ନୂଆଦିଲ୍ଲୀ : ଦେଶରେ 42 ଲକ୍ଷ ଟପିଲା କରୋନା ପଜିଟିଭ୍ କେସ୍ । ସାରା ବିଶ୍ୱରେ କରୋନା ସଂକ୍ରମିତ ଦେଶ ତାଲିକାର ଦୁଇ ନମ୍ୱର ସ୍ଥାନକୁ ଉଠିଛି ଭାରତ । ପୂର୍ବରୁ ଏହି ସ୍ଥାନରେ ବ୍ରାଜିଲ୍ ରହିଥିବାବେଳେ ଏବେ ଭାରତ ଦ୍ବିତୀୟ ସ୍ଥାନରେ ରହିଛି । ଭାରତରେ ମୋଟ୍ ଆକ୍ରାନ୍ତଙ୍କ ସଂଖ୍ୟା 42 ଲକ୍ଷ 4 ହଜାର 613କୁ ବୃଦ୍ଧି ହୋଇଛି ।
ଗତ 24 ଘଣ୍ଟା ମଧ୍ୟରେ ଦେଶରେ 90 ହଜାର 802 ନୂତନ ସଂକ୍ରମିତ ଚିହ୍ନଟ ହୋଇଥିବାବେଳେ 1016ଜଣଙ୍କର ମୃତ୍ୟୁ ଘଟିଛି। ସେହିପରି ଦେଶରେ ମୋଟ୍ ମୃତ୍ୟୁ ସଂଖ୍ୟା 71 ହଜାର 642ରେ ପହଞ୍ଚିଛି । ସେହିପରି 8 ଲକ୍ଷ 82 ହଜାର 542 ଜଣ ସକ୍ରିୟ ଥିବାବେଳେ ଏବଂ ସୁସ୍ଥ ହେଲେଣି 32 ଲକ୍ଷ 50 ହଜାର 429ଜଣ ।
