ଗାଜାର ଆତଙ୍କବାଦୀ ମାନେ ଇସ୍ରାଏଲ ଉପରେ ଆକ୍ରମଣ କରିବା ପରେ ଇସ୍ରାଏଲୀ ସେନାବାହିନୀ ପକ୍ଷରୁ ଗାଜା ଉପରେ ଆକ୍ରମଣ କରାଯାଇଛି। ବୁଧବାର ରାତିରେ ଇସ୍ରାଏଲ୍ର ଦକ୍ଷିଣ ଭାଗରେ ଆତଙ୍କୀ ମାନେ ଏକ ରକେଟ ମାଡ କରିଥିଲେ। ଗୁରୁବାର ସକାଳୁ ଇସ୍ରାଏଲ୍ ପକ୍ଷରୁ ବିମାନ ଆକ୍ରମଣ କରାଯାଇଥିଲା। ଗାଜାରେ ରହିଥିବା ବିଭିନ୍ନ ଭୂତଳ ଆଡ୍ଡା ଉପରେ ବିମାନ ଆକ୍ରମଣ କରାଯାଇ ଏହାକୁ ନଷ୍ଟ କରି ଦିଆଯାଇଛି ବୋଲି ଇସ୍ରାଏଲୀ ସେନା ପକ୍ଷରୁ କୁହାଯାଇଛି। ମେ ମାସ ପରଠାରୁ ଏହା ଉଭୟ ରାଷ୍ଟ୍ର ମଧ୍ୟରେ ୧୧ ଥର ନିୟନ୍ତ୍ରଣ ରେଖା ଉଲ୍ଲଂଘନ କରାଯାଇଛି। ଏହି ଆକ୍ରମଣ ପରେ ପାଲେଷ୍ଟାଇନ୍ ମତ୍ସ୍ୟଜୀବିଙ୍କ ପାଇଁ ଉଦ୍ଦିଷ୍ଟ ଜଳକୁ ବନ୍ଦ କରି ଦେଇଛି ଇସ୍ରାଏଲ୍।
Author: Samikhsya Bureau
ସର୍ବୋଚ୍ଚ କୋର୍ଟ ବୁଧବାର ଦିନ ସମଲିଙ୍ଗୀ ବିବାହକୁ ମଞ୍ଜୁରୀ ପ୍ରଦାନ କରିଛନ୍ତି। ଏହା ସହିତ ଚତୁର୍ଥ ଦକ୍ଷିଣ ଆମେରିକୀୟ ରାଷ୍ଟ୍ର ଭାବରେ ଏହି ବିବାହ ବ୍ୟବସ୍ଥାକୁ ମଞ୍ଜୁରୀ ପ୍ରଦାନ କରିଛି ଇକ୍ବେଡର। ପୂର୍ବରୁ ଆର୍ଜେଣ୍ଟିନା, ବ୍ରାଜିଲ ଏବଂ କଲମ୍ବିଆ ମଧ୍ୟ ସମଲିଙ୍ଗୀ ବିବାହକୁ ସ୍ବୀକୃତୀ ଦେଇ ସାରିଛନ୍ତି। ସର୍ବୋଚ୍ଚ କୋର୍ଟ ପକ୍ଷରୁ ୯ ଜଣ ବିଚାରପତି ଏହି ମାମଲାର ରାୟ ପ୍ରକାଶ କରିଥିଲେ। ୫ ଜଣ ବିଚାରପତି ଏହା ସପକ୍ଷରେ ମତ ଦେଇଥିବା ବେଳେ ୪ ଜଣ ଏହା ବିପକ୍ଷରେ ମତ ଦେଇଥିଲେ। ଏହି ପ୍ରକ୍ରିୟା ସହିତ ସମସ୍ତ ବ୍ୟକ୍ତିଙ୍କୁ ସମାନ ଅଧିକାର ପ୍ରଦାନ କରାଯିବ ବୋଲି ଓକିଲ କ୍ରିଷ୍ଟିଆନ ପଉଲା ପ୍ରକାଶ କରିଛନ୍ତି। ସୂଚନାଯୋଗ୍ୟ ଯେ, ୨୦୧୫ରୁ ଇକ୍ବେଡରରେ ସମଲିଙ୍ଗୀ ବିବାହକୁ ସ୍ବୀକୃତୀ ଦେବା ପାଇଁ ଆନ୍ଦୋଳନ ଚାଲିଥିଲା।
