ମୁଜାଫରନଗର, କୁରହାନୀର ଆରଜେଡି ପ୍ରାର୍ଥୀ 58 ବର୍ଷିୟ ଅନିଲ କୁମାର ସାହାନିଙ୍କୁ ନେଇ ବର୍ତ୍ତମାନ ବିହାର ରାଜନୀତିରେ ଚାଲିଛି ଚର୍ଚ୍ଚା। କାରଣ ହେଲା ସେ ଦାଖଲ କରିଥିବା ସଂପତ୍ତି ତାଲିକା। ସେ ଏହି ତାଲିକାରେ ଯାହା ଲେଖିଛନ୍ତି ତାହା ହିଁ ଚର୍ଚ୍ଚାର କାରଣ। ସେ ଉଲ୍ଲେଖ କରିଛନ୍ତି ଯେ ତାଙ୍କ ପାଖରେ ଏକ ରିଭଲଭର ରହିଛି। ଯାହାର ଦାମ ହେଉଛି ଦେଢ ଲକ୍ଷ ଟଙ୍କା। ଏତେ ଟଙ୍କାର ରିଭଲଭର ପାଖରେ ରଖିବାକୁ ନେଇ ବିରୋଧୀ ଦଳକୁ ସମାଲୋଚନା କରିବାର ଖୋରାକ ମିଳିଯାଇଛି।
ସେତିକି ନୁହେଁ ତାଙ୍କ ପାଖରେ ମୋଟ 400 ଗ୍ରାମ ସୁନା ରହିଛି, ଯାହାର ମୂଲ୍ୟ 13.28 ଲକ୍ଷ ଏବଂ ଛଅ କିଲୋଗ୍ରାମ ରୂପା ରହିଛି ଯାହାର ମୂଲ୍ୟ 3.34 ଲକ୍ଷ। ସେହିପରି ତାଙ୍କ ପାଖରେ 1.5 ଲକ୍ଷ ଟଙ୍କାର ଟିଭି ରହିଛି। ପାଖରେ ମୋଟ ନଗଦ ରାଶି 72 ହଜାର ଟଙ୍କା ରହିଛି। ତାଙ୍କର 17.87 ଲକ୍ଷ ଏବଂ ତାଙ୍କ ପତ୍ନୀଙ୍କର 28.44 ଲକ୍ଷଙ୍କା ବ୍ୟାଙ୍କ ଜମା ରହିଛି। ସାହନିଙ୍କର 1.10 କୋଟି ମୂଲ୍ୟର ଜମି ଏବଂ ତାଙ୍କ ପତ୍ନୀଙ୍କର 20 ଲକ୍ଷ ଟଙ୍କାର ଜମି ଅଛି।
Tags: ବିହାର ଉପନିର୍ବାଚନ, ଲାଲୁପ୍ରସାଦ ଯାଦବ
