ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବେଗୁନିଆ ପଡ଼ା ଥାନା ଅନ୍ତର୍ଗତ କନିଆରବାଡ ଗ୍ରାମର ସନ୍ତୋଷ ସାହୁ, ଦୁଇ ପୁଅ ରାଜେଶ ଓ ରବିଙ୍କ ଆକ୍ରମଣରେ ବାବୁ ସାହୁ ନାମକ ଜଣେ ଯୁବକ ଗୁରୁତର ଆହତ ହୋଇଛନ୍ତି। ପ୍ରଥମେ ଗୁରୁତରଙ୍କୁ ସୁମଣ୍ଡଳ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। କିନ୍ତୁ ପରିସ୍ଥିତି ଗମ୍ଭୀର ହେବାରୁ ବାବୁଙ୍କୁ ବ୍ରହ୍ମପୁର ବଡ ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ଘଟଣାରୁ ଜଣାପଡିଛି ଯେ, ଆହତ ବାବୁଙ୍କ ଘର ପୁରୁଷୋତ୍ତମ ପୁର ଥାନା ଅନ୍ତର୍ଗତ ବାଘଳା ଗ୍ରାମରେ ହୋଇଥିବା ବେଳେ ସେ ନିଜ ଭିଣୋଇ କୃଷ୍ଣ ସାହୁଙ୍କ ଘରେ ଏହି କିଛି ମାସ ହେଲା ରହି ଉଭୟେ ଶଳା ଭିଣୋଇ ମିଶି ବ୍ୟବସାୟ କରୁଥିଲେ। କିନ୍ତୁ ଘଟଣା କ’ଣ ହୋଇଛି କେଜାଣି ବାବୁ ରାତିରେ ବନ୍ଧରୁ ଗାଧୋଇ ଘରକୁ ଫେରୁଥିବା ବେଳେ ବାପ ଓ ପୁଅ ତିନି ଜଣ ମିଶି ଲୁହା ଛଡ଼ରେ ଆକ୍ରମଣ କରିବାରୁ ସେ…
Author: SM Network
ଖୋର୍ଦ୍ଧା: ଆଜି ଖୋର୍ଦ୍ଧା ଜିଲ୍ଲାରେ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସର ମଧ୍ୟରେ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ଏବଂ ଅବକାରୀ ବିଭାଗ ଜିଲ୍ଲା ପ୍ରଶାସନ, ଖୋର୍ଦ୍ଧା ଙ୍କ ମିଳିତ ସହଯୋଗରେ ଏକ ରାଲି ସକାଳ ୭ ଘଟିକା ସମୟରେ ବାହାରି ଖୋର୍ଦ୍ଧା ସହର ଅତିକ୍ରମ କରି ଟାଉନ ହଲ ପର୍ଯ୍ୟନ୍ତ ପହଞ୍ଚିଥିଲା। ଏଥି ସହ ଏକ ସୁସଜ୍ଜିତ ରଥକୁ ଅତିରିକ୍ତ ଜିଲ୍ଲାପାଳ ପ୍ରତାପ ଚନ୍ଦ୍ର ବେଉରା ଏବଂ ଉପ ଜିଲ୍ଲାପାଳ ଦିପ୍ତି ରଞ୍ଜନ ସେଠୀ ସବୁଜ ପତାକା ହଲାଇ ଶୁଭାରମ୍ଭ କରିବା ପରେ ଏହା ରାଲିର ଆଗେ ଆଗେ ନିଶା ଅପବ୍ୟବହାର ଉପରେ ସ୍ଲୋଗାନ ଦେଇ ଲୋକମାନଙ୍କୁ ଜାଗ୍ରତ କରାଇ ଟାଉନ ହଲ ରେ ପହଞ୍ଚିଥିଲା। ତାହା ପରେ ଏହି ରଥ ଜିଲ୍ଲାର ବିଭିନ୍ନ ଅଞ୍ଚଳରେ ପହଞ୍ଚି ନିଶା ଅପ ବ୍ୟବହାର ବାର୍ତ୍ତା ପ୍ରଚାର କରିଥିଲା। ଏହି ରାଲିରେ ଜିଲ୍ଲା ପ୍ରଶାସନ ଖୋର୍ଦ୍ଧା, ବିଭିନ୍ନ ବର୍ଗର ବ୍ୟକ୍ତିବିଶେଷ, ଅଧିକାରୀ ଏବଂ…
ଟାଙ୍ଗୀ (ସୀତାରାମ ଅଗ୍ରୱାଲ): ଖୋର୍ଦ୍ଧା ଜିଲ୍ଲା ଟାଙ୍ଗୀ ଅବକାରୀ ପୋଲିସ ପକ୍ଷରୁ ୧୬ ନମ୍ବର ଜାତୀୟ ରାଜପଥ ରାମେଶ୍ୱର ନିକଟରେ ଚଢ଼ାଉ କରାଯାଇଛି। ଚଢ଼ାଉ ବେଳେ ଗୋଟିଏ ଯାତ୍ରୀ ବାହି ଅଟୋ ରିକ୍ସା ସହ ୨୨ କେଜି ଗଞ୍ଜେଇ ଜବତ କରାଯାଇଛି। ଏହା ସହ ଗଞ୍ଜେଇ ଚୋରା ଚାଲାଣ ଅଭିଯୋଗରେ ୩ ଜଣଙ୍କୁ ଗିରଫ କରିଛି ଅବକାରୀ ପୋଲିସ। ଗିରଫ ଅଭିଯୁକ୍ତମାନେ ହେଲେ ଗଞ୍ଜାମ ଜିଲ୍ଲାର ରବିନ୍ଦ୍ର ସ୍ୱାଇଁ, ଟୁକୁନା ପାଣିଗ୍ରାହୀ, ଭଗବାନ ମହାପାତ୍ର ବୋଲି ଜଣାପଡିଛି। ଏହି ଅଭିଯୁକ୍ତମାନେ ଗଞ୍ଜାମରୁ ପୁରୀକୁ ଗଞ୍ଜେଇ ଚଲାଣ କରୁଥିଲେ। ଆସନ୍ତା ରଥ ଯାତ୍ରାକୁ ଦ୍ରୁଷ୍ଟିରେ ରଖି ସେଠାରେ ବେପାର କରିବା ଉଦ୍ଦେଶ୍ୟରେ ସେମାନେ ଉକ୍ତ ଗଞ୍ଜେଇ ଚାଲାଣ କରୁଥିଲେ। ଜବତ ଗଞ୍ଜେଇ ମୂଲ୍ୟ ଦୁଇ ଲକ୍ଷ ଟଙ୍କାରୁ ଅଧିକ ହେଵ ବୋଲି ଜଣା ପଡିଛି।