ତେଲେଙ୍ଗାନାର ୧୨ ଜଣ କଂଗ୍ରେସ ବିଧାୟକ ଦଳ ଛାଡି ତେଲେଙ୍ଗାନା ରାଷ୍ଟ୍ର ସମିତିରେ ଯୋଗ ଦେଇଥିଲେ। ବିଧାୟକଙ୍କ ଯୋଗଦାନକୁ କଂଗ୍ରେସ ପକ୍ଷରୁ ସମାଲୋଚନା କରାଯିବା ସହିତ ବିଧାୟକ ମାନଙ୍କୁ ଅର୍ଥ ଲୋଭ ଦେଖାଇ ଏବଂ ଡରାଇ ଏପରି କରାଯାଇଛି ବୋଲି ଅଭିଯୋଗ କରାଯାଇଥିଲା। ଏହା ଉପରେ ପୂର୍ବତନ କଂଗ୍ରେସ ନେତା ଗନ୍ଦ୍ରା ଭେଙ୍କଟରମଣ ରେଡ୍ଡୀ ପ୍ରତିକ୍ରିୟା ପ୍ରକାଶ କରିଛନ୍ତି। ବିଧାୟକ ମାନେ ମେଣ୍ଢା କିମ୍ବା ମଇଁଷି ନୁହନ୍ତି ଯେ ସେମାନଙ୍କର ବେପାର କରାଯିବ। ନିଜ ଇଚ୍ଛାରେ ଆମ୍ଭେ ଦଳ ପରିବର୍ତ୍ତନ କରିଛୁ। ତେଣୁ ଏଥିରେ ଅର୍ଥ ଲୋଭ କିମ୍ବା ଧମକର କୌଣସି ସମ୍ଭାବନା ନାହିଁ ବୋଲି କହିଛନ୍ତି ରେଡ୍ଡୀ। ସେ କହିଛନ୍ତି କୌଣସି ଦଳର ଦୁଇ ତୃତୀୟାଂଶ ବିଧାୟକ ଚାହିଁଲେ ଶାସକ ଦଳରେ ଯୋଗ ଦେଇ ପାରିବେ। ସମ୍ବିଧାନ ଅନୁଯାୟୀ ଆମେ ଦଳ ପରିବର୍ତ୍ତନ କରିଛୁ ତେଣୁ ଏହା ଉପରେ ଅଯଥା ବିବାଦ ସୃଷ୍ଟି କରାଯିବା ଅନୁଚିତ। ସୂଚନାଯୋଗ୍ୟ ଯେ, ମଙ୍ଗଳବାର…
କେଦାର ମିଶ୍ର ମନ୍ତ୍ରିମଣ୍ଡଳ ଗଠନ ପରେ ସବୁଠୁ ଅଧିକ ଚର୍ଚ୍ଚା ହୁଏ ଲୋକସଭାର ବାଚସ୍ପତି କିଏ ହେବେ। କାରଣ ରାଷ୍ଟ୍ରପତି ଓ ଉପ ରାଷ୍ଟ୍ରପତିଙ୍କ ପରେ ସଂସଦୀୟ ପରମ୍ପରାରେ ବାଚସ୍ପତି ହେଉଛନ୍ତି ତୃତୀୟ ଗୁରୁତ୍ୱପୂର୍ଣ୍ଣ ପଦବୀ। ସଂସଦୀୟ ଓ ସାମ୍ବିଧାନିକ ନିଷ୍ପତ୍ତି କ୍ଷେତ୍ରରେ ବାଚସ୍ପତି ପଦବୀ ର ବିଶେଷ ମହତ୍ତ୍ଵ ରହିଛି। ଯଦିଓ ସରକାରୀ ଦଳ ହାତକୁ ସବୁବେଳେ ବାଚସ୍ପତି ପଦ ଯାଇଛି, ହେଲେ ବାଚସ୍ପତି ଦଳୀୟ ସୀମାରୁ ଉପରକୁ ଯାଇ କାମ କରିବାର ଏକ ମହାନ ପରମ୍ପରା ମଧ୍ୟ ଆମ ଗଣତନ୍ତ୍ରରେ ରହିଛି। ବାଚସ୍ପତି ପରମ୍ପରାରେ ଗଣେଶ ବାସୁଦେବ ମାଭଲଙ୍କର, କେ.