ନୂଆଦିଲ୍ଲୀ : ଗତ 24 ଘଣ୍ଟାରେ ସରକାରୀ ତଥ୍ୟ ଅନୁସାରେ ୧୨ ଜଣଙ୍କ ମୃତ୍ୟୁ ଘଟିଛି। ଫଳରେ ଦେଶରେ କରୋନା ମୃତ୍ୟୁସଂଖ୍ୟା ୫୦ ଛୁଇଁଛି। ସେହିପରି ୨୪ ଘଣ୍ଟାରେ ୩୨୮ ଜଣ ସଂକ୍ରମିତ ହେବାରୁ ଆକ୍ରାନ୍ତଙ୍କ ସଂଖ୍ୟା ୧୯୬୫ରେ ପହଞ୍ଚି ଯାଇଛି। ବିଭିନ୍ନ ହସ୍ପିଟାଲରେ ଚିକିତ୍ସିତ ହେଉଥିବା ୧୫୧ ଜଣ ସୁସ୍ଥ ହୋଇ ଘରକୁ ଫେରି ସାରିଲେଣି।
ଦେଶରେ କରୋନା ପ୍ରକୋପ ଦ୍ରୁତ ଗତିରେ ବଢି ଚାଲିଛି । ଗତ 24 ଘଣ୍ଟା ମଧ୍ୟରେ କରୋନାର ନୂତନ 500ଟି ମାମଲା ସାମ୍ନାକୁ ଆସିଛି । ଗତ 24 ଘଣ୍ଟା ମଧ୍ୟରେ ଦିଲ୍ଲୀରେ 141ଟି ନୂତନ ମାମଲା ସାମ୍ନାକୁ ଆସିଛି । ଏଥିରୁ 129ଟି ମାମଲା ମରକଜରୁ ସମ୍ପର୍କିତ ରହିଥିଲେ। ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା 2500 ପାର୍ କରିଛି। ଦିଲ୍ଲୀର ନିଜାମୁଦ୍ଦିନ ସ୍ଥିତ ତବଲିଗି ଜମାତକୁ ଖାଲି କରାଯାଇଛି । କିନ୍ତୁ ଦେଶରେ କରୋନାଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି। ଦିଲ୍ଲୀରେ ଏବେ 4ଜଣଙ୍କର ମୃତ୍ୟୁ ହୋଇଛି ।
କରୋନା ସଂକ୍ରମଣ ଏବେ ଦେଶର ସବୁଠୁ ବଡ ହସ୍ପିଟାଲ୍ରେ ଏମସ୍ରେ ପହଞ୍ଚିଲାଣି । ଏଠାରେ ଜଣେ ଡାକ୍ତରଙ୍କଠାରେ କରୋନା ପଜିଟିଭି ମିଳିଥିବାବଳେ ଏବେ ତାଙ୍କ ପତ୍ନୀଙ୍କ ଠାରେ ମଧ୍ୟ ଏହି ଲକ୍ଷଣ ଦେଖିବାକୁ ମିଳିଛି । ସେହିପରି ମହାରାଷ୍ଟ୍ରରେ କରୋନା ସଂଖ୍ୟା ଦ୍ରୁତଗତିରେ ବଢିଥିବାର ନଜର ଆସିଛି । ଗତ 24 ଘଣ୍ଟା ମଧ୍ୟରେ ପାଖାପାଖି 100ରୁ ଉର୍ଦ୍ଧ୍ବ ନୂତନ ମାମଲା ସାମ୍ନାକୁ ଆସିଛି । ଏବେ ମହାରାଷ୍ଟ୍ରରେ 400ରୁ ଉର୍ଦ୍ଧ୍ବ ମାମଲା ଆସିଥିବାବେଳେ 17ଜଣଙ୍କର ମୃତ୍ୟୁ ହୋଇଛି । ତେବେ ଦେଶରେ ଏଯାଏ କରୋନା ଗୋଷ୍ଠୀ ସଂକ୍ରମଣର ରୂପ ନେଇଥିବାର କୌଣସି ପ୍ରମାଣ ମିଳିନଥିବା ସ୍ବାସ୍ଥ୍ୟ ବିଭାଗ ସ୍ପଷ୍ଟ କରିଛି ।
ଶୁକ୍ରବାର ସକାଳ ସୁଦ୍ଧା ଦେଶରେ କରେନା ଆକ୍ରାନ୍ତଙ୍କ ସଂଖ୍ୟା 2511 ହୋଇଥିବାବେଳେ 53ରୁ ଉର୍ଦ୍ଧ୍ବ ରହିଛି । ସେହିପରି 189ଜଣ ସୁସ୍ଥ ହୋଇଛନ୍ତି । ସେହିପରି ବିଶ୍ବରେ ଏହି ଭୟାନକ କରୋନା ଯୋଗୁଁ ମୃତ୍ୟୁ ସଂଖ୍ୟା 52 ହଜାର ପାର କରିଛି । (ଏଜେନ୍ସି)
କେଉଁ ରାଜ୍ୟରେ କିପରି ରହିଛି କରୋନାର ସ୍ଥିତି :
କେରଳ – 286
ମହାରାଷ୍ଟ୍ର – 423
କର୍ଣ୍ଣାଟକ – 124
ତେଲେଙ୍ଗାନା – 154
ଗୁଜୁରାଟ – 88
ରାଜସ୍ଥାନ – 133
ଉତ୍ତରପ୍ରଦେଶ – 126
ଦିଲ୍ଲୀ – 293
ପଞ୍ଜାବ – 47
ତାମିଲନାଡୁ – 307
ହରିୟାଣା – 49
ମଧ୍ୟପ୍ରଦେଶ – 107
ଜମ୍ମୁ କାଶ୍ମୀର – 70
ପଶ୍ଚିମବଙ୍ଗ – 53
ଆନ୍ଧ୍ରପ୍ରଦେଶ – 149
ଲଦାଖ – 13
ବିହାର – 29
ଚଣ୍ଡୀଗଡ – 18
ଆଣ୍ଡାମାନ ନିକୋବର – 10
ଛତିଶଗଡ – 9
ଉତ୍ତରାଖଣ୍ଡ – 10
ଗୋଆ – 5
ଓଡ଼ିଶା – 4
ହିମାଚଳ ପ୍ରଦେଶ – 6
ମିଜୋରାମ – 1
ପୁଡୁଚେରୀ – 5
ମଣିପୁର -2
ଅରୁଣାଚଳପ୍ରଦେଶ -1
