ନୂଆଦିଲ୍ଲୀ: ପାକିସ୍ତାନର ଯୋଜନା ମନ୍ତ୍ରୀ ଅହସାନ ଇକବାଲ ତାଙ୍କ ଦେଶକୁ ଭାରତ ପ୍ରତି ସତର୍କ ରହିବାକୁ ଚେତାବନୀ ଦେଇଛନ୍ତି। ସେ ସିନ୍ଧୁ ଜଳ ଚୁକ୍ତିନାମାକୁ ସ୍ଥଗିତ ରଖିବାର ଭାରତର ନିଷ୍ପତ୍ତିକୁ ଚ୍ୟାଲେଞ୍ଜ କରିଛନ୍ତି। ସେ କହିଛନ୍ତି ଯେ, ଏବେ ଭାରତ ପାଣିକୁ ଏକ ଅସ୍ତ୍ର ଭାବରେ ବ୍ୟବହାର କରିପାରେ। ସେ କହିଛନ୍ତି ଯେ, ଯେତେବେଳେ ଫସଲ ପାଇଁ ପାଣିର ଆବଶ୍ୟକତା ରହିବ, ଯୋଗାଣ ବନ୍ଦ କରାଯିବ ଏବଂ ଯେତେବେଳେ ଏହାର ଆବଶ୍ୟକତା ରହିବନାହିଁ, ସେତେବେଳେ ପାଣି ଛଡାଯିବ।
ଇକବାଲ ଏକ ଏସିଆ ସୋସାଇଟି କାର୍ଯ୍ୟକ୍ରମରେ ଏହି ବକ୍ତବ୍ୟ ଦେଇଥିଲେ। ସେ କହିଥିଲେ ଯେ, ଏହି ଚୁକ୍ତିନାମା ଏକ ଅନ୍ତର୍ଜାତୀୟ ଚୁକ୍ତିନାମା ଏବଂ ଏହାକୁ ପରିବର୍ତ୍ତନ କରାଯାଇପାରିବ ନାହିଁ। ଏଥର, ଭାରତ ଏକପାଖିଆ ଭାବରେ ଏହାକୁ ସ୍ଥଗିତ ରଖିଛି, ଯାହା ଏକ ନୂତନ ଚ୍ୟାଲେଞ୍ଜ ସୃଷ୍ଟି କରିଛି।
ଏହା ବ୍ୟତୀତ ସେ କହିଛନ୍ତି ଯେ, ଆଧୁନିକ ଇତିହାସରେ ପ୍ରଥମ ଥର ପାଇଁ ପାଣିକୁ ଅସ୍ତ୍ର କରାଯାଉଛି। ଏବେ ଆମେ ଏହି ବିପଦର ସମ୍ମୁଖୀନ ହେଉଛୁ। ଯାହା ଭାରତ ପାଣିକୁ ଅସ୍ତ୍ର ଭାବରେ ବ୍ୟବହାର କରିପାରେ। ଯେତେବେଳେ ପାକିସ୍ତାନକୁ ଫସଲ ପାଇଁ ପାଣିର ଆବଶ୍ୟକତା ଅଛି, ସେତେବେଳେ ସେମାନେ ପାଣି ବନ୍ଦ କରିପାରନ୍ତି ଏବଂ ଯେତେବେଳେ ଆବଶ୍ୟତା ରହିବ ନାହିଁ, ସେତେବେଳେ ପଣି ଛାଡ଼ିପାରନ୍ତି। ସେ ଆହୁରି କହିଛନ୍ତି ଯେ, ଆମେ ନିର୍ମାଣ କରୁଥିବା ବନ୍ଧଗୁଡ଼ିକ ଏକ ବଫର ଭାବରେ କାର୍ଯ୍ୟ କରିବ। ଆମେ ବର୍ତ୍ତମାନ ଏହି ପ୍ରସଙ୍ଗରେ ସମସ୍ତ କୂଟନୈତିକ ଉପାୟ ଅନୁସରଣ କରୁଛୁ।