ନୂଆଦିଲ୍ଲୀ: ୨୦୨୭ ବିଧାନସଭା ନିର୍ବାଚନ ପୂର୍ବରୁ ପଞ୍ଜାବରେ ଆମ୍ ଆଦମୀ ପାର୍ଟି (AAP)କୁ ବଡ ଝଟକା ଲାଗିଛି। ଦଳର ୩ ଜଣ ବିଦ୍ରୋହୀ ବିଧାୟକ ଆଜି (ନଭେମ୍ବର ୨) ଦିଲ୍ଲୀରେ BJP ମୁଖ୍ୟାଳୟରେ ବିଜେପିରେ ସାମିଲ ହୋଇଛନ୍ତି।
BJPରେ ସାମିଲ ହୋଇଥିବା ୩ ନେତା ହେଲେ – ଅମୃତସର ନର୍ଥରୁ ବିଧାୟକ ତଥା ପୂର୍ବତନ IPS ଅଧିକାରୀ କୁଁଅର ବିଜୟ ପ୍ରତାପ ସିଂହ, ସନୌରରୁ ବିଧାୟକ ହରମୀତ ସିଂହ ପଠାନମାଝରା ଏବଂ ସମାନାରୁ ବିଧାୟକ ତଥା ପୂର୍ବତନ ମନ୍ତ୍ରୀ ଚେତନ ସିଂହ ଜୌଡାମାଝରା।
ରବିବାର ପଠାନମାଝରା ଏବଂ ଜୌଡାମାଝରା AAPର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଥିଲେ। ଆଜି କୁଁଅର ବିଜୟ ପ୍ରତାପ ପଞ୍ଜାବ ବିଧାନସଭାର ସଦସ୍ୟତାରୁ ଇସ୍ତଫା ଦେଇଥିଲେ।
ସୂଚନା ଅନୁସାରେ, AAP ୨୦୨୭ ନିର୍ବାଚନ ପାଇଁ ୪୦ ଜଣ ପ୍ରାର୍ଥୀଙ୍କ ପ୍ରଥମ ତାଲିକା ଜାରି କରିବା ପରେ ଏହି ବିଦ୍ରୋହ ଆରମ୍ଭ ହୋଇଛି। ଏହି ତାଲିକାରେ ସମାନା ଓ ସନୌର ଆସନର ନାମ ନଥିଲା।
BJP ପ୍ରଦେଶ ଅଧ୍ୟକ୍ଷ କେୱଲ ସିଂହ ଢିଲ୍ଲୋଙ୍କ ଉପସ୍ଥିତିରେ ସମସ୍ତଙ୍କୁ ଦଳରେ ସ୍ୱାଗତ କରାଯାଇଛି। ବିଧାୟକମାନେ ଭଗୱନ୍ତ ମାନ ସରକାର ଉପରେ ନିଶା ସମସ୍ୟା, ରାଜ୍ୟ ଋଣ ବୃଦ୍ଧି ଏବଂ ପ୍ରତିଶୃତି ପୂରଣ ନକରିବା ଅଭିଯୋଗ ଆଣିଛନ୍ତି।