ଏସ.ହେଗଡେ, ରବି ରାୟ, ପୂର୍ଣ୍ଣ ଏ ସାଙ୍ଗମା ଓ ସୋମନାଥ ଚାଟାର୍ଜୀଙ୍କ ନାମ ଅତ୍ୟନ୍ତ ଶ୍ରଦ୍ଧାର ସହିତ ନିଆ ଯାଇପାରିବ। ତେବେ ଶାସକ ଦଳର ହାତବାରିସି ହୋଇ ବାଚସ୍ପତି ପରମ୍ପରା ପ୍ରତି କୁଠାରାଘାତ ମଧ୍ୟ କମ ହୋଇନାହିଁ। ଆଜି ବାଚସ୍ପତି ନିର୍ବାଚନକୁ ନେଇ ଖୁବ ବେଶୀ ଚର୍ଚ୍ଚା ହେଉନାହିଁ।…
ଉତ୍ତର ପ୍ରଦେଶ ବାର୍ କାଉନ୍ସିଲ୍ ସଭାପତି ଦର୍ବେଶ ଯାଦବଙ୍କୁ ଗୁଳି କରି ହତ୍ୟା କରାଯାଇଛି। ଜନୈକ ସହଯୋଗୀ ଓକିଲଙ୍କ ଗୁଳିମାଡରେ ଆଗ୍ରା ଜିଲ୍ଳା କୋର୍ଟ ପରିସରରେ ପ୍ରାଣ ହରାଇଛନ୍ତି ଦର୍ବେଶ। ମନୀଷ ଶର୍ମା ନାମକ ଏହି ଓକିଲ ଜଣକ ପ୍ରଥମେ ଦର୍ବେଶଙ୍କୁ ଗୁଳି କରି ହତ୍ୟା କରିବା ପରେ ନିଗକୁ ଗୁଳି କରି ଆତ୍ମହତ୍ୟା ଉଦ୍ୟମ କରିଥିଲେ । ଉଭୟଙ୍କୁ ପୁଷ୍ପାଞ୍ଜଳି ହସ୍ପିଟାଲକୁ ତୁରନ୍ତ ନିଆଯାଇଥିଲା। ହସ୍ପିଟାଲରେ ଦର୍ବେଶଙ୍କୁ ମୃତ ଘୋଷିତ କରାଯାଇଥିବା ବେଳେ ମନୀଷଙ୍କ ଅବସ୍ଥା ଗୁରୁତର ରହିଛି। ଦୁଇ ଦିନ ପୂର୍ବରୁ ସଭାପତି ନିର୍ବାଚିତ ହୋଇଥିବା ଶ୍ରୀମତି ଦର୍ବେଶ ଯାଦବଙ୍କୁ ସମ୍ବର୍ଦ୍ଧନା ପ୍ରଦାନ ପାଇଁ ବୁଧବାର ଅନୁଷ୍ଠିତ ଏହି ଉତ୍ସବରେ ମନୀଷ ତାଙ୍କୁ ତିନି ଥର ଗୁଳି ମାଡ କରିଥିଲେ। ଗୁଳିମାଡର କାରଣ ଜଣା ପଡିନଥିଲେ ମଧ୍ୟ ଏହା ପଛରେ ବାର୍ କାଉନ୍ସିଲ୍ ନିର୍ବାଚନ ରହିଥିବା ନେଇ ଆଶଙ୍କା ପ୍ରକାଶ ପାଇଛି। ସୂଚନାଯୋଗ୍ୟ ଯେ, ଦୁଇ ଦିନ ପୂର୍ବରୁ…
