ନୂଆଦିଲ୍ଲୀ : ଦେଶରେ କରୋନା ସଂଖ୍ୟା ହୁହୁ ହୋଇ ବଢି ଚାଲିଛି । ଆଜି ଦେଶରେ କରୋନା ଜନିତ ମୃତ୍ୟୁ ସଂଖ୍ୟା 9 ହଜାର ଟପିଛି । ଦେଶଣେ କରୋନା ମୃତ୍ୟୁ ସଂଖ୍ୟା 9 ହଜାର 195କୁ ବୃଦ୍ଧି ହୋଇଥିବାବେଳେ ଦେଶରେ କରୋନା ଆକ୍ରାନ୍ତଙ୍କ ସଂଖ୍ୟା 3 ଲକ୍ଷ 20 ହଜାର 922ରେ ପହଞ୍ଚିଛି । କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ ବିଗତ 24ଘଣ୍ଟାରେ ସର୍ବାଧିକ 11 ହଜାର 929 ଆକ୍ରାନ୍ତ ହୋଇଥିବାବେଳେ 311ଜଣଙ୍କର ମୃତ୍ୟୁ ହୋଇଛି ।
ଦେଶରେ ମୋଟ୍ ଆକ୍ଟିଭ୍ କେସ୍ 1 ଲକ୍ଷ 49 ହଜାର 348 ଆକ୍ଟିଭ୍ କେସ୍ ରହିଥିବାବେଳେ ସୁସ୍ଥ ହୋଇଛନ୍ତି 1 ଲକ୍ଷ 62 ହଜାର 379 ଜଣ । ମହାରାଷ୍ଟ୍ରରେ 1 ଲକ୍ଷ 4 ହଜାର 568 ଜଣ ଆକ୍ରାନ୍ତ ରହିଥିବାବେଳେ 3ହଜାର830ଜଣଙ୍କର ମୃତ୍ୟୁ ହୋଇଛି । ସେହିପରି ଗୁଜୁରାଟରେ ମୃତ୍ୟୁ ସଂଖ୍ୟା 1448 ରହିଛି । ଦିଲ୍ଲୀରେ 1271, ପଶ୍ଚିମବଙ୍ଗରେ 463ଜଣଙ୍କର ମୃତ୍ୟୁ ହୋଇଛି ।
Tags: କରୋନା, ନୂୂଆଦିଲ୍ଲୀ