ନୂଆଦିଲ୍ଲୀ: ଗୃହର ବାଚସ୍ପତି ଭାବେ ଓମ୍ ବିର୍ଲା ନିର୍ବାଚିତ ହେବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲୋକସଭାକୁ ସମ୍ବୋଧିତ କରିଛନ୍ତି। ଶ୍ରୀ ବିର୍ଲା କ୍ରମାଗତ ଦ୍ୱିତୀୟ ଥର ପାଇଁ ବାଚସ୍ପତି ଭାବେ ଦାୟିତ୍ୱ ଗ୍ରହଣ କରିବାକୁ ପ୍ରଧାନମନ୍ତ୍ରୀ ସ୍ୱାଗତ କରିଥିଲେ। ସେ ବାଚସ୍ପତିଙ୍କୁ ଗୃହ ପକ୍ଷରୁ ଶୁଭେଚ୍ଛା ଜଣାଇଥିଲେ। ଅମୃତ କାଳରେ ଶ୍ରୀ ବିର୍ଲା ଦ୍ୱିତୀୟ ଥର ଦାୟିତ୍ୱ ଗ୍ରହଣ କରିବାର ମହତ୍ତ୍ୱ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ ଆଶା ବ୍ୟକ୍ତ କରିଥିଲେ ଯେ ତାଙ୍କର ପାଞ୍ଚ ବର୍ଷର ଅଭିଜ୍ଞତା ଏବଂ ତାଙ୍କ ସହ ସଦସ୍ୟମାନଙ୍କ ଅଭିଜ୍ଞତା ଏହି ଗୁରୁତ୍ୱପୂର୍ଣ୍ଣ ସମୟରେ ଗୃହକୁ ମାର୍ଗଦର୍ଶନ କରିବାରେ ସମର୍ଥ ହେବ। ପ୍ରଧାନମନ୍ତ୍ରୀ ବାଚସ୍ପତିଙ୍କ ନମ୍ର ଓ ଅମାୟିକ ବ୍ୟକ୍ତିତ୍ୱ ଏବଂ ତାଙ୍କ ବିଜୟସୂଚକ ହସକୁ ଉଲ୍ଲେଖ କରିଥିଲେ ଯାହା ତାଙ୍କୁ ଗୃହ ପରିଚାଳନାରେ ସାହାଯ୍ୟ କରେ। ପୁନଃ ନିର୍ବାଚିତ ବାଚସ୍ପତି ନୂଆ ସଫଳତା ହାସଲ କରିବା ଜାରି ରଖିବେ ବୋଲି ପ୍ରଧାନମନ୍ତ୍ରୀ ବିଶ୍ୱାସ…
ନୂଆଦିଲ୍ଲୀ: ରକ୍ଷଣାବେକ୍ଷଣ କମାଣ୍ଡର ଏୟାର ଅଫିସର କମାଣ୍ଡିଂ ଇନ୍ ଚିଫ୍ ଏୟାର ମାର୍ଶାଲ ବିଜୟ କୁମାର ଗର୍ଗ ଗତ ୨୩ରୁ ୨୪ ତାରିଖ ପର୍ଯ୍ୟନ୍ତ ପାଲାମ ସ୍ଥିତ ବେସ୍ ମରାମତି ଡିପୋ ପରିଦର୍ଶନ କରିଥିଲେ। ତାଙ୍କ ସହ ଏମ୍ ସିର ବାୟୁସେନା ପରିବାର କଲ୍ୟାଣ ସଂଘ (ଆଞ୍ଚଳିକ) ସଭାପତି ରିତୁ ଗର୍ଗ ମଧ୍ୟ ଉପସ୍ଥିତ ଥିଲେ। ଏୟାର ମାର୍ଶାଲଙ୍କୁ ପାଲାମର ବେସ୍ ମରାମତି ଡିପୋର ଏୟାର ଅଫିସର କମାଣ୍ଡିଂ ଏୟାର କମୋଡର ହର୍ଷ ବହଲ ଏବଂ ୱିଙ୍ଗ୍ କମାଣ୍ଡର (ଶ୍ରୀମତୀ) ରୀନା ବହଲ (ଅବସରପ୍ରାପ୍ତ), ସଭାପତି ଏଏଫ୍ ଏଫ୍ ଡବ୍ଲ୍ୟୁଏ (ସ୍ଥାନୀୟ) ସ୍ୱାଗତ କରିଥିଲେ। ସେଠାରେ ପହଞ୍ଚିବା ପରେ ପାଲାମସ୍ଥିତ ବେସ୍ ମରାମତି ଡିପୋର ବାୟୁଯୋଦ୍ଧାମାନେ ତାଙ୍କୁ ଗାର୍ଡ ଅଫ୍ ଅନର ପ୍ରଦାନ କରିଥିଲେ। ଏହି ଗସ୍ତ ସମୟରେ ଏୟାର ମାର୍ଶଲଙ୍କୁ ଡିପୋର ଗୁରୁତ୍ଵପୂର୍ଣ୍ଣ କ୍ଷେତ୍ର, ଶାନ୍ତି ଓ ଯୁଦ୍ଧକାଳୀନ ଭୂମିକା ହାସଲ ଦିଗରେ ନିଆଯାଇଥିବା ପଦକ୍ଷେପ ଏବଂ ଚାଲିଥିବା ପ୍ରକଳ୍ପଗୁଡ଼ିକର ଅଗ୍ରଗତି ସମ୍ପର୍କରେ ଅବଗତ…
ନୂଆଦିଲ୍ଲୀ: ଟାଟା ଗ୍ରୁପ୍ ଉତ୍ତରପ୍ରଦେଶର ଅଯୋଧ୍ୟା ସହରରେ ଏକ ସଂଗ୍ରହାଳୟ ନିର୍ମାଣ କରିବାକୁ ଯାଉଛି। ୭୫୦ କୋଟି ଟଙ୍କା ବ୍ୟୟରେ ଏହି ସଂଗ୍ରହାଳୟ ନିର୍ମାଣ ହେବ। ଏହାର ପ୍ରସ୍ତାବକୁ ମଙ୍ଗଳବାର ଉତ୍ତରପ୍ରଦେଶ ସରକାରଙ୍କ କ୍ୟାବିନେଟ ଅନୁମୋଦନ କରିଛି। ଉତ୍ତରପ୍ରଦେଶ ପର୍ଯ୍ୟଟନ ମନ୍ତ୍ରୀ ଜୟବୀର ସିଂ କହିଛନ୍ତି ଯେ, ଏହି ଜମି ୯୦ ବର୍ଷ ପାଇଁ ଟାଟା ଗ୍ରୁପକୁ ମ୍ୟୁଜିୟମ୍ ଅଫ୍ ଟେମ୍ପଲସ୍ ପାଇଁ ୧ ଟଙ୍କା ଟୋକେନ୍ ରେ ଦିଆଯିବ। ଏହି ସଂଗ୍ରହାଳୟ ଅତ୍ୟାଧୁନିକ ହେବ ଏବଂ ଆନ୍ତର୍ଜାତୀୟ ମାନକ ଅନୁଯାୟୀ ନିର୍ମାଣ ହେବ। ଭାରତର ପ୍ରସିଦ୍ଧ ମନ୍ଦିରଗୁଡ଼ିକର ସ୍ଥାପତ୍ୟ ଏବଂ ଇତିହାସ ବିଷୟରେ ସୂଚନା ସଂଗ୍ରହାଳୟରେ ପ୍ରଦର୍ଶିତ ହେବ। ଟାଟା ଗ୍ରୁପ୍ ନିଜ ତରଫରୁ ଏହି ସଂଗ୍ରହାଳୟ ନିର୍ମାଣ କରିବାକୁ ଯାଉଛି। ଏହି ମନ୍ଦିର ସଂଗ୍ରହାଳୟ ନିର୍ମାଣ ପାଇଁ ଟାଟା ଗ୍ରୁପ୍ ୬୫୦ କୋଟି ଟଙ୍କା ବିନିଯୋଗ କରିବ। ଏହି ବିନିଯୋଗ CSR ଅର୍ଥାତ୍ କର୍ପୋରେଟ୍ ସାମାଜିକ ଦାୟିତ୍ଵ ଅଧୀନରେ…
ନୂଆଦିଲ୍ଲୀ: ପ୍ରତିରକ୍ଷା ମନ୍ତ୍ରଣାଳୟର ପ୍ରମୁଖ ପଦକ୍ଷେପ ଇନୋଭେସନସ ଫର୍ ଡିଫେନ୍ସ ଏକ୍ସଲେନ୍ସ (ଆଇଡିଏକ୍ସ) ଜୁନ୍ ୨୫, ୨୦୨୪ରେ ନୂଆଦିଲ୍ଲୀଠାରେ ଐତିହାସିକ ୩୫୦ତମ ଚୁକ୍ତି ସ୍ୱାକ୍ଷର କରିଛି। ୧୫୦ କିଲୋଗ୍ରାମ ପର୍ଯ୍ୟନ୍ତ ଇଲେକ୍ଟ୍ରୋ-ଅପ୍ଟିକାଲ, ଇନଫ୍ରାରେଡ, ସିନ୍ଥେଟିକ୍ ଆପର୍ଚର ରାଡାର ଏବଂ ହାଇପରସ୍ପେକ୍ଟ୍ରାଲ ପେଲୋଡ୍ ବହନ କରିବାରେ ସକ୍ଷମ ଏକ କ୍ଷୁଦ୍ର ଉପଗ୍ରହର ଡିଜାଇନ୍ ଏବଂ ବିକାଶ ପାଇଁ ସ୍ପେସ ପିସ୍କୋଲ୍ ଟେକ୍ନୋଲୋଜିପ୍ରାଇଭେଟ୍ ଲିମିଟେଡ୍ ସହ ଚୁକ୍ତି ସ୍ୱାକ୍ଷରିତ ହୋଇଥିଲା। ଏହି ଚ୍ୟାଲେଞ୍ଜର ନେତୃତ୍ୱ ନେଉଛି ଭାରତୀୟ ବାୟୁସେନା। ଡିସେମ୍ବର୨୦୨୨ରେ ୧୫୦ତମ ଆଇଡିଏକ୍ସ ଚୁକ୍ତି ସ୍ୱାକ୍ଷରିତ ହୋଇଥିଲା ଏବଂ ୧୮ ମାସ ମଧ୍ୟରେ ୩୫୦ତମଚୁକ୍ତି ସ୍ୱାକ୍ଷରିତ ହୋଇଛି। ପ୍ରତିରକ୍ଷା ସଚିବ ଗିରିଧର ଅରମାନେ ଏବଂ ପ୍ରତିରକ୍ଷା ମନ୍ତ୍ରଣାଳୟର ଅନ୍ୟ ବରିଷ୍ଠ ବେସାମରିକ ଓ ସାମରିକ ଅଧିକାରୀଙ୍କ ଉପସ୍ଥିତିରେ ଅତିରିକ୍ତ ସଚିବ (ପ୍ରତିରକ୍ଷା ଉତ୍ପାଦନ) ଏବଂ ପ୍ରତିରକ୍ଷା ଉଦ୍ଭାବନ ସଂଗଠନ (ଡିଆଇଓ)ର ସିଇଓ ଅନୁରାଗ ବାଜପେୟୀ ଏବଂ ସ୍ପେସ ପିସ୍କୋଲ୍ ଟେକ୍ନୋଲୋଜି ପ୍ରାଇଭେଟ୍ ଲିମିଟେଡର ପ୍ରତିଷ୍ଠାତା ତଥା ସିଇଓ…
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କାଜାଖସ୍ତାନର ରାଷ୍ଟ୍ରପତି କାସିମ-ଜୋମାର୍ଟ ଟୋକାୟେବ୍ଙ୍କ ସହ ଟେଲିଫୋନ୍ରେ ବର୍ତ୍ତାଳାପ କରିଛନ୍ତି। ବିଶ୍ୱର ସର୍ବବୃହତ ଗଣତାନ୍ତ୍ରିକ ପ୍ରକ୍ରିୟାର ସଫଳ ପରିଚାଳନା ଏବଂ ଐତିହାସିକ ଭାବେ ଲଗାତର ତୃତୀୟ ଥର ପାଇଁ ପୁନଃ ନିର୍ବାଚିତ ହୋଇଥିବାରୁ ରାଷ୍ଟ୍ରପତି ଟୋକାୟେବ ପ୍ରଧାନମନ୍ତ୍ରୀଙ୍କୁ ହାର୍ଦ୍ଦିକ ଅଭିନନ୍ଦନ ଜଣାଇଥିଲେ। ତାଙ୍କର ଆନ୍ତରିକ ଅଭିନନ୍ଦନ ପାଇଁ ପ୍ରଧାନମନ୍ତ୍ରୀ ତାଙ୍କୁ ଧନ୍ୟବାଦ ଜଣାଇଥିଲେ। ଦୁଇ ନେତା ଦ୍ୱିପାକ୍ଷିକ ରଣନୀତିକ ଭାଗିଦାରୀକୁ ଆଗକୁ ବଢ଼ାଇବା ପାଇଁ ମିଳିତ ଭାବେ କାର୍ଯ୍ୟ କରିବାକୁ ସେମାନଙ୍କର ପ୍ରତିବଦ୍ଧତାକୁ ଦୋହରାଇଥିଲେ। ଆସ୍ତାନାଠାରେ ହେବାକୁ ଥିବା ଏସ୍ସିଓ ସମ୍ମିଳନୀର ସଫଳତା ପାଇଁ ଭାରତର ସମ୍ପୂର୍ଣ୍ଣ ସମର୍ଥନ ରହିଛି ବୋଲି ପ୍ରଧାନମନ୍ତ୍ରୀ ଜଣାଇଥିଲେ ଏବଂ ଆଞ୍ଚଳିକ ସହଯୋଗର ବିକାଶରେ କାଜାଖସ୍ତାନର ନେତୃତ୍ୱର ଅବଦାନ ରହିଛି ବୋଲି ଆତ୍ମବିଶ୍ୱାସ ପ୍ରକାଶ କରିଥିଲେ। ଦୁଇ ନେତା ସମ୍ପର୍କରେ ରହିବାକୁ ସହମତି ପ୍ରକାଶ କରିଥିଲେ।
ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଆଜି ସିବିଆଇ ଗିରଫ କରିଛି। ଦିଲ୍ଲୀ ଅବକାରୀ ଦୁର୍ନୀତି ମାମଲାରେ କେଜ୍ରିୱାଲଙ୍କୁ ଗିରଫ କରାଯାଇଛି। ସିବିଆଇ କେଜ୍ରିୱାଲଙ୍କୁ ଦିଲ୍ଲୀର ରାଉସ୍ ଆଭେନ୍ୟୁ କୋର୍ଟରେ ହାଜର କରିଥିଲା, ଯେଉଁଠାରେ ଆମ୍ ଆଦମୀ ପାର୍ଟି (ଏଏପି) ମୁଖ୍ୟଙ୍କୁ ଜେରା ପାଇଁ ତଦନ୍ତକାରୀ ସଂସ୍ଥା ତାଙ୍କ ହେପାଜତ ମାଗିଥିଲା। ସିବିଆଇ ଅଧିକାରୀମାନେ ମଙ୍ଗଳବାର ଦିନ ସନ୍ଧ୍ୟାରେ ତିହାର ଜେଲରେ କେଜ୍ରିୱାଲଙ୍କୁ ମଧ୍ୟ ଜେରା କରିଥିଲେ। କେଜ୍ରିୱାଲଙ୍କ ଗିରଫ ଏକ ସମୟରେ ଆସିଛି, ଯେତେବେଳେ ସୁପ୍ରିମକୋର୍ଟରେ ତାଙ୍କର ଏକ ଆବେଦନ ଶୁଣାଣି ହେଉଛି। ଏହି ଆବେଦନ ମାଧ୍ୟମରେ ଦିଲ୍ଲୀ ସିଏମ ଦିଲ୍ଲୀ ହାଇକୋର୍ଟଙ୍କ ଜାମିନ ଆଦେଶରେ ରହିତାଦେଶକୁ ଚ୍ୟାଲେଞ୍ଜ କରିଛନ୍ତି। ପ୍ରକୃତରେ, ଦିଲ୍ଲୀର ଏକ ନିମ୍ନ ଅଦାଲତ କେଜ୍ରିୱାଲଙ୍କୁ ଜୁନ୍ ୨୦ ତାରିଖରେ ଜାମିନ ପ୍ରଦାନ କରିଥିଲେ, ଯାହାକି ହାଇକୋର୍ଟଙ୍କ ଦ୍ଵାରା ସ୍ଥଗିତ ରହିଛି।
ନୂଆଦିଲ୍ଲୀ: ଓମ୍ ବିର୍ଲା ଧ୍ୱନି ମତ ଦ୍ୱାରା ଲୋକସଭା ବାଚସ୍ପତି ପଦ ପାଇଁ ନିର୍ବାଚିତ ହୋଇଛନ୍ତି। ଆଜି ନିର୍ବାଚନରେ ବିଜେପି ନେତୃତ୍ୱାଧୀନ ନ୍ୟାସନାଲ ଡେମୋକ୍ରାଟିକ୍ ଆଲାଇନ୍ସ (ଏନଡିଏ) ପ୍ରାର୍ଥୀ ଓମ ବିର୍ଲା କଂଗ୍ରେସର କୋଡିକୁନିଲ ସୁରେଶ (କେ ସୁରେଶ) ଙ୍କୁ ପରାସ୍ତ କରିଛନ୍ତି। ବିରୋଧୀ ଦଳ ‘ଇଣ୍ଡିଆ’ ମେଣ୍ଟ ଶେଷ ମୁହୂର୍ତ୍ତରେ ଲୋକସଭା ବାଚସ୍ପତି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ନିଷ୍ପତ୍ତି ନେଇଥିଲା, ଯେତେବେଳେ ବରିଷ୍ଠ ବିଜେପି ନେତାମାନେ ବିରୋଧୀ ଦଳର ସର୍ତ୍ତ ଗ୍ରହଣ କରିନଥିଲେ। ବିରୋଧୀ ଦଳକୁ ଉପ-ବାଚସ୍ପତି ପଦ ଦେବା ପାଇଁ ସେମାନେ ସର୍ତ୍ତ ରଖିଥିଲେ। କିନ୍ତୁ ଏନଡିଏ ପକ୍ଷରୁ କୌଣସି ଉତ୍ତର ମିଳିନଥିଲା।
ନୂଆଦିଲ୍ଲୀ: ଆଜି ସିବିଆଇ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟି (AAP) ମୁଖ୍ୟ ଅରବିନ୍ଦ କେଜ୍ରିୱାଲଙ୍କୁ ରାଉସ୍ ଆଭେନ୍ୟୁ କୋର୍ଟକୁ ନେଇଛି। ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ସିବିଆଇ ତାଙ୍କୁ କୋର୍ଟରେ ହାଜର କରିବାକୁ ଯାଉଛି। ସିବିଆଇ ଆନୁଷ୍ଠାନିକ ଭାବେ ଅରବିନ୍ଦ କେଜ୍ରିୱାଲଙ୍କୁ ଗିରଫ କରିପାରେ। ସିବିଆଇ ଅଧିକାରୀମାନେ ମଙ୍ଗଳବାର ରାତିରେ ତିହାର ଜେଲରେ ଥିବା AAP ମୁଖ୍ୟଙ୍କୁ ଜେରା କରିଥିଲେ ଏବଂ ତାଙ୍କ ବିବୃତ୍ତି ରେକର୍ଡ କରିଥିଲେ। ଅରବିନ୍ଦ କେଜ୍ରିୱାଲଙ୍କ କୋର୍ଟରେ ହାଜର ହେବା ଏକ ସମୟରେ ଘଟିଛି, ଯେତେବେଳେ ଦିଲ୍ଲୀ ହାଇକୋର୍ଟ ତାଙ୍କ ଜାମିନ ଉପରେ ରୋକ ଲଗାଇଦେଇଛନ୍ତି। ସିବିଆଇ ରାଉସ୍ ଆଭେନ୍ୟୁ କୋର୍ଟରେ ଏକ ଆବେଦନ କରିଥିଲା, ଯେଉଁଥିରେ କୋର୍ଟ ଏକ ୱାରେଣ୍ଟ ଜାରି କରିଥିଲେ। ଯେତେବେଳେ ମଙ୍ଗଳବାର ଦିନ ରାତି ୧୧.୩୦ ରେ ସିବିଆଇ ତିହାର ଜେଲରେ କେଜ୍ରିୱାଲଙ୍କୁ ଜେରା କରିଥିଲା, ସେତେବେଳେ ସେ ଦେଇଥିବା ଉତ୍ତରରେ ସିବିଆଇ ସନ୍ତୁଷ୍ଟ ହୋଇନଥିଲା। ତେଣୁ ତାଙ୍କୁ…
