ଭୁବନେଶ୍ବର: ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଆଜି ମାଲକାନଗିରି ଜିଲ୍ଲା ଗସ୍ତ କରି ଲଗାଣ ବର୍ଷା ଜନିତ କ୍ଷୟକ୍ଷତି ସମ୍ପର୍କରେ ସମୀକ୍ଷା କରି ସାତ ଦିନ ମଧ୍ୟରେ ସମସ୍ତ କ୍ଷୟକ୍ଷତିର ଆକଳନ କରି ରିପୋର୍ଟ ପ୍ରଦାନ କରିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି। ପ୍ରଥମେ ମୁଖ୍ୟମନ୍ତ୍ରୀ ଆକାଶମାର୍ଗରେ ପ୍ରଭାବିତ ଅଞ୍ଚଳ ପରିଦର୍ଶନ କରିଥିଲେ। ଏହି ପରିପ୍ରେକ୍ଷୀରେ ସ୍ଥାନୀୟ ଜିଲ୍ଲା ପରିଷଦ ସମ୍ମିଳନୀ କକ୍ଷରେ ଅନୁଷ୍ଠିତ ସମୀକ୍ଷା ବୈଠକରେ ଅଧ୍ୟକ୍ଷତା କରି ମୁଖ୍ୟମନ୍ତ୍ରୀ ଶ୍ରୀ ମାଝୀ ଭାଙ୍ଗି ଯାଇଥିବା ସମସ୍ତ କଚ୍ଚା ଘର ନିମନ୍ତେ ତୁରନ୍ତ ସହାୟତା ପ୍ରଦାନ ଉପରେ ଗୁରୁତ୍ବ ଆରୋପ କରିଛନ୍ତି। ବିଜୁଳି ସଂଯୋଗୀକରଣ କାର୍ଯ୍ୟକୁ ଅଗ୍ରାଧିକାର ଭିତ୍ତିରେ ସଂପୂର୍ଣ୍ଣ କରିବାକୁ ସେ ନିର୍ଦ୍ଦେଶ ଦେଇଛନ୍ତି। ଜଣେ ମଧ୍ୟ ପ୍ରଭାବିତ ବ୍ୟକ୍ତି ସରକାରୀ ସହାୟତା ପାଇବାରୁ ଯେପରି ବଞ୍ଚିତ ନ ହୁଅନ୍ତି ତାହା ସୁନିଶ୍ଚିତ କରିବାକୁ ଜିଲ୍ଲା ପ୍ରଶାସନକୁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିଲେ। ପ୍ରବଳ ବର୍ଷା ଯୋଗୁଁ ଜଳ ଜନିତ ରୋଗର…
Author: SM Network
ଭୁବନେଶ୍ଵର: ପୂର୍ବତଟ ରେଳପଥର ମହାପ୍ରବନ୍ଧକ ପରମେଶ୍ୱର ଫୁଙ୍କୱାଲ ରେଳ ସଦନ ଠାରେ ଚାରିଜଣ ରେଳ କର୍ମଚାରୀଙ୍କୁ ସେମାନଙ୍କର କାର୍ଯ୍ୟ ସମ୍ପାଦନ କରୁଥିବାବେଳେ ଉଲ୍ଲେଖନୀୟ ପ୍ରଦର୍ଶନ ଏବଂ ସତର୍କତା ପାଇଁ ସମ୍ବର୍ଦ୍ଧିତ କରିବା ସହିତ ପୁରସ୍କାର ପ୍ରଦାନ କରିଛନ୍ତି। ରମ୍ଭା ଷ୍ଟେସନ ଠାରେ କାର୍ଯ୍ୟରତ ଟ୍ରାକମ୍ୟାନ୍ ଗୋପାଳ ପ୍ରଧାନ; ନିରାକାରପୁରର ଷ୍ଟେସନ ମ୍ୟାନେଜର ଚିନ୍ମୟ କୁମାର ପରିଡ଼ା; ବିଶାଖାପାଟନମ ଡିଜେଲ ଲୋକୋ ସେଡରେ କାର୍ଯ୍ୟ କରୁଥିବା ଜି କ୍ରିଷ୍ଣା ପ୍ରସାଦ ଏବଂ ଅମ୍ବୋଦଳା ଷ୍ଟେସନରେ କାର୍ଯ୍ୟରତ ଟ୍ରାକ୍ ରକ୍ଷଣାବେକ୍ଷଣକାରୀ ଦିଲୀପ ଭୋଇ ସେମାନଙ୍କର କାର୍ଯ୍ୟ ସମ୍ପାଦନ ସମୟରେ ଅସାଧାରଣ ବିଫଳତାକୁ ଚିହ୍ନଟ କରି ନିରାପଦ ଟ୍ରେନ୍ ଚଳାଚଳ ପାଇଁ ତୁରନ୍ତ ପଦକ୍ଷେପ ନେଇଥିଲେ। ଉପରୋକ୍ତ କର୍ମଚାରୀମାନଙ୍କୁ ସମ୍ବର୍ଦ୍ଧିତ କରି ଫୁଙ୍କୱାଲ କହିଛନ୍ତି ଯେ, ଟ୍ରାକମ୍ୟାନ୍, ଷ୍ଟେସନ୍ ଅପରେଟିଂ ଷ୍ଟାଫ୍, ଟେକ୍ନିସିଆନ୍ ଏବଂ ସୁରକ୍ଷା ଏବଂ ରେଳ ନିରାପତ୍ତା କାର୍ଯ୍ୟରେ କାର୍ଯ୍ୟ କରୁଥିବା ଅନ୍ୟ କର୍ମଚାରୀମାନେ ଟ୍ରେନ୍ ଗୁଡିକର ନିରାପଦ ଚଳାଚଳ ପାଇଁ ଦିନରାତି…
ବାଣପୁର (ସୀତାରାମ ଅଗ୍ରୱାଲ): ପୂଜ୍ୟ ପୂଜାର ମାଟି ବାଣପୁରର ନେହେରୁ ସେବା ସଂଘର କନକ ଭବନଠାରେ ଏମାଟିର ଅନନ୍ୟ ପ୍ରତିଭା ଗୋଦାବରୀଶ ମହାବିଦ୍ୟାଳୟର ଓଡିଆ ଭାଷାତତ୍ଵ ବିଭାଗର ପ୍ରଥମ ପ୍ରମୁଖ, ବିଶିଷ୍ଠ ଶିକ୍ଷାବିତ୍ ପ୍ରଫେସର୍ ରବୀନ୍ଦ୍ରନାଥ ନରେନ୍ଦ୍ରସିଂ ବର୍ମାଙ୍କ ୨୯ତମ ଶ୍ରାଦ୍ଧୋତ୍ସବ ପାଳିତ ହୋଇଯାଇଛି। ମହାବିଦ୍ୟାଳୟର ପ୍ରାକ୍ତନ ଅଧ୍ୟକ୍ଷ ବିଜୟକୁମାର ନନ୍ଦଙ୍କ ସଭାପତିତ୍ଵରେ ଆୟୋଜିତ ଏହି