ଭୟଙ୍କର ରୂପ ନେଇଥିବା ସାମୁଦ୍ରିକ ଝଡ ବାୟୁ ଗୁଜୁରାଟ ମଧ୍ୟ ଦେଇ ପ୍ରବେଶ କରିବ ନାହିଁ ବୋଲି ଜଣା ପଡିଛି। ଏହା ଭେରାଭାଲ, ପୋରବନ୍ଦର ଏବଂ ଦ୍ବାରକା ନିକଟ ଦେଇ ଯିବ ବୋଲି ଏମ୍ଇଟି ବିଭାଗ ପକ୍ଷରୁ ପ୍ରକାଶ କରାଯାଇଛି। ଏହା ପ୍ରଭାବରେ ଉପରୋକ୍ତ ତିନି ସହରରେ ବର୍ଷା ଏବଂ ପବନ ହେବ ବୋଲି ମଧ୍ୟ କୁହାଯାଇଛି। ଏଡି ଝଡ ପ୍ରଭାବରେ ପଶ୍ଚକିମ ରେଳବାଇ ପକ୍ଷରୁ ୭୦ଟି ଟ୍ରେନ୍ ଚଳାଚଳ ବନ୍ଦ କରାଯାଇଛି। ଗୁଜୁରାଟର ପଶ୍ଚିମ ଉପକୂଳରେ ଆସନ୍ତା ୨୪ରୁ ୪୮ ଘଣ୍ଟା ପର୍ଯ୍ୟନ୍ତ ବର୍ଷା ଏବଂ ପବନ ହେବ ବୋଲି ମଧ୍ୟ ଏମ୍ଇଟି ପକ୍ଷରୁ ପ୍ରକାଶ କରାଯାଇଛି। ଉଲ୍ଲେଖଯୋଗ୍ୟ ଯେ, ଏହି ବାତ୍ୟା ପାଇଁ ଗୁଜରାଟ ଏବଂ ଡିଉରୁ ୩ ଲକ୍ଷ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିଲା। ଏତଦବ୍ୟତିତ ଏନ୍ଡିଆରଏଫ୍ର ୫୨ଟି ଟିମ୍ ମଧ୍ୟ ଗୁଜରାଟରେ ଉପସ୍ଥିତ ଥିଲେ।
ଅଷ୍ଟ୍ରେଲିଆ ଏବଂ ପାକିସ୍ତାନ ମଧ୍ୟରେ ଅନୁଷ୍ଠିତ ହୋଇଥିଲା ୨୦୧୯ ବିଶ୍ୱକପ କ୍ରିକେଟର ୧୭ ତମ ମ୍ୟାଚ। ଏହି ମ୍ୟାଚରେ ପାକିସ୍ତାନ ଟସ ଜିଣି ଅଷ୍ଟ୍ରେଲିଆକୁ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା। ଅଷ୍ଟ୍ରେଲିଆ ଦଳ ପ୍ରଥମେ ବ୍ୟାଟିଂ କରି ୪୯ ଓଭରରେ ସମସ୍ତ ଓ୍ବିକେଟ୍ ହରାଇ ୩୦୭ ରନ କରିଥିଲା। ୩୦୮ ରନର ବିଶାଳ ଲକ୍ଷ୍ୟର ପିଛା କରି ପାକିସ୍ତାନ ମାତ୍ର ୪୫.୪ ଓଭରରେ କେଵଳ ୨୬୬ ରନ କରିବାରେ ସକ୍ଷମ ହୋଇଥିଲା। ଅଷ୍ଟ୍ରେଲିଆ ପକ୍ଷରୁ ଦୁଇ ପ୍ରାରମ୍ଭିକ ଯୋଡି ୱାର୍ଣ୍ଣର ଏବଂ ଅଧିନାୟକ ଫିଞ୍ଚ ପ୍ରଥମ ଉଇକେଟ ପାଇଁ ୧୪୬ ରନ ସଂଗ୍ରହ କରିଥିଲେ। ୧ ବର୍ଷର ବାସନ୍ଦାଦେଶ ପରେ ପ୍ରତ୍ୟାବର୍ତ୍ତନ କରିଥିବା