ନୂଆଦିଲ୍ଲୀ : ଏସିଆନ୍ ଅଲମ୍ପିକ୍ସ ଯୋଗ୍ୟତା ପର୍ଯ୍ୟାୟ ଟୁର୍ଣ୍ଣାମେଣ୍ଟର କ୍ବାର୍ଟରରେ ପ୍ରବେଶ କରିଛନ୍ତି ଭାରତୀୟ ବକ୍ସର୍ ବିକାଶ କ୍ରିଷ୍ଣନ୍ । କ୍ରମାଗତ ତୃତୀୟ ଥର ପାଇଁ ଅଲମ୍ପିକ୍ସ ଯୋଗ୍ୟତା ହାସଲ ଲକ୍ଷ୍ୟରେ ଥିବା କ୍ରିଷ୍ଣନ୍ 69 କିଗ୍ରା ବର୍ଗରେ କ୍ବାର୍ଟର ଫାଇନାଲ୍ରେ ପ୍ରବେଶ କରିଛନ୍ତି । ବିକାଶ ପ୍ରି କ୍ବାର୍ଟରରେ କ୍ରିଜଗିସ୍ତାନର ନୁର ସୁଲତାନ ମାମାଟାଲିଙ୍କୁ ପରାସ୍ତ କରିଥିଲେ ।
ବିକାଶ ପ୍ରଥମ ରାଉଣ୍ଡକୁ ଅନାୟାସରେ ଜିତି ନେଇଥିବା ବେଳେ ନୁର୍ ଦ୍ବିତୀୟ ରାଉଣ୍ଡରେ ବିଜୟୀ ହୋଇଥିଲେ । ତୃତୀୟ ତଥା ନିର୍ଣ୍ଣାୟକ ରାଉଣ୍ଡରେ ନୁର୍ ଆକ୍ରମଣାତ୍ମକ ଖେଳ ପ୍ରଦର୍ଶନ କରିଥିଲେ ମଧ୍ୟ ଏସିଆନ୍ ସ୍ବର୍ଣ୍ଣ ବିଜେତା ବିକାଶ ନିଜ ଅଭିଜ୍ଞତାର ଫାଇଦା ଉଠାଇ ବିଜୟୀ ହୋଇଥିଲେ । (ଏଜେନ୍ସି)
Tags: BIKASHKRISHNAN, olympicqualifiers
