ନୂଆଦିଲ୍ଲୀ: କେନ୍ଦ୍ରୀୟ ସୁରକ୍ଷା ବଳ (ସିଆରପିଏଫ୍)କୁ 40 ହଜାର ବୁଲେଟ୍ପ୍ରୁଫ୍ ଜ୍ୟାକେଟ୍ ପ୍ରଦାନ କରାଯାଇଛି। ଏହା ସହିତ 170ଟି ଅସ୍ତ୍ରଶସ୍ତ୍ର ଥିବା ଗାଡି ମଧ୍ୟ ପ୍ରଦାନ କରାଯାଇଛି। ରବିବାର ଗୃହ ମନ୍ତ୍ରାଳୟ ପକ୍ଷରୁ ଏହି ଘୋଷଣା କରାଯାଇଛି। କାଶ୍ମୀର ଉପତ୍ୟାକାରେ ଏବଂ ବିଭିନ୍ନ ନକ୍ସଲ୍ ଉପଦ୍ରୁତ ଅଞ୍ଚଳରେ ଏହି ଗାଡି ଏବଂ ବୁଲେଟ୍ ପ୍ରୁଫ୍ ଜ୍ୟାକେଟ୍ ବ୍ୟବହୃତ ହେବ। 170ଟି ଗାଡି ମଧ୍ୟରୁ 80ଟି ମାରୁତି ଜିପ୍ସୀ ରହିଛି। ଏହି ଗାଡି ଗୁଡିକ ପୁନର୍ବାର ଡିଜାଇନ୍ କରାଯାଇ ଆର୍ମର୍ଡ ଗାଡିକୁ ରୂପାନ୍ତରିତ କରାଯାଇଛି। ଏହି ଗାଡି ଗୁଡିକ ସୁରକ୍ଷା ବଳ ଅଧିକାରୀଙ୍କୁ ଗୁଳି ଏବଂ ପଥର ମାଡରୁ ରକ୍ଷା କରିବ। ଏହା ସହିତ ଭବିଷ୍ୟତରେ ଆହୁରି 176ଟି ଅସ୍ତ୍ରଶସ୍ତ୍ର ଥିବା ଗାଡି ଏବଂ 42 ହଜାର ବୁଲେଟ୍ପ୍ରୁଫ୍ ଜ୍ୟାକେଟ୍ ପ୍ରଦାନ କରାଯିବା ନେଇ ଘୋଷଣା କରାଯାଇଛି। (ଏଜେନ୍ସି)
Tags: bulletproofjackets, crpf