ଓ୍ବାର୍ଣ୍ଣର ୧୧୧ ବଲରେ ୧୦୭ରନ ସଂଗ୍ରହ କରିଥିଲେ। ଅନ୍ୟ ମାନଙ୍କ ମଧ୍ୟରେ ଅଧିନାୟକ ଆରୋନ ଫିଞ୍ଚ ୮୪ ବଲରେ ୮୨ ରନର ଏକ ଦମଦାର ପାଳି ଖେଳିଥିଲେ। ସେହିପରି ପାକିସ୍ତାନ ପକ୍ଷରୁ ଆମିର ମିତବ୍ୟୟୀ ବୋଲିଂ କରି ୧୦…
ଆଜି ଭୁବନେଶ୍ୱରରେ ଶ୍ରୀମନ୍ଦିର ସୁରକ୍ଷା ସମ୍ପର୍କିତ ବୈଠକ ଅନୁଷ୍ଠିତ ହୋଇଛି। ଶ୍ରୀମନ୍ଦିର ମରାମତି ଏବଂ ଘୋଷଯାତ୍ରାକୁ ନେଇ ଏହି ବୈଠକ ଅନୁଷ୍ଠିତ ହୋଇଥିଲା। ତେବେ ଘୋଷଯାତ୍ରା ସମୟରେ ଶ୍ରୀମନ୍ଦିର ଭିତର ମରାମତି କାର୍ଯ୍ୟ ହେବ ବୋଲି ବୈଠକ ଶେଷରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ସୂଚନା ଦେଇଛନ୍ତି। ଜୁଲାଇ ୫ ଓ ୬ରେ ଏଏସଆଇ ଟିମ ଗର୍ଭଗୃହ ଅନୁଧ୍ୟାନ କରିବେ। ୧୪ ତାରିଖ ସନ୍ଧ୍ୟା ସୁଦ୍ଧା ମରାମତି ସାରିବାକୁ ଏଏସଆଇକୁ ନିର୍ଦ୍ଦେଶ ଦିଆଯାଇଛି। ୧୬ ତାରିଖରେ ଜୟବିଜୟ ମୂର୍ତ୍ତି ସଂସ୍ଥାପନ କରାଯିବ।
ଜମ୍ମୁକାଶ୍ମୀରରେ ଅନନ୍ତନାଗରେ ଆତଙ୍କୀ ହମ୍ଲାରେ ସିଆରପିଏଫ୍ର ୫ଜଣ ଯବାନ ଶହୀଦ୍ ହୋଇଛନ୍ତି। ଏହି ଆକ୍ରମଣରେ ୩ଜଣ ଗୁରୁତର ଆହତ ହୋଇଛନ୍ତି। ଏହି ଆହତଙ୍କ ମଧ୍ୟରେ ଜଣେ ମହିଳା ରହିଛନ୍ତି। ଅନନ୍ତ ନାଗରେ ସିଆରଏପଏଫ୍ ଓ ପୁଲିସ୍ ଟିମ୍ ଉପରେ ଆତଙ୍କୀ ଆକ୍ରମଣ ହୋଇଛି। ଅନ୍ୟପକ୍ଷରେ ସୁରକ୍ଷାକର୍ମୀଙ୍କ ପାଲଟା ଆକ୍ରମଣରେ ଜଣେ ଆତଙ୍କବାଦୀ ନିହତ ହୋଇଛି। ଏହି ହମ୍ଲାରେ ଦୁଇ ଜଣ ଆତଙ୍କବାଦୀ ସାମିଲ ଥିଲେ। ସିଆରପିଏଫ୍ ଓ ପୁଲିସ୍ ପକ୍ଷରୁ ମିଳିତ ଭାବେ ପାଟ୍ରୋଲିଂ ଚାଲିଥିବା ବେଳେ ଦୁଇ ଜଣ ଆତଙ୍କବାଦୀ ସେଠାରେ ବାଇକ୍ ଯୋଗେ ପହଞ୍ଚି ଆଖିବୁଜା ଗୁଳିମାଡ଼ କରିଥିଲେ। ଦୀର୍ଘ ସମୟ ଧରି ଚାଲିଥିବା ଗୁଳି ବିନିମୟରେ ଜଣେ ଯବାନ ସହିଦ ହୋଇଥିବା ବେଳେ ଆହତ ଅନ୍ୟ ୫ ଜଣଙ୍କୁ ନିକଟସ୍ଥ ହସ୍ପିଟାଲ୍ରେ ଭର୍ତ୍ତି କରାଯାଇଥିବା ସେନା ପକ୍ଷରୁ ସୂଚନା ଦିଆଯାଇଛି।
