ଆଣିଛି।
ମୁଖ୍ୟମନ୍ତ୍ରୀ ସୁଖବିନ୍ଦର ସିଂହ ସୁଖୁ କହିଛନ୍ତି ଯେ, ରାଜ୍ୟ ପ୍ରଥମ ଥର ପାଇଁ ଏହି କ୍ଷମତାର ଏକ ପ୍ରତିଯୋଗିତା ଆୟୋଜନ କରିବାର ଗୌରବ ପାଇଛି। ସେ ଆହୁରି ମଧ୍ୟ କହିଛନ୍ତି ଯେ, ମନୋନୀତ ଖେଳାଳିମାନେ ଭବିଷ୍ୟତରେ ଏସୀୟ ସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରିବେ।
ଭାରତୀୟ ଟେବୁଲ ଟେନିସ୍ ଫେଡେରେସନର ଯୁଗ୍ମ ସଚିବ ଆଦିଶ ରାଣା କହିଛନ୍ତି ଯେ, ଏହି ଚାରି ଦିନିଆ ଟୁର୍ଣ୍ଣାମେଣ୍ଟ ଏପ୍ରିଲ ୮ ରୁ ୧୧ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେଉଛି। ଏହି ଟୁର୍ଣ୍ଣାମେଣ୍ଟରେ ଦଳଗତ ଇଭେଣ୍ଟ, ସିଙ୍ଗଲ୍ସ ଏବଂ ଡବଲ୍ସ ସାମିଲ ହେବ। ମୋଟ ୧୪୪ ପଦକ ଏବଂ ୮୦ ଟ୍ରଫି ଜିତିବା ପାଇଁ ପ୍ରତିଯୋଗୀତା ହେବ।