ଉତ୍ସବରେ ଅଧ୍ୟାପକ ଡ଼ଃ ଚ଼ାନ୍ଦ କିଶୋର ତ୍ରିପାଠୀ ମୁଖ୍ୟ ଅତିଥି, ଶିକ୍ଷାବିତ୍ ବାଳମୁକୁନ୍ଦ ଦାସ ମୁଖ୍ୟବକ୍ତା, କବି ଓମ୍ ପ୍ରକାଶ ଅଗ୍ରୱାଲ, ସଂପାଦିକା ସରୋଜିନୀଦାଶ, ଓ ଅଧ୍ୟାପକ ସୁରପ୍ରତାପ ନରେନ୍ଦ୍ରସିଂ ବର୍ମା ସମ୍ମାନୀତ ଅତିଥି ଭାବରେ ଯୋଗ ଦେଇ ସ୍ୱର୍ଗତ ବର୍ମାଙ୍କ ବହୁମୁଖୀ ପ୍ରତିଭାର ସ୍କୃତିଚାରଣ କରିଥିଲେ। ବାଣପୁର ଗୋଦାବରୀଶ ମହାବିଦ୍ୟାଳୟର ସ୍ଥାପନ ଓ ପରିଚାଳାନା ସହିତ ସଂଶ୍ଳିଷ୍ଟ ରହି ଓଡ଼ିଆ ଭାଷାର ଶିକ୍ଷାଦାନ ସହିତ ଏହାରପ୍ରଚାରପ୍ରସାର ପାଇଁ ସ୍ବର୍ଗତ ବର୍ମା କିଭଳି ନିଜକୁ ଉତ୍ସର୍ଗ କରିଥିଲେ ସେ ସଂପର୍କରେ ଆଲୋକପାତ କରି ତାଙ୍କ…
ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଜିଲ୍ଲାପାଳ ଚଞ୍ଚଳ ରାଣାଙ୍କ ସଭାପତିତ୍ୱରେ ଜିଲ୍ଲା ନିଷ୍ଠୁରତା ନିରୋଧ ସମିତିର (SPCA ) ର ବାର୍ଷିକ ଅଧିବେଶନ ଅନୁଷ୍ଠିତ ହୋଇଯାଇଛି। ଏହି ସଭାରେ ଅତିରିକ୍ତ ଜିଲ୍ଲାପାଳ ପ୍ରତାପ ଚନ୍ଦ୍ର ବେଉରା, ଅତିରିକ୍ତ ଜିଲ୍ଲା ଆରକ୍ଷୀ ଅଧିକାରୀ ସୁରେନ୍ଦ୍ର ନାଥ ମୁର୍ମୁ ଏଵଂ ଖୋର୍ଦ୍ଧା, ବାଣପୁର, ବାଲୁଗାଁ ଓ ଜଟଣୀ ପୌରାଞ୍ଚଳର ନିର୍ବାହୀ ଅଧିକାରୀ ଏବଂ DIPRO , ଖୋର୍ଦ୍ଧା ଯୋଗ ଦେଇଥିଲେ। ଜିଲ୍ଲାର ବିଭିନ୍ନ ପ୍ରାଣୀମଙ୍ଗଳ ଅନୁଷ୍ଠାନର ପ୍ରତିନିଧି SPCA ସଦସ୍ୟଗଣ ଓ ଜିଲ୍ଲାରେ ଥିବା ବିଭିନ୍ନ ଗୋଶାଳାର ପ୍ରତିନିଧି ମାନେ ଯୋଗ ଦେଇଥିଲେ। ଜିଲ୍ଲା ମୁଖ୍ୟ ପ୍ରାଣିଚିକିତ୍ସା ଅଧିକାରୀ ତଥା ଜିଲ୍ଲା SPCA ସମ୍ପାଦକ ଡ଼. ଦେବୀଦତ୍ତ ମାଝି ପ୍ରାରମ୍ଭରେ ସଭାର ଆଭିମୁଖ୍ୟ ବିଷୟରେ ଆଲୋକପାତ କରିଥିଲେ। ଅତିରିକ୍ତ ଜିଲା ପ୍ରାଣିଚିକିତ୍ସା ଅଧିକାରୀ ଡ଼. ସଞ୍ଜିବନୀ ପଟେଲ ଜିଲ୍ଲା ପ୍ରାଣୀ ମଙ୍ଗଳ ସମିତି ଆନୁକୂଲ୍ୟରେ ଚାଲିଥିବା ବିଭିନ୍ନ ସରକାରୀ ଯୋଜନା ବିଷୟରେ…
ଚ଼ିଲିକା (ସୀତାରାମ ଅଗ୍ରୱାଲ): ଆଜି ଗମ୍ଭାରୀମୁଣ୍ଡା ଠାରେ ଚ଼ିଲିକା ନିର୍ବାଚ଼ନ ମଣ୍ଡଳୀ ସ୍ଥିତ ସିଦ୍ଧେଶ୍ବରୀ ମଣ୍ଡଳ ଅନ୍ତର୍ଗତ ଆୟତପୁର, ଦେଓଗାଁ, ଗମ୍ଭାରୀମୁଣ୍ଡା, ତୋରସିଂହ, କୁଲେଇ, ନାଚୁଣୀ ଓ ମୋରାମୋରୀ ପଞ୍ଚାୟତ ର ସମସ୍ତ ବୁଥ୍ ସଭାପତି ମାନଙ୍କୁ ନେଇ ସଦସ୍ୟତା ଗ୍ରହଣ ଅଭିଯାନ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ଜିଲ୍ଲା ଭାଜପା ସାଧାରଣ ସମ୍ପାଦକ ଦୁଷ୍ମନ୍ତ ହରିଚ଼ନ୍ଦନ, ବରିଷ୍ଠ ନେତା ଗୋଲକ ବିହାରୀ ପଟ୍ଟନାୟକ,ମଣ୍ଡଳ ସଭାପତି ସୌମ୍ୟରଞ୍ଜନ ସାମନ୍ତରାୟ, ବରିଷ୍ଠ ନେତା ରମେଶ ଚ଼ନ୍ଦ୍ର ସାମନ୍ତସିଂହାର, ମଣ୍ଡଳ ସାଧାରଣ ସମ୍ପାଦକ ତପନ ପ୍ରଧାନ, ପ୍ରଭାଶିଷ ପ୍ରଧାନ, ଗମ୍ଭାରୀମୁଣ୍ଡା ପଞ୍ଚାୟତର ସମିତିସଭ୍ୟା ଅନିତା ପ୍ରଧାନ, ମୋରାମୋରୀ ସରପଞ୍ଚ ବସନ୍ତ ମାଳି, ନାଚୁଣୀ ପଞ୍ଚାୟତ ଭାଜପା ସଭାପତି ଦୟାନିଧି ପଲାଇ, ଦେଓଗାଁ ପଞ୍ଚାୟତ ସଭାପତି ସୁରେଶ ବିଷୋୟୀ, ଆୟତପୁର ପଞ୍ଚାୟତ ସଭାପତି ଦୀପ୍ତିରଞ୍ଜନ ଦାସ, ବରିଷ୍ଠ କାର୍ଯ୍ୟକର୍ତ୍ତା ଦେବେନ୍ଦ୍ର ହରିଚ଼ନ୍ଦନ, ସିଦ୍ଧେଶ୍ୱର ସୁବୁଦ୍ଧି, ମନୋଜ ପ୍ରଧାନ ପ୍ରମୁଖ ଯୋଗଦେଇ ସମସ୍ତ ଦେବଦୁଲ୍ଲର୍ଭ କାର୍ଯ୍ୟକର୍ତ୍ତାଙ୍କୁ…
