ପୁରୀ : ଗଡିଲା ପ୍ରଭୁ ଶ୍ରୀଜଗନ୍ନାଥଙ୍କ ନନ୍ଦିଘୋଷ। ବଡଦାଣ୍ଡରେ ମହାପ୍ରଭୁ ଶ୍ରୀଜଗନ୍ନାଥଙ୍କ ରଥ ନନ୍ଦିଘୋଷ ଗଡିଛି । ବିଧି ମୁତାବକ ତାଳଧ୍ବଜ, ଦର୍ପଦଳନ ପରେ ପରେ ନନ୍ଦିଘୋଷ ରଥ ଗଡିଛି । ବିନା ଭକ୍ତରେ ଶାନ୍ତି ଶୃଙ୍ଖଳାରେ ଆୟୋଜିତ ହେଉଛି ବିଶ୍ବ ପ୍ରସିଦ୍ଧ ରଥଯାତ୍ରା । ଆଜିଠାରୁ ଶ୍ରୀଜୀଉମାନଙ୍କର ନବଦିନାତ୍ମକ ଯାତ୍ରା ଆରମ୍ଭ ହୋଇଛି ।ଗୁଣ୍ଡିଚା ଘର ଅଭିମୁଖେ ଶ୍ରୀଜୀଉମାନେ ଯାତ୍ରା ଆରମ୍ଭ କରିଛନ୍ତି । ଆଗେ ଆଗେ ବଡଭାଇ ବଳଭଦ୍ର ଯାଉଥିବାବେଳେ ମଝିରେ ଯାଉଛନ୍ତି ଦେବୀ ସୁଭଦ୍ରା । ସବା ପଛରେ ଯାଉଛନ୍ତି କାଳିଆଠାକୁର ।
ଆସନ୍ତୁ ଟିକେ ଜାଣିବା ନନ୍ଦିଘୋଷ ରଥକୁ
ମହପ୍ରଭୁ ଶ୍ରୀଜଗନ୍ନାଥଙ୍କ ରଥର ନାମ ହେଉଛି ନନ୍ଦିଘୋଷ । ଏହା 832 ଖଣ୍ଠ କାଷ୍ଠରେ ନିର୍ମିତ ହୋଇଥିବାବେଳେ ଏଥିରେ 16ଟି ଚକ ରହିଥାଏ । ଏହି ରଥର ଉଚ୍ଚତା ହେଉଛି 22 ହାତ 5 ଆଙ୍ଗୁଳି । ଏହି ରଥର ରକ୍ଷକ ହେଉଛନ୍ତି ଗରୁଡ । ଏହାର ଧ୍ବଜାଧିପତି ହେଉଛନ୍ତି ହନୁମାନ । ନନ୍ଦିଘୋଷର ସାରଥୀର ନାମ ହେଉଛି ଦାରୁକ । ସେହିପରି ଏହି ରଥରେ ଥିବା ନେତର ନାମ ହେଉଛି ତୈଲୋକ୍ୟ ମୋହିନୀ ।