ମୁମ୍ବାଇ : ବିବାଦୀୟ ବୟାନ ପାଇଁ ଚର୍ଚ୍ଚିତ ଅଭିନେତା ତଥା ବିଗ୍ବସ୍ ପ୍ରତିଯୋଗୀ ଏଜାଜ୍ ଖାନଙ୍କୁ ପୋଲିସ୍ ଗିରଫ କରିଛି । ଫେସବୁକ୍ ଲାଇଭ୍ରେ ବିବାଦୀୟ ବୟାନ ଦେଇଥିବାରୁ ଶନିବାର ତାଙ୍କୁ ଗିରଫ କରାଯାଇଥିବା ମୁମ୍ବାଇ ପୁଲିସ୍ ପକ୍ଷରୁ କୁହାଯାଇଛି।
ମିଳିଥିବା ସୂଚନା ଅନୁଯାୟୀ, ଏକ ଫେସବୁକ୍ ଲାଇଭ୍ ସେସନ୍ରେ ସେ ସାମ୍ପ୍ରଦାୟିକ ହିଂସା ଉସୁକାଇବା ଭଳି ବିବାଦୀୟ ମନ୍ତବ୍ୟ ଦେଇଥିଲେ। ଏହାପରେ ତାଙ୍କୁ ଗିରଫ କରାଯାଇଛି। ତାଙ୍କ ନାମରେ ଭାରତୀୟ ପିଙ୍ଗଳ କୋଡ୍ର ଧାରା 153 କ, 117, 121, 118, 501, 504, 505(2) ଧାରା ଆଧାରରେ ମାମଲା ରୁଜୁ କରାଯାଇଛି।
ଏଜାଜ୍ ଏହି ଭିଡିଓରେ କହିଥିଲେ ଯେ, – ଯଦି ପିମ୍ପୁଡି ମରି ଯାଉଛି ତେବେ ମୁସଲମାନ୍ ଦାୟୀ, ହାତୀ ମରିଗଲେ ମୁସଲମାନ ଦାୟୀ, ଦିଲ୍ଲୀରେ ଭୂମିକମ୍ପ ଆସିଲେ ମୁସଲମାନ ଦାୟୀ କିନ୍ତୁ ଆପଣମାନେ କେବେ ଭାବିଛନ୍ତି କି ଏହା ପଛରେ କାହାର ଷଡଯନ୍ତ୍ର ଅଛି ? ଏହାସହିତ ଏଜାଜ୍ ଖାନ୍ କହିଥିଲେ ଯେ, ଯେଉଁ ଲୋକେ ଏପରି ଷଡଯନ୍ତ୍ର କରୁଛନ୍ତି ,ତାଙ୍କୁ କରୋନା ହୋଇଯାଉ । ଏଜାଜ୍ ଖାନ୍ଙ୍କ ଏହି ଭିଡିଓ ଭାଇରାଲ୍ ହେବା ପରେ ତାଙ୍କ ଗିରଫ କରାଯିବା ନେଇ ଦାବି ଉଠିଥିଲା । ଏହା ପୂର୍ବରୁ ଟ୍ୱିଟରରେ ମଧ୍ୟ ଏଜାଜ୍ଙ୍କୁ ଗିରଫ କରିବାକୁ ଦାବି ଜୋର ଧରିଥିଲା। ଘଟଣାର ଗମ୍ଭୀରତାକୁ ବୁଝି ମୁମ୍ବାଇ ପୋଲିସ୍ ଏଜାଜଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି । (ଏଜେନ୍ସି)