ବାଣପୁର (ସୀତାରାମ ଅଗ୍ରୱାଲ): ଗୋଦାବରୀଶ ମହାବିଦ୍ୟାଳୟରେ ଜାତୀୟ ସେବା ଯୋଜନା ଏହାର ନୂତନ ସ୍ବେଛାସେବୀମାନଙ୍କ ପାଇଁ ଏକ ପ୍ରବର୍ତ୍ତନ କାର୍ଯକ୍ରମ ଆୟୋଜନ କରିଛି।ଚଳିତ ବର୍ଷ ଡିଗ୍ରୀ ସ୍ତରରେ ଅଧ୍ୟାପିକା ଲକ୍ଷ୍ମୀ ପ୍ରିୟା ପଲେଇ ଓ ଉଚ୍ଚମାଧ୍ୟମିକ ସ୍ତରରେ ଅଧ୍ୟାପକ ଜୟନ୍ତ କୁମାର ବିହାରୀ କ୍ରାର୍ଯ୍ୟକ୍ରମ୍ ଅଧିକାରୀ ଭାବରେ ଦାୟିତ୍ଵ ବହନ କରିବାପରେ ଏହାର ପୁନର୍ବିନ୍ୟାସ କରିବା ପାଇଁ ଉଦ୍ୟମ କରିଛନ୍ତି। ଆଜି ଛାତ୍ରଛାତ୍ରୀ ମାନଙ୍କ ନିମନ୍ତେ ଆୟୋଜିତ ଏହି ଉତ୍ସବରେ ମହାବିଦ୍ୟାଳୟର ଅଧ୍ୟକ୍ଷ ବିନାୟକ ହୋତା ସଭାପତିତ୍ବ କରି ଚରିତ୍ର ଗଠନ ଓ ରାଷ୍ଟ୍ର ନିର୍ମାଣ ଉଭୟ ପାଇଁ ଛାତ୍ର ଛାତ୍ରୀ ମାନଙ୍କୁ ଏହି ଯୋଜନା ମାଧ୍ୟମରେ ସେବା କରିବା ପାଇଁ ଉପଦେଶ ଦେଇଥିଲେ। ମହାବିଦ୍ୟାଳୟର ପ୍ରଶାସନିକ ଅଧିକାରୀ ଡ ଶୁର ପ୍ରତାପ ନରେନ୍ଦ୍ର ସିଂ ବର୍ମା,ସହ ଅଧିକାରୀ ଡ ସୁଜାତା ମିଶ୍ର, ଉଚ୍ଚ ମାଧ୍ୟମିକ ବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷ ଲକ୍ଷ୍ମୀ ପ୍ରସାଦ ମିଶ୍ର ଯୋଗଦେଇ ସ୍ୱେଚ୍ଛାସେବୀ ମାନଙ୍କୁ ସେବା ମାଧ୍ୟମରେ…
ବାଣପୁର: ବାଣପୁର ଅଞ୍ଚଳର ବିଶିଷ୍ଟ ସମାଜସେବୀ, ବାଣପୁର ସତସଙ୍ଗ ବିହାରର ପୂର୍ବତନ ସଭାପତି ତଥା ଯୁବ ସାମ୍ବାଦିକ ଓ ଆଇନଜୀବୀ ସୀତାରାମ ଅଗ୍ରୱାଲଙ୍କ ବଡ ଦାଦା ସ୍ବର୍ଗତ ଗୋବିନ୍ଦ ପ୍ରସାଦ ଅଗ୍ରୱାଲଙ୍କ ଦ୍ଵାଦଶାହ ଅବସରରେ ଗୁରୁବାର ଦିନ ଏକ ଶ୍ରଦ୍ଧାଞ୍ଜଳି ସଭା ସ୍ଥାନୀୟ ଶ୍ରୀ ଶ୍ରୀ ରଙ୍କନାଥ ଦେବଙ୍କ ମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି। ଉକ୍ତ ସଭାକୁ ସ୍ବର୍ଗତ ଶ୍ରୀ ଅଗ୍ରୱାଲଙ୍କ ହାଇସ୍କୁଲ ସହପାଠୀମାନେ ଆୟୋଜନ କରିଥିଲେ। ତନ୍ମଧ୍ୟରୁ ଅବସରପ୍ରାପ୍ତ ଚାଷଙ୍ଗରା ହାଇସ୍କୁଲ ପ୍ରଧାନଶିକ୍ଷକ କବିରାଜ ପ୍ରଧାନ ଉକ୍ତ ସଭାରେ ସଭାପତିତ୍ୱ କରିଥିବା ବେଳେ, ପ୍ରଦୀପ କୁମାର ପାତ୍ର, ବିଶିଷ୍ଟ ବ୍ୟବସାୟୀ ଗୌତମ ସୁବୁଦ୍ଧି, ବିଶିଷ୍ଟ ସମାଜସେବୀ ନନ୍ଦକିଶୋର ମିଶ୍ର, ବିଶିଷ୍ଟ ସମାଜସେବୀ ବୀରଭଦ୍ର କାଣ୍ଡି, ଅବସରପ୍ରାପ୍ତ ଭିଜିଲାନ୍ସ ଏସପି ପ୍ରଦୀପ ଜାଲି, ଅଶୋକ ମହାନ୍ତି ଆଦି ସଭାକୁ ପରିଚାଳନା କରିଥିଲେ। ଏହି ଅବସରରେ ସମସ୍ତ ସହପାଠୀ ମାନେ ସ୍ବର୍ଗତ ଶ୍ରୀ ଅଗ୍ରୱାଲଙ୍କ ସ୍ମୃତିଚାରଣ କରିବା ସହ ତାଙ୍କ ଫୋଟୋ ଚିତ୍ରରେ…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବୁଧବାର ଦିନ ନୂଆଦିଲ୍ଲୀରେ ଭାରତର ପ୍ରଧାନ ବିଚାରପତି ଡି.