ଦିଲ୍ଲୀ : ରାସ୍ତାକଡରୁ ଅର୍ଦ୍ଧଦଗ୍ଧ ଶବ ମିଳିବା ପରେ ଏହାକୁ ନେଇ ଚାଞ୍ଚଲ୍ୟ ସୃ୍ଷ୍ଟି ହୋଇଛି । ଦିଲ୍ଲୀର ସିନ୍ଧୁ ବର୍ଡରର କିଛି ଦୂରରେ ଜଣେ ଯୁବକଙ୍କ ଅର୍ଦ୍ଧଦଗ୍ଧ ଶବ ମିଳିବା ପରେ ଏହାକୁ ନେଇ ହଡକମ୍ପ ସୃଷ୍ଟି ହୋଇଛି । ପୋଲିସ୍ ଶବକୁ ଉଦ୍ଧାର କରିବା ସହିତ ଯାଞ୍ଚରେ ଲାଗିପଡିଛି । ଉକ୍ତ ରାସ୍ତାରେ ଜଣେ ବ୍ୟକ୍ତି ଯାଉଥିବାବେଳେ ଅର୍ଦ୍ଧଦଗ୍ଧ ଶବକୁ ଦେଖି ପୋଲିସ୍ରେ ଖବର ଦେଇଥିଲେ । ଏହାପରେ ପୋଲିସ୍ ମୃତକଙ୍କ ପରିଚୟ ଖୋଜିବାରେ ବ୍ୟସ୍ତ ରହିଥିବାବେଳେ ସିସିଟିଭ୍ ଫୁଟେଜ୍କୁ ମଧ୍ୟ ଚେକ୍ କରୁଛି ।ତେବେ ଶବଟି ଜଳଯିବା ପରେ ଏତେ କ୍ଷତିଗ୍ରସ୍ତ ହୋଇଛି ଯେ, ଚିହ୍ନିବା ମୁସ୍କିଲ୍ ହୋଇପଡିଛି । ଶବ ମିଳିଥିବା ସ୍ଥାନରେ ଟିକିଏ ଦୂରରେ ସ୍ପୋର୍ଟସ୍ ସ୍କୁଲ ଓ ୟୁନିଭର୍ସିଟି ରହିଛି । ପୋଲିସ୍ ଏବେ ଏହି ଅର୍ଦ୍ଧଦଗ୍ଧ ଶବକୁ ନେଇ ତଦନ୍ତରେ ଲାଗିପଡିଛି । (ଏଜେନ୍ସି)
