ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ଜାତୀୟ ସ୍ୱାସ୍ଥ୍ୟ ମିଶନ ଯଥା ଓଡ଼ିଶାରେ ପ୍ରଚଳିତ ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ପ୍ରଦତ୍ତ କାୟାକଳ୍ପ ପୁରସ୍କାର ଘୋଷିତ ହୋଇଛି। ଏହି ତାଲିକାରେ ଗଂଜାମର ବ୍ରହ୍ମପୁରର ୭ଟି ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ସ୍ଥାନ ପାଇଛନ୍ତି। ଗର୍ବର ବିଷୟ ପ୍ରଥମ ତିନୋଟି ସ୍ଥାନରେ ବ୍ରହ୍ମପୁରର ଚିକିତ୍ସାଳୟଗୁଡ଼ିକ ବାଜିମାତ୍ କରିଛନ୍ତି। ୧୫ଟି ଶୀର୍ଷ ସ୍ଥାନ ମଧ୍ୟରେ ବ୍ରହ୍ମପୁରର ୭ଟି ସହରାଞ୍ଚଳ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ରହିଛି। ଏଥିପାଇଁ ବ୍ରହ୍ମପୁର ମହାନଗର ନିଗମକୁ ସମସ୍ତେ ଶୁଭେଚ୍ଛାର ପ୍ରଦାନ କରିଛନ୍ତି।
କାୟାକଳ୍ପ ପୁରସ୍କାର ୨୦୧୯-୨୦ରେ ବ୍ରହ୍ମପୁରର ଆଗା ସାହି ୟୁପିଏଚ୍ସି ପ୍ରଥମ, ବ୍ରହ୍ମପୁର ଆସିକା ରୋଡ଼୍ ୟୁପିଏଚ୍ସି ଏବଂ ବୈକୁଣ୍ଠନଗର ୟୁପିଏଚ୍ସି ଯୁଗ୍ମ ଭାବେ ପ୍ରଥମ ରନର୍ସଅପ୍ ଭାବେ ରହିଛନ୍ତି। ସେହିପରି ୬ ନମ୍ବରରେ ବ୍ରହ୍ମପୁର ଆମ୍ବପୁଆ ୟୁପିଏଚ୍ସି, ୧୧ତମ ସ୍ଥାନରେ ବ୍ରହ୍ମପୁର ଖୋଡ଼ିସିଂ ୟୁପିଏଚ୍ସି, ୧୩ତମ ସ୍ଥାନରେ ବ୍ରହ୍ମପୁରର ଉତ୍ତରମୁଖୀ ୟୁପିଏଚ୍ସି, ୧୪ତମ ସ୍ଥାନରେ ବ୍ରହ୍ମପୁର ଗୁଡ଼୍ସସେଡ଼୍ ରୋଡ଼୍ ୟୁପିଏଚ୍ସି ରହିଛି। ଗର୍ବର କଥାରେ ବ୍ରହ୍ମପୁରର ସମସ୍ତ ୭ଟି ଯାକ ୟୁପିଏଚ୍ସି ବିଜୟୀ ଏହି ଆୱାର୍ଡ଼ ତାଲିକାରେ ସ୍ଥାନ ପାଇଛି।