ୱାଇ ଚନ୍ଦ୍ରଚୁଡଙ୍କ ଘରେ ଗଣପତି ପୂଜା ସମାରୋହରେ ଯୋଗ ଦେଇଛନ୍ତି। ବର୍ତ୍ତମାନ ବିରୋଧୀ ଦଳ ଏ ସମ୍ପର୍କରେ ପ୍ରଧାନମନ୍ତ୍ରୀ ମୋଦିଙ୍କୁ ଟାର୍ଗେଟ କରିଛନ୍ତି। ଏହି ସମୟରେ ରାଜ୍ୟସଭା ସାଂସଦ ତଥା ସୁପ୍ରିମକୋର୍ଟ ବାର ଆସୋସିଏସନ ସଭାପତି କପିଲ ସିବଲ ଆଜି କହିଛନ୍ତି ଯେ, “ମୁଁ ସୋସିଆଲ ମିଡିଆରେ କିଛି ପ୍ରସାରିତ ହେବାର ଦେଖିଲି ଏବଂ ସତ କହିବାକୁ ଗଲେ ଏହାକୁ ଦେଖି ମୁଁ ଆଶ୍ଚର୍ଯ୍ୟ ହୋଇ ଯାଇଥିଲି। ମୁଁ ସୁପ୍ରିମକୋର୍ଟ ଏବଂ କୋର୍ଟରେ କାର୍ଯ୍ୟ କରିଆସୁଛି “ମୁଁ ସଂଗଠନରେ ଅଛି। ଭାଇରାଲ୍ ହେଉଥିବା ଏହି କ୍ଲିପ୍ ଦେଖି ମୁଁ ଆଶ୍ଚର୍ଯ୍ୟ ହୋଇ ଯାଇଛି। ଏହା ସୁପ୍ରିମକୋର୍ଟଙ୍କ ପାଇଁ ଠିକ୍ ନୁହେଁ। ସମାଜବାଦୀ ପାର୍ଟିର ରାଜ୍ୟସଭା ସାଂସଦ କପିଲ ସିବଲ ଆହୁରି କହିଛନ୍ତି ଯେ, “କୌଣସି ସରକାରୀ ଅଧିକାରୀ ଏକ ବ୍ୟକ୍ତିଗତ କାର୍ଯ୍ୟକ୍ରମ ପ୍ରଚାର କରିବା ଉଚିତ୍ ନୁହେଁ।…
ନୂଆଦିଲ୍ଲୀ: ଟିମ୍ ଇଣ୍ଡିଆର ୱିକେଟ୍ କିପର ବ୍ୟାଟ୍ସମ୍ୟାନ୍ ଇଶାନ୍ କିଶାନ୍ ଦୁଲିପ୍ ଟ୍ରଫିରେ ଏକ ଧୂଆଁଧାର ଶତକ ହାସଲ କରିଛନ୍ତି। ବାସ୍ତବରେ ଇଶାନ କିଶାନ ଦୀର୍ଘ ଦିନ ଧରି ଭାରତୀୟ ଦଳ ବାହାରେ ରହିଛନ୍ତି। ଏହା ବ୍ୟତୀତ ବିସିସିଆଇ ଇଶାନ କିଶନଙ୍କ କେନ୍ଦ୍ରୀୟ ଚୁକ୍ତିନାମାକୁ ରଦ୍ଦ କରିଦେଇଛି, କିନ୍ତୁ ଏହି ୱିକେଟ୍ କିପର ବ୍ୟାଟ୍ସମ୍ୟାନ୍ କ୍ରମାଗତ ଭାବେ ଘରୋଇ ମ୍ୟାଚ୍ ରେ ରନ୍ ସ୍କୋର କରୁଛନ୍ତି। ଦୁଲିପ୍ ଟ୍ରଫିରେ ଇଶାନ୍ କିଶାନ୍ ୧୨୧ ବଲରେ ଶତକ ହାସଲ କରିଛନ୍ତି। କିନ୍ତୁ ଇଶାନ କିଶନ ଏହି ଶତକ ପରେ ଟିମ୍ ଇଣ୍ଡିଆକୁ ଫେରିବେ କି? ଭାରତୀୟ ଦଳରେ ଇଶାନ କିଶନଙ୍କ ପ୍ରତ୍ୟାବର୍ତ୍ତନ ଉପରେ ସନ୍ଦେହ ରହିଛି, କିନ୍ତୁ ଏହି ବ୍ୟାଟ୍ସମ୍ୟାନ୍ ଏକ ଶତକୀୟ ପାଳି ଖେଳି ଦଳରେ ସାମିଲ ହେବା ପାଇଁ ଦାବି ଉପସ୍ଥାପନ କରିଛନ୍ତି। ଇଣ୍ଡିଆ-ସି ପାଇଁ ଖେଳୁଥିବା ଇଶାନ କିଷାନ ୧୨୬ ବଲରେ ୧୧୧ ରନର ଚମତ୍କାର ଇନିଂସ ଖେଳିଥିଲେ।…
ଭୁବନେଶ୍ୱର: ଆଜି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଲୋକସେବା ଭବନ କନ୍ଭେନ୍ସନ୍ ସେଣ୍ଟରଠାରେ ବିଭିନ୍ନ ବିଭାଗରେ ୪୭୬ ଜଣ ଅଧିକାରୀ ଓ କର୍ମଚାରୀମାନଙ୍କୁ ନିଯୁକ୍ତି ପତ୍ର ପ୍ରଦାନ କରିଛନ୍ତି। ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ ପକ୍ଷରୁ ଆୟୋଜିତ ଏକ ନିଯୁକ୍ତି ମେଳା ମାଧ୍ୟମରେ ଏହି ନିଯୁକ୍ତି ପତ୍ର ପ୍ରଦାନ କରାଯାଇଥିଲା। ଏହି ଅବସରରେ ନବ ନିଯୁକ୍ତ ଅଧିକାରୀ ଓ କର୍ମଚାରୀମାନଙ୍କୁ ମୁଖ୍ୟମନ୍ତ୍ରୀ ଅଭିନନ୍ଦନ ଜଣାଇ କହିଥିଲେ ଯେ, ପ୍ରତ୍ୟେକ ବ୍ୟକ୍ତି ପାଇଁ ପ୍ରଥମ କର୍ମନିଯୁକ୍ତିର ଦିନଟି ସବୁଠାରୁ ଗୁରୁତ୍ୱପୂର୍ଣ୍ଣ ଓ ଆନନ୍ଦଦାୟକ ହୋଇଥାଏ। ଆଜି ଆପଣମାନେ ଲୋକଙ୍କ ସେବାରେ ନିଯୁକ୍ତ ହେଉଛନ୍ତି। ଏହି ସେବା କେବଳ ଏକ କର୍ମନିଯୁକ୍ତି ନୁହେଁ, ଏହା ଆପଣମାନଙ୍କ ପାଇଁ ଏକ ଗୁରୁଦାୟିତ୍ୱ। ଗଣତନ୍ତ୍ରରେ ସରକାର ହେଉଛନ୍ତି ଲୋକଙ୍କ ଆସ୍ଥା ଓ ବିଶ୍ୱାସର ପ୍ରତୀକ। ଜନସାଧାରଣଙ୍କ ସମସ୍ୟା ଓ ତା’ର ସମାଧାନ, ସରକାର ଓ ସରକାରୀ କର୍ମଚାରୀଙ୍କ ଦାୟିତ୍ୱ। ସରକାରଙ୍କ ଜନହିତକାରୀ ଯୋଜନାର ସୁଫଳ…