ନୂଆଦିଲ୍ଲୀ: ବାଚସ୍ପତି ନିର୍ବାଚନ ପୂର୍ବରୁ ପଶ୍ଚିମବଙ୍ଗର ଶାସକ ଦଳ ଟିଏମସିରୁ INDIA ମେଣ୍ଟ ପାଇଁ ଆଶ୍ବସ୍ତିକର ଖବର ଆସିଛି। ବିରୋଧୀ ଦଳର ବାଚସ୍ପତି ପ୍ରାର୍ଥୀ କେ ସୁରେଶଙ୍କୁ ସମର୍ଥନ କରିବ ବୋଲି ଟିଏମସି ସ୍ପଷ୍ଟ କରିଛି। ବାସ୍ତବରେ, ପୂର୍ବରୁ ଟିଏମସି ନେତା ଅଭିଷେକ ବାନାର୍ଜୀ କହିଥିଲେ ଯେ, ତାଙ୍କ ଦଳର ପରାମର୍ଶ ନକରି କଂଗ୍ରେସ କୋଡିକୁନିଲ ସୁରେଶଙ୍କୁ ପ୍ରାର୍ଥୀ କରିଛି। ବାସ୍ତବରେ କେନ୍ଦ୍ର ସରକାର ବାଚସ୍ପତି ପଦ ପାଇଁ ବିରୋଧୀଙ୍କ ସମର୍ଥନ ଲୋଡିଥିଲେ। କିନ୍ତୁ ଉପ ବାଚସ୍ପତି ପଦ ପାଇଁ ବିରୋଧୀ ଦାବି କରୁଥିଲେ। ଏଭଳି ପରିସ୍ଥିତିରେ ଦୁଇ ଦଳ ମଧ୍ୟରେ କୌଣସି ସହମତି ହୋଇପାରି ନଥିଲା ଏବଂ ‘INDIA’ ମେଣ୍ଟ ବାଚସ୍ପତି ପଦ ପାଇଁ ଓମ ବିର୍ଲାଙ୍କ ବିରୋଧରେ ସୁରେଶଙ୍କୁ ପ୍ରାର୍ଥୀ କରିବାକୁ ନିଷ୍ପତ୍ତି ନେଇଥିଲା। କଂଗ୍ରେସ ଏବଂ ଅନ୍ୟ ବିରୋଧୀ ଦଳ କହିଛନ୍ତି ଯେ, ପରମ୍ପରା ଅନୁଯାୟୀ ଲୋକସଭା ଉପ ବାଚସ୍ପତି ପଦବୀ ବିରୋଧୀ ଦଳକୁ ଯିବା ଉଚିତ…
ନୂଆଦିଲ୍ଲୀ: ଟି-୨୦ ବିଶ୍ୱକପ୍ ଶେଷ ପର୍ଯ୍ୟାୟରେ ପହଞ୍ଚିଛି। ଟୁର୍ଣ୍ଣାମେଣ୍ଟର ପ୍ରଥମ ସେମିଫାଇନାଲ ଜୁନ୍ ୨୭ ତାରିଖ ସକାଳେ ଖେଳାଯିବ। ତେବେ ସେହି ରାତିରେ ଦ୍ୱିତୀୟ ସେମିଫାଇନାଲ ଖେଳାଯିବ। ୨୦୨୪ ଟି -୨୦ ବିଶ୍ୱକପର ପ୍ରଥମ ସେମିଫାଇନାଲରେ ଦକ୍ଷିଣ ଆଫ୍ରିକା ଏବଂ ଆଫଗାନିସ୍ତାନ ମଧ୍ୟରେ ସଂଘର୍ଷ ହେବ। ଦ୍ୱିତୀୟ ସେମିଫାଇନାଲ ମ୍ୟାଚ୍ ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯିବ। ସେମିଫାଇନାଲ ମ୍ୟାଚରେ ଟିମ୍ ଇଣ୍ଡିଆର ଖେଳାଳି ଏକାଦଶ କିପରି ଇଂଲଣ୍ଡ ବିପକ୍ଷରେ ହୋଇପାରେ ତାହା ଏଠାରେ ଜାଣନ୍ତୁ…. ଯଶସ୍ଵୀ ଜୟସ୍ଵାଲ ଏବଂ ସଞ୍ଜୁ ସାମସନଙ୍କୁ ସୁଯୋଗ ମିଳିବ କି?: ସେମିଫାଇନାଲ ମ୍ୟାଚରେ କ୍ୟାପଟେନ ରୋହିତ ଶର୍ମା ଏବଂ ବିରାଟ କୋହଲି ମଧ୍ୟ ଇନିଂସ ଆରମ୍ଭ କରିପାରନ୍ତି। ତେବେ କିଙ୍ଗ କୋହଲିଙ୍କ ଫର୍ମ ଦଳ ପାଇଁ ଚିନ୍ତାର ବିଷୟ। ସେ ଏହି ଟୁର୍ଣ୍ଣାମେଣ୍ଟରେ ଏପର୍ଯ୍ୟନ୍ତ ଆଶା ଅନୁଯାୟୀ ପ୍ରଦର୍ଶନ କରିବାରେ ସକ୍ଷମ ହୋଇ ନାହାଁନ୍ତି। ତଥାପି, ଅଧିନାୟକ ରୋହିତ ପୁଣି ଥରେ ସେମିଫାଇନାଲରେ ତାଙ୍କ…
