ପଶ୍ଚିମବଙ୍ଗ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶନିବାର ଦିନ ଦୁଇଦିନିଆ ପଶ୍ଚିମବଙ୍ଗ ଗସ୍ତ କରୁଛନ୍ତି । ଛାତ୍ରସଙ୍ଗଠନ ଷ୍ଟୁଡେଣ୍ଟସ୍ ଫେଡେରସନ୍ ଅଫ୍ ଇଣ୍ଡିଆ (ଏସ୍ଏଫ୍ଆଇ) ପ୍ରଧାନମନ୍ତ୍ରୀଙ୍କ ଏହି ଗସ୍ତକୁ ବିରୋଧ କରିଛନ୍ତି । ପ୍ରଧାନମନ୍ତ୍ରୀଙ୍କ ଗସ୍ତ ପୂର୍ବରୁ ଦୁଇ ସଙ୍ଗଠନ ନେତାଜୀ ସୁଭାଷ ବୋଷ ଅନ୍ତରାର୍ଷ୍ଟ୍ରୀୟ ବିମାନବନ୍ଦର ଓ ସଡକରେ ବିରୋଧ ପ୍ରଦର୍ଶନ କରିବାର ଯୋଜନା ପ୍ରସ୍ତୁତ କରିଛନ୍ତି ।
ସୋସିଆଲ ମିଡିଆରେ ହ୍ୟାଜ୍ଟ୍ୟାଗ୍ ଗୋବ୍ୟାକ୍ମୋଦିର ଏକ ଅଭିଯାଜନ ଚଲାଇଛନ୍ତି, ଯେଉଁଥିରେ ଲୋକଙ୍କୁ ଏୟାରପୋର୍ଟ ରୋଡ ଓ ଭିଆଇପି ରୋଡରେ ବିରୋଧ କରିବା ପାଇଁ ପହଞ୍ଚିବାକୁ କୁହାଯାଇଛି । ତେବେ ପ୍ରଧାନମନ୍ତ୍ରୀଙ୍କ ଗସ୍ତ ପୂର୍ବରୁ ଏହାର ସୁରକ୍ଷା ବ୍ୟବସ୍ଥା ନେଇ ଅଧିକାରୀମାନେ ରାସ୍ତା ଖାଲି କରାଯିବା ସହିତ ପ୍ରଦର୍ଶନର ସମ୍ଭାବନା ଥିବାରୁ ସଡକରେ ବ୍ୟାରିକେଡ୍ର ବ୍ୟବସ୍ଥା କରାଯାଇଛି ବୋଲି କହିଛନ୍ତି । ମୋଦି ଏହି ଗସ୍ତରେ କୋଲକତାର ପୋର୍ଟ ଟ୍ରଷ୍ଟର 150 ବର୍ଷ ପୂର୍ତ୍ତି ଉତ୍ସବରେ ଯୋଗଦେବା ସହିତ ରାଷ୍ଟ୍ର ଉଦ୍ଦେଶ୍ୟରେ ଚାରି ଐତିହାସିକ କୋଠାକୁ ସମର୍ପିତ କରିବାର କାର୍ଯ୍ୟକ୍ରମ ରହିଛି । (ଏଜେନ୍ସି)