ନୂଆଦିଲ୍ଲୀ: ହରିୟାଣା ବିଧାନସଭା ନିର୍ବାଚନ ପାଇଁ କଂଗ୍ରେସ ୯୦ ଟି ସିଟ୍ ମଧ୍ୟରୁ ୮୮ ଟି ଆସନ ପାଇଁ ପ୍ରାର୍ଥୀ ଘୋଷଣା କରିଛି। କଂଗ୍ରେସ ପାନିପତ ସିଟିରୁ ବିରେନ୍ଦ୍ର ସିଂ ଶାହାଙ୍କୁ ପ୍ରାର୍ଥୀ କରିଛି। ଯେଉଁଥିପାଇଁ କଂଗ୍ରେସରେ ବିଦ୍ରୋହ ଆରମ୍ଭ ହୋଇଛି। ସହରାଞ୍ଚଳ ଆସନରେ ଦାବି କରୁଥିବା ପୂର୍ବତନ ବିଧାୟିକା ରୋହିତା ରେବଡି କଂଗ୍ରେସ ସଦସ୍ୟତା ଏବଂ ସମସ୍ତ ପଦବୀରୁ ଇସ୍ତଫା ଦେଇଛନ୍ତି। ଏହା ସହିତ ସେ ସ୍ୱାଧୀନ ପ୍ରାର୍ଥୀ ଭାବେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଘୋଷଣା କରିଛନ୍ତି। ଯାହା ପରେ ସେ ନାମାଙ୍କନ ଦାଖଲ କରିବାକୁ ସ୍କୁଟିରେ ପହଞ୍ଚିଛନ୍ତି। ଉଲ୍ଲେଖ ଯୋଗ୍ୟ ଯେ, ୨୦୧୩ ରେ ରୋହିତା ରେବଡି ପ୍ରଥମ ଥର ପାଇଁ ପାନିପତ ସହରର ୱାର୍ଡ ୯ ରୁ ମ୍ୟୁନିସିପାଲିଟି କର୍ପୋରେସନ କାଉନସିଲର ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲେ। ସେ ଏହି ନିର୍ବାଚନରେ ୧୦ ହଜାର ୪୦୦ ଭୋଟରେ ଜିତିଥିଲେ। ଏହା ପରେ ବିଜେପି ୨୦୧୪ ରେ ପାନିପତ ସିଟିରୁ…
ଭୁବନେଶ୍ଵର: କେନ୍ଦ୍ର ମତ୍ସ୍ୟଚାଷ, ପ୍ରାଣୀସମ୍ପଦ, ଦୁଗ୍ଧ ଉତ୍ପାଦନ ଏବଂ ପଞ୍ଚାୟତିରାଜ ମନ୍ତ୍ରୀ ରାଜୀବ ରଞ୍ଜନ ସିଂହ ଓରଫ ଲଲନ ସିଂହ 13 ସେପ୍ଟେମ୍ବର 2024ରେ ଭୁବନେଶ୍ୱରସ୍ଥିତ ଲୋକ ସେବା ଭବନ ସମ୍ମିଳନୀ କକ୍ଷରେ ପ୍ରାଣୀସମ୍ପଦ ଏବଂ ଦୁଗ୍ଧ ଉତ୍ପାଦନ କ୍ଷେତ୍ର ପାଇଁ ମୌସୁମୀ ବୈଠକରେ ଅଧ୍ୟକ୍ଷତା କରିବେ। ଉଦଘାଟନୀ ଅଧିବେଶନରେ ଓଡ଼ିଶାର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ମୁଖ୍ୟ ଅତିଥି ଏବଂ ବିଶେଷ ଅତିଥି ଭାବେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ସାମିଲ ହେବେ। ମତ୍ସ୍ୟଚାଷ, ପ୍ରାଣୀସମ୍ପଦ, ଦୁଗ୍ଧ ଉତ୍ପାଦନ ଓ ପଞ୍ଚାୟତିରାଜ ରାଷ୍ଟ୍ରମନ୍ତ୍ରୀ ପ୍ରଫେସର ଏସ. ପି. ସିଂହ ବାଘେଲ ଏବଂ ମତ୍ସ୍ୟଚାଷ, ପ୍ରାଣୀସମ୍ପଦ ଓ ଦୁଗ୍ଧ ଉତ୍ପାଦନ ତଥା ସଂଖ୍ୟାଲଘୁ ବ୍ୟାପାର ରାଷ୍ଟ୍ରମନ୍ତ୍ରୀ ଜର୍ଜ କୁରିଏନ ଏବଂ ବିଭାଗର ବରିଷ୍ଠ ଅଧିକାରୀମାନେ ମଧ୍ୟ ଏହି ବୈଠକରେ ଯୋଗଦେବେ ବୋଲି ଆଶା କରାଯାଉଛି। ମତ୍ସ୍ୟଚାଷ, ପ୍ରାଣୀସମ୍ପଦ ଓ ଦୁଗ୍ଧ ଉତ୍ପାଦନ ମନ୍ତ୍ରଣାଳୟ ଅଧୀନରେ ଥିବା ପ୍ରାଣୀସମ୍ପଦ ଏବଂ ଦୁଗ୍ଧ ଉତ୍ପାଦନ ବିଭାଗ…
କୋଲକାତା: କୋଲକାତାର ଆରଜି କର ମେଡିକାଲ କଲେଜ ଏବଂ ହସ୍ପିଟାଲରେ ଏକ ସନ୍ଦିଗ୍ଧ ପରିତ୍ୟକ୍ତ ବ୍ୟାଗ ମିଳିଛି। ଏହା ପରେ ଏଠାରେ ଆତଙ୍କ ଖେଳିଯାଇଛି। ଏହି ବ୍ୟାଗକୁ ବିରୋଧ ପ୍ରଦର୍ଶନକାରୀଙ୍କ ଦ୍ୱାରା ନିର୍ମିତ ବିରୋଧ ପ୍ଲାଟଫର୍ମ ନିକଟରେ ଦେଖିବାକୁ ମିଳିଥିଲା। ସୂଚନା ପାଇବା ପରେ ବୋମା ଉଦ୍ଧାରକାରୀ ଦଳଙ୍କୁ ଡକାଯାଇଛି। ସନ୍ଦିଗ୍ଧ ପରିତ୍ୟକ୍ତ ହୋଇଥିବାରୁ ଏଠାରେ ସୁରକ୍ଷାକୁ ନେଇ ପ୍ରଶ୍ନ ଉଠିଛି। ପ୍ରକାଶ ଯୋଗ୍ୟ ଯେ, ଜଣେ ଜୁନିଅର ଡାକ୍ତରଙ୍କ ଦୁଷ୍କର୍ମ-ହତ୍ୟା ଘଟଣା ପରେ ଆର.ଜି କର ମେଡିକାଲ କଲେଜ ଏବଂ କୋଲକାତାର ହସ୍ପିଟାଲ କ୍ରମାଗତ ଭାବରେ ହେଡଲାଇନରେ ଅଛି। ଏଥି ସହିତ ଆରଡି କର ମେଡିକାଲ କଲେଜର ପୂର୍ବତନ ପ୍ରିନ୍ସିପାଲ ସନ୍ଦୀପ ଘୋଷଙ୍କ ବିରୋଧରେ ଆର୍ଥିକ ଅନିୟମିତତା ଘଟଣାର ତଦନ୍ତ କରୁଛି।