ନୂଆଦିଲ୍ଲୀ: ମଙ୍ଗଳବାର ଏଆଇଏମ୍ଆଇଏମ୍ ନେତା ଅସଦୁଦ୍ଦିନ ଓୱାଇସି ଲୋକସଭା ସଦସ୍ୟ ଭାବରେ ଶପଥ ଗ୍ରହଣ କରିଛନ୍ତି। ଏହି ସମୟରେ ସେ ଜୟ ପାଲେଷ୍ଟାଇନର ସ୍ଲୋଗାନ ଉଠାଇଛନ୍ତି। ଅସଦୁଦ୍ଦିନ ଓୱାଇସିଙ୍କ ବିବୃତ୍ତି ପରେ ଶାସକ ଦଳର ସଦସ୍ୟମାନେ ହଙ୍ଗମା କରିଛନ୍ତି ଏବଂ ଏହାକୁ ରେକର୍ଡରୁ ହଟାଇବାକୁ ମଧ୍ୟ କାର୍ଯ୍ୟକାରୀ ବାଚସ୍ପତି ନିର୍ଦ୍ଦେଶ ଦେଇଛନ୍ତି। ସୂଚନା ଅନୁଯାୟୀ ପଞ୍ଚମ ଥର ପାଇଁ ହାଇଦ୍ରାବାଦରୁ ନିର୍ବାଚିତ ସଦସ୍ୟ ଅସଦୁଦ୍ଦିନ ଓୱାଇସି ଉର୍ଦ୍ଦୁରେ ଶପଥ ନେଇଥିଲେ। ଶପଥ ନେବା ପୂର୍ବରୁ ସେ ପ୍ରାର୍ଥନା କରିଥିଲେ। ତାଙ୍କ ଶପଥ ପରେ ମୁସଲମାନମାନଙ୍କ ପାଇଁ AIMIM ର ସ୍ଲୋଗାନ ଉଠାଇବା ବ୍ୟତୀତ ସେ ତାଙ୍କ ରାଜ୍ୟ ତେଲେଙ୍ଗାନା ଏବଂ ବାବା ସାହେବ ଭୀମ୍ ରାଓ ଆମ୍ବେଦକରଙ୍କ ସପକ୍ଷରେ ସ୍ଲୋଗାନ ଦେଇଥିଲେ। ସେହି ସମୟରେ ଓୱାଇସି ଜୟ ପାଲେଷ୍ଟାଇନର ସ୍ଲୋଗାନ ମଧ୍ୟ ଉଠାଇଥିଲେ। ଏହାକୁ ନେଇ ବିଜେପି ବିଧାୟକ ଟି.ରାଜା ସିଂ ଅସଦୁଦ୍ଦିନ ଓୱାଇସିଙ୍କୁ ଟାର୍ଗେଟ କରିଛନ୍ତି। ସେ କହିଛନ୍ତି ଯଦି…
ନୂଆଦିଲ୍ଲୀ: କ୍ରିକେଟ୍ ପାଇଁ ଡକୱର୍ଥ-ଲୁଇସ୍-ଷ୍ଟର୍ନ (DLS) ନିୟମ ଦେଇଥିବା ଇଂରାଜୀ ପରିସଂଖ୍ୟାନ ବିଶେଷଜ୍ଞ ଫ୍ରାଙ୍କ ଡକୱର୍ଥଙ୍କର ୮୪ ବର୍ଷ ବୟସରେ ଦେହାନ୍ତ ହୋଇଛି। ‘ESPNcricinfo.com’ ର ରିପୋର୍ଟ ଅନୁଯାୟୀ, ଜୁନ୍ ୨୧ ତାରିଖରେ ଡକ୍ୱର୍ଥଙ୍କର ମୃତ୍ୟୁ ହୋଇଥିଲା। ଡକୱର୍ଥ, ତାଙ୍କ ସହଯୋଗୀ ପରିସଂଖ୍ୟାନ ଟନି ଲୁଇସଙ୍କ ସହ DLS ପଦ୍ଧତି ବିକାଶ କରିଥିଲେ। ବର୍ଷା ଦ୍ୱାରା ପ୍ରଭାବିତ ମ୍ୟାଚ୍ ପାଇଁ ଏହି ନିୟମ ବ୍ୟବହୃତ ହୁଏ। ୧୯୯୭ ମସିହାରେ କ୍ରିକେଟ୍ ମ୍ୟାଚ୍ ରେ ପ୍ରଥମ ଥର ପାଇଁ DLS ପଦ୍ଧତି ଲାଗୁ କରାଯାଇଥିଲା। ଚାରି ବର୍ଷ ପରେ, ଅର୍ଥାତ୍ ୨୦୦୧ ରେ ଆନ୍ତର୍ଜାତୀୟ କ୍ରିକେଟ୍ ଆସୋସିଏସନ୍ (ଆଇସିସି) ଏହାକୁ ସବୁଜ ସଙ୍କେତ ଦେଇଥିଲା। ଫ୍ରାଙ୍କ ଡକୱର୍ଥ ଏବଂ ଟନି ଲୁଇସଙ୍କ ଅବସର ପରେ ଅଷ୍ଟ୍ରେଲୀୟ ପରିସଂଖ୍ୟାନ ବିଶେଷଜ୍ଞ ଷ୍ଟିଭେନ୍ ଷ୍ଟର୍ନ ଏହି ପଦ୍ଧତିରେ କିଛି ଉନ୍ନତି କରିଥିଲେ। ଏହି କାରଣରୁ ଏହି ନିୟମର ନାମ ଡକ୍ୱର୍ଥ-ଲୁଇସ୍-ଷ୍ଟର୍ନ ରଖାଗଲା। ଡକ୍ୱର୍ଥ ଏବଂ ଲୁଇସ୍…
ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନର ଫଳାଫଳ ପରେ ନୂଆ ସରକାର ଗଠନ କରାଯାଇଛି। ଏହା ପରେ ଗୃହରେ ବିରୋଧୀ ଦଳର ନେତା କିଏ ହେବେ ସେନେଇ ନିରନ୍ତର ଆଲୋଚନା ହୋଇଛି। ବର୍ତ୍ତମାନ ଏହି ଆଲୋଚନା ମଧ୍ୟ ଶେଷ ହୋଇଛି ଏବଂ ଉତ୍ତରପ୍ରଦେଶର ରାୟବରେଲି ଲୋକସଭା ଆସନରୁ ସାଂସଦ ତଥା କଂଗ୍ରେସ ନେତା ରାହୁଲ ଗାନ୍ଧୀ ଲୋକସଭାରେ ବିରୋଧୀ ଦଳର ନେତା ହେବେ। କଂଗ୍ରେସ ପାର୍ଟି ଏହା ଘୋଷଣା କରିଛି। କଂଗ୍ରେସର ସାଧାରଣ ସମ୍ପାଦକ କେ.ସି ଭେନୁଗୋପାଲ କହିଛନ୍ତି ଯେ, ରାହୁଲ ଗାନ୍ଧୀ ଲୋକସଭାରେ ବିରୋଧୀ ଦଳର ନେତା ହେବେ। କଂଗ୍ରେସ ବୈଠକରେ ଏହି ନିଷ୍ପତ୍ତି ନିଆଯାଇଛି। ଏହି ପରିପ୍ରେକ୍ଷୀରେ କଂଗ୍ରେସ ସଂସଦୀୟ ଦଳର ଅଧ୍ୟକ୍ଷ ସୋନିଆ ଗାନ୍ଧୀ କାର୍ଯ୍ୟକାରୀ ବାଚସ୍ପତିଙ୍କୁ ଏକ ଚିଠି ଲେଖି ସୂଚନା ଦେଇଛନ୍ତି। ଭେନୁଗୋପାଲ କହିଛନ୍ତି ଯେ, ଅସ୍ଥାୟୀ ବାଚସ୍ପତି ଭର୍ତ୍ତୁହରି ମହତାବଙ୍କୁ ଏକ ଚିଠି ଲେଖି ରାହୁଲ ଗାନ୍ଧୀଙ୍କୁ ଲୋକସଭାରେ ବିରୋଧୀ ଦଳର ନେତା ଭାବରେ…
