କଟକ : କଟକ ନୟାଗଡସ୍ଥିତ ଆଇଆଇଏଫ୍ଏଲ୍ ଫାଇନାନ୍ସ କମ୍ପାନିରୁ 20 କୋଟି ଲୁଟ୍ର ପର୍ଦ୍ଦାଫାସ୍ ହୋଇଛି। ଏହି ଲୁଟ୍ ଘଟଣାରେ ସମସ୍ତ ଅଭିଯୁକ୍ତଙ୍କୁ ଅଟକ ରଖିଛି କମିଶନରେଟ୍ ପୁଲିସ। ଏନେଇ ଟ୍ବିନ୍ ସିଟି ପୁଲିସ କମିଶନର ସୁଧାଂଶୁ ଷଡଙ୍ଗୀ ଟ୍ବିଟ୍ କରି ସୂଚନା ଦେଇଛନ୍ତି। ପୁଲିସ କମିଶନର କହିଛନ୍ତି, ଲୁଟ୍ ସୁନା ସହ ବାଇକ ଜବତ କରାଯାଇଛି । ଜାରି ରହିଛି ତଦନ୍ତ ପ୍ରକ୍ରିୟା । ଏହାସହ ଟ୍ୱିନ୍ ସିଟିର ପୋଲିସ ଅଧିକାରୀଙ୍କୁ ପ୍ରଶଂସା କରିଛନ୍ତି ପୋଲିସ କମିଶନର ।
ଗଲା 19 ତାରିଖ ଦିନ କଟକ ନୟାସଡ଼କ ସ୍ଥିତ ଏକ ଘରୋଇ ସଂସ୍ଥାରୁ ହୋଇଥିବା ବଡ଼ ଡକାୟତି ଘଟଣାର ସମସ୍ତ ଅଭିଯୁକ୍ତଙ୍କୁ ଆମେ ଅଟକ ରଖିବା ସହ ବହୁ ପରିମାଣର ଚୋରା ସୁନା ବରାମତ କରିବାରେ ସଫଳ ହୋଇଛୁ I
ଏହି ବଡ଼ ଡ଼କାୟତିକୁ ଅଳ୍ପ କିଛି ଦିନରେ ସମାଧାନ କରି କମିସନରେଟର ଅଫିସରମାନେ ନିଜର ଦକ୍ଷତା ପ୍ରତିପାଦିତ କରିଛନ୍ତି I@dcp_cuttack— Dr Sudhanshu Sarangi (@SarangiSudhansu) November 24, 2020
ଦେଶର ପ୍ରତ୍ୟେକ ସହର ଏଭଳି ଦକ୍ଷ ପୋଲିସ ଅଫିସରଙ୍କୁ ନେଇ ଗର୍ବିତ ମନେ କରିବା କଥା I
କୋଭିଡ ଲଢେଇ ହେଉ କି ଅପରାଧର ସମାଧାନ କରିବା ହେଉ, ଆମେ ସବୁ ବେଳେ ସାମାଜକୁ ସୁରକ୍ଷା ଦେଇ ଚାଲିବୁ I@cpbbsrctc @DGPOdisha @CMO_Odisha— Dr Sudhanshu Sarangi (@SarangiSudhansu) November 24, 2020
ସୂଚନାଯୋଗ୍ୟ ନଭେମ୍ବର 20 ଗୁରୁବାର କଟକ ନୟାସଡ଼କସ୍ଥିତ ଆଇଆଇଏଫ୍ଏଲ୍ ନାମକ ଏକ ଫାଇନାନ୍ସ କଂପାନିରୁ ବନ୍ଧୁକ ମୁନରେ ଲୁଟ୍ ହୋଇଥିଲା । 20କୋଟିର ଟଙ୍କା ଓ ସୁନା ଲୁଟ୍ ହୋଇଥିଲା। ଲୁଟ୍ ଘଟିବା ପରେ କମିଶନ୍ରେଟ୍ ପୁଲିସ ପକ୍ଷରୁ ସ୍ବତନ୍ତ୍ର ଏକ ଟିମ ଗଠନ କରି ର୍ଦୁବୃତ୍ତଙ୍କୁ ଠାବ କରିବା ପାଇଁ ବିଭିନ୍ନ ସ୍ଥାନରେ ଚଢାଉ କରାଯାଇଥିଲା।