ନେପାଳରେ ପ୍ରାଣ ହରାଇଥିବା ଦୁଇ ଓଡିଆ ପର୍ଯ୍ୟଟକଙ୍କ ମୃତଦେହ ଫେରାଇ ଆଣିବାକୁ ବୈଦେଶିକ ମନ୍ତ୍ରୀଙ୍କୁ ଚିଠି ଲେଖିଛନ୍ତି ବିଜେପି ଜାତୀୟ ମୁଖପାତ୍ର ସମ୍ବିତ ପାତ୍ର । ସମ୍ବିତ ଏସ. ଜୟଶଙ୍କରଙ୍କୁ ମୃତ୍ୟୁବରଣ କରିଥିବା ବିଜୟ ଜେନା, ଚରଣ ବିଶ୍ୱାଳଙ୍କ ମୃତଦେହ ଫେରାଇ ଆଣିବା ପାଇଁ ଚିଠିରେ ଅନୁରୋଧ କରିଛନ୍ତି। ଗତ ୧୦ ତାରିଖରେ ନେପାଳରେ ଏକ ତୀର୍ଥଯାତ୍ରୀ ବସ ଦୁର୍ଘଟଣା ହୋଇଥିଲା । ଏହି ବସରେ ପ୍ରାୟ ୬୦ ଜଣ ଯାତ୍ରୀ ଥିଲେ । ଦୁର୍ଘଟଣାରେ ୨ଜଣ ଭାରତୀୟ ମୃତ୍ୟୁବରଣ କରିଥିବା ବେଳେ ୨୧ ଜଣ ଆହତ ହୋଇଥିଲେ ।
ମୋଦିଙ୍କ ନେତୃତ୍ବରେ ବିଜେପି ସଂସଦୀୟ ଦଳର କାର୍ଯ୍ୟକାରୀ କମିଟି ଗଠିତ ହୋଇଛି । ଲୋକସଭାରେ ଦଳର ଉପନେତା ରାଜନାଥ ସିଂହ ଓ ରାଜ୍ୟଓଭାରେ ଦଳର ଉପନେତା ପୀୟୂଷ ଗୋଏଲ୍ ରହିଛନ୍ତି । ସେହିପରି ରାଜ୍ୟସଭାରେ ସଂସଦୀୟ ଦଳର ନେତା ହୋଇଛନ୍ତି ଥାଓ୍ବରଚନ୍ଦ ଗେହଲଟ । ତେବେ ଏହି ସଂସଦୀୟ ଦଳରେ ତିନି ଓଡ଼ିଆଙ୍କୁ ସ୍ଥାନ ମିଳିଛି । ସୁରେଶ ପୂଜାରୀ, ଧର୍ମେନ୍ଦ୍ର ପ୍ରଧାନ ଓ ଜୁଏଲ୍ ଓରାମ୍ ପ୍ରମୁଖଙ୍କୁ ଏହି ସୁଯୋଗ ମିଳିଛି । ଲୋକସଭାରେ ସଚେତକ ଭାବେ ସୁରେଶ ପୂଜାରୀଙ୍କୁ ସ୍ଥାନ ମିଳିଥିବାବେଳେ ତାଙ୍କ ଦାୟିତ୍ବରେ ଓଡ଼ିଶା, ମଣିପୁର ଓ ତେଲେଙ୍ଗାନା ରହିବ । ଧର୍ମେନ୍ଦ୍ର ପ୍ରଧାନ ରାଜ୍ୟସଭା ପାଇଁ ସ୍ବତନ୍ତ୍ର ନିମନ୍ତ୍ରିତ ସଦସ୍ୟ ହୋଇଥିବାବେଳେ ଜୁଏଲ୍ ଓରାମ୍ ଲୋକସଭାରେ ସ୍ବତନ୍ତ୍ର ନିମନ୍ତ୍ରିତ ସଦସ୍ୟ ରୂପେ ନିଯୁକ୍ତି ପାଇଛନ୍ତି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କାଲିଠାରୁ ଦୁଇଦିନିଆ ଗସ୍ତରେ କିର୍ଗିଜ୍ସ୍ତାନ ଯିବେ ପ୍ରଧାନମନ୍ତ୍ରୀ ମୋଦି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏସସିଓ ସମିତିରେ ଭାଗ ନେବା ପାଇଁ ବିଶ୍କେକ୍ ଯାତ୍ରା କରିବେ କିନ୍ତୁ ସେ ପାକିସ୍ତାନର ବାୟୁ ସୀମା ବ୍ୟବହାର କରିବେ ନାହିଁ ବୋଲି ସୂଚନା ମିଳିଛି। ବୈଦେଶିକ ମନ୍ତ୍ରାଳୟ ଅନୁଯାୟୀ, ମୋଦୀଙ୍କ ବିମାନ ପାକିସ୍ତାନର ବାୟୁ କ୍ଷେତ୍ର ଦେଇ ନଯାଇ ଇରାନ ଏବଂ ମଧ୍ୟ ଏସିଆ ଦେଶ ଦେଇ କିର୍ଗିଜସ୍ତାନର ରାଜଧାନୀ ବିଶ୍ଶେକ୍ ଯାତ୍ରା କରିବ। ତେବେ ପାକିସ୍ତାନ ବାୟୁସୀମା ଦେଇ ପ୍ରଧାନମନ୍ତ୍ରୀ ମୋଦିଙ୍କ ବିମାନ ଉଡାଣ କରିବା ନେଇ ଅନୁମତି ମିଳିନାହିଁ। ବାଲାକୋଟରେ ଫେବୃଆରୀ ୨୬ରେ ଜୈଶ-ଏ-ମହମ୍ମଦର ଆତଙ୍କୀ ଶିବିର ଉପରେ ଭାରତୀୟ ବାୟୁସେନା ଆକ୍ରମଣ କରିବା ପରେ ପାକିସ୍ତାନ ନିଜର ବାୟୁକ୍ଷେତ୍ର ସମ୍ପୁର୍ଣ୍ଣ ରୂପରେ ବନ୍ଦ କରିଦେଇଛି।
ବୁଧବାର ତାମିଲନାଡୁରେ ଶାସକ ଦଳ ଏଆଇଡିଏମ୍କେର ଏକ ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକ ଅନୁଷ୍ଠିତ ହେବାର କିଛି ମିନିଟ୍ ପୂର୍ବରୁ ଡିଏମ୍କେ ଦଳରୁ ବିତାଡିତ ବିଧାୟକ ରାଧା ରବି ଦଳରେ ଯୋଗ ଦେଇଛନ୍ତି। ମୁଖ୍ୟମନ୍ତ୍ରୀ ପଲାନିସ୍ବାମୀଙ୍କ ଉପସ୍ଥିତିରେ ଏଆଇଡିଏମ୍କରେ ପୁନଃ ଯୋଗଦାନ କରିଛନ୍ତି ପୂର୍ବତନ ଫିଲ୍ମ ଅଭିନେତା ତଥା ସଇଦାପେଟ ବିଧାୟକ ରାଧା ରବି। ସୂଚନାଯୋଗ୍ୟ ଯେ, ମାର୍ଚ୍ଚ ମାସରେ ଫିଲ୍ମ ଅଭିନେତ୍ରୀ ନୟନତାରାଙ୍କ ସମ୍ବନ୍ଧରେ ଅଶ୍ଲୀଳ ମନ୍ତବ୍ୟ ପ୍ରଦାନ ପାଇଁ ରବିଙ୍କୁ ଡିଏମ୍କେରୁ ନିଲମ୍ବନ କରାଯାଇଥିଲା।
