ଦେଶରେ କରୋନା ଭାଇରସ୍ ମାମଲା ଲଗାତାର ଭାବରେ ବଢି ଚାଲିଥିବାବେଳେ ଏଥିପାଇଁ ଲୋକଙ୍କୁ କ୍ବାରେଣ୍ଟାଇନ୍ରେ ରଖାଯାଉଛି । ଇତିମଧ୍ୟରେ ଗୁଜୁରାଟର ବନାସକାଣ୍ଠାରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି ।
ବାନାସକାଣ୍ଠାରେ ଜଣେ ବ୍ୟକ୍ତି ହୋମ କ୍ବାରେଣ୍ଟାଇନ୍ ରହିଥିବାବେଳେ ଦଉଡି ଦେଇ ଆତ୍ମହତ୍ୟା କରିଛନ୍ତି । ମିଳିଥିବା ସୂଚନା ଅନୁସାରେ କରୋନା ଭାଇରସ୍ ସଂକଟ ଚାଲିଥିବା ସମୟରେ ମୃତକ ଗତ 14 ଦିନ ଧରି ହୋମ କ୍ବାରେଣ୍ଟାଇନ୍ରେ ରହିଥିଲେ । ବ୍ୟକ୍ତି ଜଣକ ଶୁକ୍ରବାର ଦିନ ଫାଶୀ ଲଗାଇ ଆତ୍ମହତ୍ୟା କରିଛି । 20 ମାର୍ଚ୍ଚରୁ ମୃତକ ଜଣକ ହୋମ କ୍ବାରେଣ୍ଟାଇନରେ ରହିଥିଲେ । ତେବେ ମାନସିକ ବିକାର ଯୋଗୁଁ ସେ ଆତ୍ମହତ୍ୟା କରିଥାଇପାରନ୍ତି ବୋଲି ସୂଚନା ମିଳୁଛି । ସୂଚନାଯୋଗ୍ୟ, ଗୁଜୁରାଟରେ ଆକ୍ରାନ୍ତଙ୍କ ସଂଖ୍ୟା 90ଟପି ସାରିଛି ।
Tags: home quarentine, suicide