ମେଷ: – ଆଜି ଏହି ରାଶିର ବ୍ୟକ୍ତିମାନଙ୍କୁ ସେମାନଙ୍କର ଭୟଙ୍କର ପ୍ରକୃତି ଉପରେ ସଂଯମତା ରଖିବାକୁ ପରାମର୍ଶ ଦିଆଯାଇଛି । ଆଜି ଆପଣ ମାନସିକ କ୍ଲାନ୍ତ ଅନୁଭବ କରିପାରନ୍ତି ଏବଂ ପରିଶ୍ରମ କରିବା ସତ୍ବେ ଫଳାଫଳ କମ୍ ହେବ । ଆପଣ ନିଜ ପିଲା ବିଷୟରେ ଚିନ୍ତିତ ହୋଇପାରନ୍ତି । ଅଧିକ ବ୍ୟସ୍ତତା ହେତୁ ଆପଣ ପରିବାରକୁ କମ୍ ସମୟ ଦେବେ, କିନ୍ତୁ ଆପଣ କାର୍ଯ୍ୟରେ ସଫଳତା ପାଇବେ । ପେଟ ଯନ୍ତ୍ରଣା ହେବାର ସମସ୍ୟା ହୋଇପାରେ । ବୃଷ: – ଦିନ ଆରମ୍ଭରେ, ଆପଣଙ୍କର ମାନସିକ ସମସ୍ୟା ହୋଇପାରେ । ଅସ୍ଥିରତା ଆପଣଙ୍କ ଶରୀର ଉପରେ ପ୍ରତିକୂଳ ପ୍ରଭାବ ପକାଇବ । ଶରୀରରେ କୌଣସି ଅସୁବିଧା ହେବ ନାହିଁ, ତଥାପି ଆପଣ ଅସ୍ଥିରତା ଅନୁଭବ କରିବେ । ପରିବାର ସଦସ୍ୟଙ୍କ ସ୍ୱାସ୍ଥ୍ୟ ବିଷୟରେ ଚିନ୍ତିତ ହୋଇପାରନ୍ତି । ଛାତ୍ରମାନେ ପଢିବା ଏବଂ ଲେଖିବାରେ କମ୍ ସମୟ ନେବେ । ମିଥୁନ: – ଆଜି ମଧ୍ୟମ…
ଭୁବନେଶ୍ୱର: ଏକକାଳୀନ ସାଧାରଣ ନିର୍ବାଚନ-୨୦୨୪ରେ ନିର୍ବାଚନ କାର୍ଯ୍ୟରେ ଥିବାବେଳେ ମୃତ୍ୟୁବରଣ କରିଥିବା ବିଭିନ୍ନ କର୍ମଚାରୀଙ୍କ ଆଇନ ଅନୁମୋଦିତ ଉତ୍ତରାଧିକାରୀଙ୍କୁ ୧୫ ଲକ୍ଷ ଟଙ୍କାର ଅନୁକମ୍ପା ରାଶିକୁ ମୁଖ୍ୟ ନିର୍ବାଚନ ଅଧିକାରୀ ନିକୁଞ୍ଜ ବିହାରୀ ଧଳ ମଞ୍ଜୁରୀ ପ୍ରଦାନ କରିଛନ୍ତି। ଉକ୍ତ ମୃତ କର୍ମଚାରୀମାନେ ହେଲେ ନବରଙ୍ଗପୁର ଜିଲ୍ଲାର ସ୍ୱର୍ଗତ ଅଲେଖ ରନ୍ଧାରି, ଦେବଗଡ଼ ଜିଲ୍ଲାର ସ୍ୱର୍ଗତ ପ୍ରସନ୍ନ କୁମାର ପ୍ରଧାନ, ବରଗଡ଼ ଜିଲ୍ଲାର ସ୍ୱର୍ଗତ ଗୁଣନିଧି ସାହୁ ଓ ସ୍ୱର୍ଗତ କବଲରାମ ଯାଦବ, ନୂଆପଡ଼ା ଜିଲ୍ଲାର ପ୍ରସନ୍ନ କୁମାର ନାଏକ, ଗଜପତି ଜିଲ୍ଲାର ସ୍ୱର୍ଗତ ସନ୍ତୋଷ କୁମାର ପାତ୍ର। ଉକ୍ତ ସମସ୍ତ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇବା ସହ ଯଥାଶୀଘ୍ର ବିଧିମତେ ଅନୁକମ୍ପା ରାଶି ପ୍ରଦାନ କରିବା ପାଇଁ ଶ୍ରୀ ଧଳ ସଂପୃକ୍ତ ଜିଲ୍ଲାର ଜିଲ୍ଲାପାଳ ତଥା ଜିଲ୍ଲା ନିର୍ବାଚନ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି। ସେହିଭଳି ନିର୍ବାଚନ କାର୍ଯ୍ୟରୁ ଫେରିବାବେଳେ ଆହତ ହୋଇଥିବା ଖୋର୍ଦ୍ଧା ଜିଲ୍ଲାର ସନ୍ତୋଷ କୁମାର ରାଉତଙ୍କୁ ମଧ୍ୟ…
ଭୁବନେଶ୍ଵର: ସବୁଦିନ ପରି ଆଜି ମଧ୍ୟ ମୁଖ୍ୟମନ୍ତ୍ରୀଙ୍କ ଅସ୍ଥାୟୀ କାର୍ଯ୍ୟାଳୟ ରାଜ୍ୟ ଅତିଥି ଭବନ ପରିସରରେ ପ୍ରାୟ ଏକ ହଜାର ଲୋକଙ୍କ ସମାବେଶ। ସମସ୍ତେ ଅପେକ୍ଷା କରିଥିଲେ ମୁଖ୍ୟମନ୍ତ୍ରୀ ସେମାନଙ୍କ ସମସ୍ୟା ଶୁଣିବେ ଓ ଅଭିଯୋଗ ପତ୍ର ଗ୍ରହଣ କରିବେ। ସକାଳର ବ୍ୟସ୍ତ ବହୁଳ କାର୍ଯ୍ୟକ୍ରମ ପରେ ମଧ୍ୟାହ୍ନ ଠାରୁ ବିଳମ୍ବିତ ସନ୍ଧ୍ୟା ପର୍ଯ୍ୟନ୍ତ ମୁଖ୍ୟମନ୍ତ୍ରୀ ଲୋକଙ୍କ ପାଇଁ ସମୟ ରଖିଥିଲେ। ଲୋକମାନେ ମଧ୍ୟ ଧାଡି ବାନ୍ଧି ଶୃଙ୍ଖଳିତ ଭାବେ ମୁଖ୍ୟମନ୍ତ୍ରୀଙ୍କୁ ଅପେକ୍ଷା କରି ରହିଥିଲେ। ମୁଖ୍ୟମନ୍ତ୍ରୀ ନିଜେ ଆସି ଜଣ ଜଣ କରି ଲୋକଙ୍କର ସମସ୍ୟା ଶୁଣିଥିଲେ ଓ ଲୋକଙ୍କଠାରୁ ଅଭିଯୋଗ ପତ୍ର ଗ୍ରହଣ କରିଥିଲେ। ସମସ୍ତଙ୍କ ସମସ୍ୟାକୁ ଗୁରତ୍ଵ ଦେଇ ମୁଖ୍ୟମନ୍ତ୍ରୀ ଶୁଣୁଥିଲେ। ଲୋକଙ୍କ ମଧ୍ୟରୁ ନୟାଗଡ଼ରୁ ଆସିଥିବା ଉର୍ମିଳା ସାହୁ। ସମସ୍ୟା ବିଷୟରେ ମୁଖ୍ୟମନ୍ତ୍ରୀଙ୍କୁ କହିଲା ବେଳେ ଭାବବିହ୍ଵଳ ହୋଇ ଅସୁସ୍ଥ ଅନୁଭବ କଲେ। ମୁଖ୍ୟମନ୍ତ୍ରୀ ସଙ୍ଗେ ସଙ୍ଗେ ନିଜ ହାତରେ ତାଙ୍କୁ ପାଣି ପିଆଇ ପ୍ରକୃସ୍ଥିତ…
ଭୁବନେଶ୍ୱର: ଅଖିଳ ଭାରତୀୟ ଅଘ୍ରିଆ ସମାଜର ପ୍ରତିନିଧି ମାନେ ଆଜି ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଭେଟି ଅଭିନନ୍ଦନ ଜଣାଇବା ସହ ସେମାନଙ୍କର ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରିଛନ୍ତି। ସେମାନେ କହିଥିଲେ ଯେ ତାଙ୍କ ସମାଜର ବିଭିନ୍ନ କର୍ମ କର୍ତ୍ତା ଓ ବ୍ୟକ୍ତି ବିଶେଷ ଅନେକ କାମରେ ରାଜଧାନୀକୁ ଆସିଥାନ୍ତି। ଏଥିପାଇଁ ସେମାନଙ୍କୁ ଭୁବନେଶ୍ବରରେ ଏକ ଜାଗା ଆବଶ୍ୟକ । ପୂର୍ବ ସରକାର ଏଥିପାଇଁ ବ୍ୟବସ୍ଥା କରିଥିବା ବିଷୟରେ କହିଥିଲେ ମଧ୍ୟ ସେମାନେ କୌଣସି ଜାଗା ପାଇ ନାହାନ୍ତି। ତେଣୁ ମୁଖ୍ୟମନ୍ତ୍ରୀ ଏଥିପାଇଁ ବ୍ୟବସ୍ଥା କରିବାକୁ ସେମାନେ ଅନୁରୋଧ କରିଥିଲେ। ମୁଖ୍ୟମନ୍ତ୍ରୀ କହିଥିଲେ ଯେ ସେମାନଙ୍କ ସମସ୍ୟା ବିଷୟରେ ଅନୁଧ୍ୟାନ କରାଯାଇ ସେମାନଙ୍କ ସମସ୍ୟାର ସମାଧାନ ପାଇଁ ଉପଯୁକ୍ତ ପଦକ୍ଷେପ ନିଆଯିବ। ମୁଖ୍ୟମନ୍ତ୍ରୀଙ୍କ ଆଶ୍ଵାସନା ପାଇ ସେମାନେ ମୁଖ୍ୟମନ୍ତ୍ରୀଙ୍କ ଧନ୍ୟବାଦ୍ ଦେବା ସହିତ କୃତଜ୍ଞତା ପ୍ରକାଶ କରିଥିଲେ। ଏହି ଆଲୋଚନାରେ ଅଘ୍ରିଆ ସମାଜ ପକ୍ଷରୁ ପ୍ରାୟ ୫୦ ରୁ ଅଧିକ…
ନୂଆଦିଲ୍ଲୀ: ସଂସଦର ସ୍ୱତନ୍ତ୍ର ଅଧିବେଶନରେ ଲୋକସଭା ବାଚସ୍ପତି ନିର୍ବାଚନ ଅନୁଷ୍ଠିତ ହେବ। ଶାସକ ଦଳ ଏବଂ ବିରୋଧୀ ଦଳ ମଧ୍ୟରେ ଏ ସମ୍ପର୍କରେ ବିବାଦ ଲାଗି ରହିଛି। ଆସନ୍ତାକାଲି ଅର୍ଥାତ୍ ବୁଧବାର ଦିନ ଏହି ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଏହି କ୍ରମରେ କଂଗ୍ରେସ ଲୋକସଭାରେ ନିଜର ସାଂସଦମାନଙ୍କୁ ଆସନ୍ତାକାଲି ଗୃହରେ ଉପସ୍ଥିତ ରହିବାକୁ କହିଛି। କଂଗ୍ରେସ ସଂସଦୀୟ ଦଳ ପକ୍ଷରୁ ସାଂସଦମାନଙ୍କୁ ଲେଖାଯାଇଥିବା ଚିଠିରେ କୁହାଯାଇଛି ଯେ, “ଆସନ୍ତାକାଲି ଲୋକସଭାରେ ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉଠାଯିବ। ଲୋକସଭାରେ କଂଗ୍ରେସ ଦଳର ସମସ୍ତ ସଦସ୍ୟ ଉପସ୍ଥିତ ରହିବାକୁ ଅନୁରୋଧ। ସକାଳ ୧୧ ଟାରୁ ଗୃହ ମୁଲତବୀ ପର୍ଯ୍ୟନ୍ତ ଗୃହରେ ଉପସ୍ଥିତ ରହିବା ପାଇଁ କୁହାଯାଇଛି। ଏହି ବାର୍ତ୍ତା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯିବା ଉଚିତ୍। କଂଗ୍ରେସର ଏହି ହ୍ଵିପ କେ ସୁରେଶଙ୍କ ଦ୍ଵାରା ଜାରି କରାଯାଇଛି, ଯିଏକି ବିରୋଧୀ ଦଳର ଲୋକସଭା ବାଚସ୍ପତି ପ୍ରାର୍ଥୀ ଅଟନ୍ତି। ସେହିଭଳି ବିଜେପି ଏହାର…