ନୂଆଦିଲ୍ଲୀ: ଅନୁମୋଦନ କରିବାର କିଛି ଦିନ ପରେ ଦେଶର ସର୍ବୋଚ୍ଚ ଡ୍ରଗ୍ ରେଗୁଲେଟର, ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (ଡିସିଜି) ପ୍ରେସଭ୍ୟୁ ଆଖି ଡ୍ରପ୍ ପାଇଁ ଉତ୍ପାଦନ ଏବଂ ମାର୍କେଟିଂ ଲାଇସେନ୍ସକୁ ସ୍ଥଗିତ ରଖିଛି। ଏହାର ନିର୍ମାତା ଏଣ୍ଟୋଡ୍ ଫାର୍ମାସ୍ୟୁଟିକାଲ୍ସ ବିଭ୍ରାନ୍ତିକର ଦାବି କରିଥିବା ଡିସିଜିଆଇ ଅଭିଯୋଗ କରିଛି। କମ୍ପାନୀର ଦାବି ଅନୁଯାୟୀ, ଏହି ଡ୍ରପ ବ୍ୟବହାର କଲେ ଚଷମା ଆବଶ୍ୟକ ହେବ ନାହିଁ, ୧୫ ମିନିଟ୍ ମଧ୍ୟରେ ଦୃଷ୍ଟିଶକ୍ତି (ନିକଟ) ବୃଦ୍ଧି ପାଇବ। ଗଣମାଧ୍ୟମ ଅନୁଯାୟୀ, ଆଖି ଡ୍ରପରେ ବ୍ୟବହୃତ ସକ୍ରିୟ ଉପାଦାନ ପିଲୋକାର୍ପାଇନ୍ ହାଇଡ୍ରୋକ୍ଲୋରିଡ୍ ଏକ ନୂଆ ଔଷଧ ନୁହେଁ। ବାସ୍ତବରେ ଏହା ସାଧାରଣତଃ ବ୍ୟବହୃତ ଔଷଧ ମଧ୍ୟରେ ଅଛି, ଯେଉଁଥି ପାଇଁ ସରକାର ମୂଲ୍ୟ ନିୟନ୍ତ୍ରଣ କରନ୍ତି। ଏହି ଔଷଧଟି ମୋତିଆବିନ୍ଦୁ ପାଇଁ ପ୍ରାଥମିକ ଚିକିତ୍ସା ଭାବରେ ବ୍ୟବହୃତ ହୋଇଥିଲା, କିନ୍ତୁ ପ୍ରେସବୋପିୟା ସାହାଯ୍ୟରେ ଜଣାଶୁଣା। ଡିସିଜିଆଇ ପକ୍ଷରୁ ଦିଆଯାଇଥିବା ନିର୍ଦ୍ଦେଶରେ କୁହାଯାଇଛି ଯେ, କମ୍ପାନୀ…
ନୂଆଦିଲ୍ଲୀ: ଭାରତୀୟ ଜନତା ପାର୍ଟି ନେତା ତଥା କେନ୍ଦ୍ର ଗୃହମନ୍ତ୍ରୀ ବଣ୍ଡି ସଞ୍ଜୟ କୁମାର ପୁଣିଥରେ ଲୋକସଭାର ବିରୋଧୀ ଦଳର ନେତା ରାହୁଲ ଗାନ୍ଧୀଙ୍କ ଉପରେ ଆକ୍ରମଣ କରିଛନ୍ତି। ରାହୁଲ ଗାନ୍ଧୀଙ୍କୁ ଟାର୍ଗେଟ କରି ସେ କହିଛନ୍ତି ଯେ, ସେ କେବଳ ବିଦେଶ ଗସ୍ତରେ ଭାରତକୁ ଅପମାନିତ କରୁନାହାଁନ୍ତି, ବରଂ ଦେଶର ନିର୍ବାଚନ ବ୍ୟବସ୍ଥାକୁ ମଧ୍ୟ ସମାଲୋଚନା କରୁଛନ୍ତି। ସେ ସୋସିଆଲ ମିଡିଆ ପ୍ଲାଟଫର୍ମରେ ରାହୁଲ ଗାନ୍ଧୀଙ୍କୁ କହିଛନ୍ତି, “ଶ୍ରୀ ରାହୁଲ ଗାନ୍ଧୀ … ଭାରତ ଛାଡ!” ବଣ୍ଡି ସଞ୍ଜୟ ଏହା ମଧ୍ୟ କହିଛନ୍ତି ଯେ, କଂଗ୍ରେସ, ବିଆରଏସ ଏବଂ ଏଆଇଏମ୍ଆଇଏମ୍ ଆସନ୍ତା ଜିଏଚଏମସି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଛନ୍ତି, କିନ୍ତୁ ଏଥର ବିଜେପି ବିଜୟ ପଞ୍ଜିକରଣ କରିବ ଏବଂ ଜିଏଚ୍ଏମ୍ସିରେ ଗେରୁଆ ପତାକା ଉଡିବ ଏବଂ ମେୟର ପଦବୀ ହାସଲ କରିବ। ରାହୁଲ ଗାନ୍ଧୀଙ୍କୁ ସମାଲୋଚନା କରି ସେ କହିଛନ୍ତି ଯେ, ରାହୁଲ ବିଦେଶ ଯାଇ ଭାରତର ଭାବମୂର୍ତ୍ତିକୁ କ୍ଷୁର୍ଣ୍ଣ…
ନୂଆଦିଲ୍ଲୀ: ପିହୋୱାର ବିଜେପି ପ୍ରାର୍ଥୀ କଂବଲଜିତ ସିଂ ଅଜରାନା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ମନା କରି ଦଳକୁ ଟିକେଟ୍ ଫେରସ୍ତ କରିଛନ୍ତି। ପୂର୍ବତନ ମନ୍ତ୍ରୀ ସନ୍ଦୀପ ସିଂଙ୍କ ଟିକେଟ କାଟି କଂବଲଜିତ ସିଂଙ୍କୁ ପିହୋୱାରୁ ପ୍ରାର୍ଥୀ କରାଯାଇଥିଲା। ବିଜେପିରେ ସ୍ଥାନୀୟ ସ୍ତରରେ ଅସନ୍ତୋଷ ଥିବାରୁ ସେ ନିର୍ବାଚନରେ ଭାଗ ନେବାକୁ ମନା କରି ଦେଇଛନ୍ତି ବୋଲି ଜଣାପଡିଛି। ନିର୍ବାଚନ ପ୍ରଚାର ସମୟରେ ତାଙ୍କୁ ବହୁ ବିରୋଧର ସମ୍ମୁଖୀନ ହେବାକୁ ପଡିଥିଲା। ୨୦୧୯ ବିଧାନସଭା ନିର୍ବାଚନରେ ବିଜେପି ପୂର୍ବତନ ଭାରତୀୟ ହକି ଅଧିନାୟକ ସନ୍ଦୀପ ସିଂଙ୍କୁ ପିହୋୱା ଆସନ ପାଇଁ ଟିକେଟ ଦେଇଥିଲା। ସେ କଂଗ୍ରେସର ମନଦୀପ ସିଂ ଚଟ୍ଟାଙ୍କୁ ୫୩୧୪ ଭୋଟରେ ପରାସ୍ତ କରିଥିଲେ। ଯେତେବେଳେ ବିଜେପି ସରକାର ଗଠନ ହେଲା ସେତେବେଳେ ତାଙ୍କୁ କ୍ରୀଡ଼ା ମନ୍ତ୍ରୀ କରାଯାଇଥିଲା। କିନ୍ତୁ ଗତ ବର୍ଷ ଜଣେ ଜୁନିଅର ମହିଳା ପ୍ରଶିକ୍ଷକ ତାଙ୍କ ଉପରେ ଯୌନ ଉତ୍ପୀଡ଼ନ ଅଭିଯୋଗ କରିଥିଲେ। ଏହା ପରେ ସନ୍ଦୀପ…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଅପରାହ୍ଣ ୪ଟାରେ ନୂଆଦିଲ୍ଲୀର ଭାରତ ମଣ୍ଡପମରେ ବିମାନ ଚଳାଚଳ ସମ୍ପର୍କରେ ଅନୁଷ୍ଠିତ ହେଉଥିବା ଦ୍ୱିତୀୟ ଏସିଆ-ପ୍ରଶାନ୍ତ ମନ୍ତ୍ରୀସ୍ତରୀୟ ସମ୍ମିଳନୀରେ ଭାଗ ନେବେ। ଏହି କାର୍ଯ୍ୟକ୍ରମକୁ ମଧ୍ୟ ସେ ସମ୍ବୋଧିତ କରିବେ। ସମସ୍ତ ସଦସ୍ୟ ରାଷ୍ଟ୍ରଙ୍କ ଦ୍ୱାରା ‘ଦିଲ୍ଲୀ ଘୋଷଣାପତ୍ର’କୁ ଗ୍ରହଣ ସମ୍ପର୍କରେ ପ୍ରଧାନମନ୍ତ୍ରୀ ଘୋଷଣା କରିବେ। ଏହି ଘୋଷଣାପତ୍ର ବିମାନ ଚଳାଚଳ କ୍ଷେତ୍ରରେ ଶୀର୍ଷରେ ପହଞ୍ଚିବା ପାଇଁ ଏକ ରୋଡମ୍ୟାପ। ଏସିଆ-ପ୍ରଶାନ୍ତ ବେସାମରିକ ବିମାନ ଚଳାଚଳ କ୍ଷେତ୍ରରେ ସୁରକ୍ଷା, ସ୍ଥିରତା ଓ ସୁରକ୍ଷାକୁ ଆଗେଇ ନେବା ଦିଗରେ ଏହି ସମ୍ମିଳନୀ ଏବଂ ଦିଲ୍ଲା ଘୋଷଣାପତ୍ର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଏହାଦ୍ୱାରା ଏହି କ୍ଷେତ୍ରର ସଦସ୍ୟ ରାଷ୍ଟ୍ରମାନଙ୍କ ମଧ୍ୟରେ ସହଯୋଗ ଭାବନାର ଉଦ୍ରେକ ହୋଇପାରିବ। ଆନ୍ତର୍ଜାତିକ ବେସାମରିକ ବିମାନ ଚଳାଚଳ ସଙ୍ଗଠନ (ଆଇସିଏଓ) ସହଯୋଗରେ ବେସାମରିକ ବିମାନ ଚଳାଚଳ ମନ୍ତ୍ରାଳୟ ବିମାନ ଚଳାଚଳ ସମ୍ପର୍କରେ ଏହି ଏସିଆ-ପ୍ରଶାନ୍ତ ସମ୍ମିଳନୀର ଆୟୋଜନ କରିଛି । ଏହା ଏସିଆ-ପ୍ରଶାନ୍ତ…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ବୈଠକରେ ଦୁଇ ବର୍ଷ ମଧ୍ୟରେ ୨,୦୦୦ କୋଟି ଟଙ୍କା ବ୍ୟୟ ବରାଦ ସହ ‘ମିଶନ ମୌସମ’କୁ ମଞ୍ଜୁରି ମିଳିଛି। ଭୂ-ବିଜ୍ଞାନ ମନ୍ତ୍ରଣାଳୟ ଦ୍ୱାରା ମୁଖ୍ୟତଃ କାର୍ଯ୍ୟକାରୀ ହେବାକୁ ଥିବା ମିଶନ ମୌସମ ଭାରତର ପାଣିପାଗ ଏବଂ ଜଳବାୟୁ ସମ୍ବନ୍ଧୀୟ ବିଜ୍ଞାନ, ଗବେଷଣା ଏବଂ ସେବାକୁ ଯଥେଷ୍ଟ ପ୍ରୋତ୍ସାହିତ କରିବା ପାଇଁ ଏକ ବହୁମୁଖୀ ଏବଂ ପରିବର୍ତ୍ତନକାରୀ ପଦକ୍ଷେପ ହେବ ବୋଲି ପରିକଳ୍ପନା କରାଯାଇଛି । ଏହା ଅତ୍ୟଧିକ ଖରାପ ପାଣିପାଗ ଘଟଣା ଏବଂ ଜଳବାୟୁ ପରିବର୍ତ୍ତନର ପ୍ରଭାବର ମୁକାବିଲା କରିବାରେ ନାଗରିକ ଏବଂ ଅନ୍ତିମ ସୋପାନରେ ଥିବା ବ୍ୟବହାରକାରୀଙ୍କ ସମେତ ସବୁ ଅଂଶୀଦାରମାନଙ୍କୁ ଉତ୍ତମ ଭାବରେ ସଶକ୍ତ କରିବାରେ ସାହାଯ୍ୟ କରିବ । ଏହି ମହତ୍ୱାକାଂକ୍ଷୀ କାର୍ଯ୍ୟକ୍ରମ ଦୀର୍ଘକାଳୀନ ଭାବେ ସମ୍ପ୍ରଦାୟ, କ୍ଷେତ୍ର ଏବଂ ଇକୋସିଷ୍ଟମରେ କ୍ଷମତା ଏବଂ ସହନଶୀଳତାକୁ ବ୍ୟାପକ କରିବାରେ ସାହାଯ୍ୟ କରିବ। ମିଶନ ମୌସମର ଏକ…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ମୋଟ ୧୨୪୬୧ କୋଟି ଟଙ୍କା ବ୍ୟୟ ଅଟକଳରେ ଜଳ ବିଦ୍ୟୁତ ପ୍ରକଳ୍ପ (ଏଚଇପି) ପାଇଁ ସକ୍ଷମ ଭିତ୍ତିଭୂମି (ଏଚଇପି)ର ଖର୍ଚ୍ଚ ପାଇଁ ବଜେଟ୍ ସହାୟତା ଯୋଜନାରେ ସଂଶୋଧନ ପାଇଁ ଶକ୍ତି ମନ୍ତ୍ରଣାଳୟର ପ୍ରସ୍ତାବକୁ ଅନୁମୋଦନ ମିଳିଛି। ଏହି ଯୋଜନା ୨୦୨୪-୨୫ ଆର୍ଥିକ ବର୍ଷରୁ ୨୦୩୧-୩୨ ଆର୍ଥିକ ବର୍ଷ ପର୍ଯ୍ୟନ୍ତ କାର୍ଯ୍ୟକାରୀ ହେବ। ଜଳ ବିଦ୍ୟୁତ୍ ବିକାଶରେ ବାଧା ସୃଷ୍ଟି କରୁଥିବା ସମସ୍ୟା ଯଥା ଦୁର୍ଗମ ସ୍ଥାନ, ପାହାଡ଼ିଆ ଅଞ୍ଚଳ, ଭିତ୍ତିଭୂମିର ଅଭାବ ଇତ୍ୟାଦିର ସମାଧାନ ପାଇଁ ଭାରତ ସରକାର ଅନେକ ନୀତିଗତ ପଦକ୍ଷେପ ନେଉଛନ୍ତି। ଜଳ ବିଦ୍ୟୁତ କ୍ଷେତ୍ରକୁ ପ୍ରୋତ୍ସାହିତ କରିବା ଏବଂ ଏହାକୁ ଅଧିକ କାର୍ଯ୍ୟକ୍ଷମ କରିବା ପାଇଁ କ୍ୟାବିନେଟ୍ ମାର୍ଚ୍ଚ, ୨୦୧୯ରେ ବୃହତ୍ ଜଳ ବିଦ୍ୟୁତ ପ୍ରକଳ୍ପଗୁଡ଼ିକୁ ଅକ୍ଷୟ ଶକ୍ତି ଉତ୍ସ ଭାବରେ ଘୋଷଣା କରିବା, ଜଳ ବିଦ୍ୟୁତ କ୍ରୟ ବାଧ୍ୟତାମୂଳକତା (ଏଚପିଓ), ଶୁଳ୍କ ବୃଦ୍ଧି…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ପ୍ରମୁଖ ଯୋଜନା ଆୟୁଷ୍ମାନ ଭାରତ ପ୍ରଧାନମନ୍ତ୍ରୀ ଜନ ଆରୋଗ୍ୟ (ଏବି ପିଏମ-ଜେଏୱାଇ) ଅଧୀନରେ ଆୟ ନିର୍ବିଶେଷରେ ୭୦ ବର୍ଷରୁ ଅଧିକ ବୟସର ସମସ୍ତ ବରିଷ୍ଠ ନାଗରିକଙ୍କୁ ସ୍ୱାସ୍ଥ୍ୟ ବୀମା ପ୍ରଦାନ କୁ ଅନୁମୋଦନ ମିଳିଛି। ଏଥିରେ ୬କୋଟି ବରିଷ୍ଠ ନାଗରିକଙ୍କ ସହ ପାଖାପାଖି ୪.୫ କୋଟି ପରିବାରକୁ ଲାଭ ଦେବା ଉଦ୍ଦେଶ୍ୟରେ ପାରିବାରିକ ଭିତ୍ତିରେ ୫ ଲକ୍ଷ ଟଙ୍କାର ମାଗଣା ସ୍ୱାସ୍ଥ୍ୟ ବୀମା ସୁରକ୍ଷା ପ୍ରଦାନ କରିବାକୁ ଲକ୍ଷ୍ୟ ରଖାଯାଇଛି। କେନ୍ଦ୍ର କ୍ୟାବିନେଟ୍ର ଏହି ଅନୁମୋଦନ ଦ୍ୱାରା ୭୦ ବର୍ଷ ରୁ ଅଧିକ ବୟସର ସମସ୍ତ ବରିଷ୍ଠ ନାଗରିକ ସେମାନଙ୍କର ସାମାଜିକ, ଆର୍ଥିକ ସ୍ଥିତି ନିର୍ବିଶେଷରେ ଏବି ପିଏମ-ଜେଏୱାଇର ଲାଭ ଉଠାଇପାରିବେ। ଯୋଗ୍ୟ ବରିଷ୍ଠ ନାଗରିକମାନଙ୍କୁ ଏବି ପିଏମ୍-ଜେଏୱାଇ ଅଧୀନରେ ଏକ ନୂତନ ସ୍ୱତନ୍ତ୍ର କାର୍ଡ ପ୍ରଦାନ କରାଯିବ। ପୂର୍ବରୁ ଏବି ପିଏମ-ଜେଏୱାଇ ଅଧୀନରେ ଅନ୍ତର୍ଭୁକ୍ତ ହୋଇଥିବା ପରିବାରର…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ବୈଠକରେ ୩,୪୩୫.୩୩ କୋଟି ଟଙ୍କା ବ୍ୟୟ ଅଟକଳରେ ସାଧାରଣ ପରିବହନ କର୍ତ୍ତୃପକ୍ଷ (ପିଟିଏ) ଦ୍ୱାରା ଇ-ବସ୍ କ୍ରୟ ଏବଂ ପରିଚାଳନା ପାଇଁ “ପିଏମ-ଇବସ୍ ସେବା-ପେମେଣ୍ଟ ସିକ୍ୟୁରିଟି ମେକାନିଜମ୍ (ପିଏସଏମ) ଯୋଜନା”କୁ ମଞ୍ଜୁରୀ ମିଳିଛି। ଏହି ଯୋଜନା୨୦୨୪-୨୫ ଆର୍ଥିକ ବର୍ଷରୁ ୨୦୨୮-୨୯ ଆର୍ଥିକ ବର୍ଷ ମଧ୍ୟରେ ୩୮,୦୦୦ରୁ ଅଧିକ ଇଲେକ୍ଟ୍ରିକ୍ ବସ୍ (ଇ-ବସ୍) ପରିଚାଳନା କରିବାରେ ସହାୟକ ହେବ। ଏହି ଯୋଜନାରେ ନିୟୋଜିତ ହେବା ଦିନଠାରୁ ୧୨ ବର୍ଷ ପର୍ଯ୍ୟନ୍ତ ଇ-ବସ୍ ଚଳାଚଳ ରେ ସହାୟତା ମିଳିବ। ବର୍ତ୍ତମାନ ପବ୍ଲିକ୍ ଟ୍ରାନ୍ସପୋର୍ଟ ଅଥୋରିଟି (ପିଟିଏ) ଦ୍ୱାରା ପରିଚାଳିତ ଅଧିକାଂଶ ବସ୍ ଡିଜେଲ/ସିଏନଜିରେ ଚଳାଚଳ କରୁଥିବାରୁ ପରିବେଶ ଉପରେ ପ୍ରତିକୂଳ ପ୍ରଭାବ ପଡ଼ୁଛି। ଅପରପକ୍ଷରେ ଇ-ବସ୍ ପରିବେଶ ଅନୁକୂଳ ଏବଂ ଏହାର ପରିଚାଳନା ଖର୍ଚ୍ଚ କମ୍ ରହିଛି। ତେବେ ସାଧାରଣ ପରିବହନ କର୍ତ୍ତୃପକ୍ଷ (ପିଟିଏ)ର ଆଗୁଆ ଅଧିକ ଖର୍ଚ୍ଚ ଏବଂ ଚଳାଚଳରୁ ରାଜସ୍ୱ…