ୟୁପିଏ ମୁଖ୍ୟ ସୋନିଆ ଗାନ୍ଧୀ ଏବଂ କଂଗ୍ରେସ ମହାସଚିବ ତଥା ସୋନିଆଙ୍କ ଝିଅ ପ୍ରିୟଙ୍କା ଗାନ୍ଧୀ ଭଦ୍ରା ରାଏବରେଲୀ ଗସ୍ତ କରିଛନ୍ତି। ନିର୍ବାଚନ ପରେ ଏହା ସୋନିଆ ଏବଂ ପ୍ରିୟଙ୍କାଙ୍କ ପ୍ରଥମ ରାଏବରେଲୀ ଗସ୍ତ। ଜନ ସାଧାରଣଙ୍କୁ ବିଜୟ ପାଇଁ ଧନ୍ୟବାଦ ଜଣାଇବା ଏହି ଗସ୍ତର ଉଦ୍ଦେଶ୍ୟ ବୋଲି କଂଗ୍ରେସ ମହାସଚିବ ପ୍ରକାଶ କରିଛନ୍ତି। ରାଏବରେଲୀ ଜିଲ୍ଳା କଂଗ୍ରେସ ମୁଖପାତ୍ର ଲାଲ ଆଶ କିରଣ ପ୍ରତାପ ସିଂ ଉଭୟଙ୍କ ଗସ୍ତ ନେଇ ସୂଚନା ଦେଇଛନ୍ତି। ଉଭୟ ନେତ୍ରୀ ଫୁରସତଗଞ୍ଜ ବିମାନବନ୍ଦରରୁ ଓହ୍ଲାଇ ଏକ ମୋଟର ସାଇକେଲ ଶୋଭାଯାତ୍ରାରେ ଭୁଏମାଉ ଗେଷ୍ଟ ହାଉସ୍ରେ ପହଞ୍ଚିଥିଲେ। ଗେଷ୍ଟ ହାଉସ୍ରେ ସ୍ଥାନୀୟ ଜିଲ୍ଲା ପ୍ରତିନିଧିଙ୍କ ସହିତ ଏକ ବୈଠକରେ ଯୋଗ ଦେବେ ପ୍ରିୟଙ୍କା ଗାନ୍ଧୀ। ସନ୍ଧ୍ୟାରେ ଏକ ଧନ୍ୟବାଦ ପ୍ରଦାନ ଉତ୍ସବରେ ୨୫୦୦ କାର୍ଯ୍ୟକର୍ତ୍ତାଙ୍କୁ ଧନ୍ୟବାଦ ଜଣାଇବେ ଉଭୟ ନେତ୍ରୀ।
ପଞ୍ଜାବ ନ୍ୟାସନାଲ୍ ବ୍ୟାଙ୍କ ଘୋଟାଲାର ମୁଖ୍ୟ ଅଭିଯୁକ୍ତ ତଥା ପଳାତକ ନିରବ ମୋଦିଙ୍କୁ ଆଜି ଲଣ୍ଡନ ହାଇକୋର୍ଟରୁ ଝଟ୍କା ଲାଗିଛି। ଅଦାଲତ ନିରବ ମୋଦିଙ୍କ ଜାମିନ୍କୁ ଅଗ୍ରାହ୍ୟ କରିଛନ୍ତି। ଏତଦ୍ବ୍ୟତୀତ ବିଚାରପତି ନିରବ ମୋଦିଙ୍କୁ ନେଇ କଡ୍ଡା ଟିପ୍ପଣୀ ମଧ୍ୟ କରିଛନ୍ତି। ପୂର୍ବରୁ ନିରବ ମୋଦିଙ୍କୁ ୨୬ ଜୁନ୍ ପର୍ଯ୍ୟନ୍ତ ଜେଲ୍ରେ ରହିବା ପାଇଁ ନିଷ୍ପତ୍ତି ଦିଆଯାଇଥିଲା। ଚତୁର୍ଥ ଥର ପାଇଁ ନିରବ ମୋଦିଙ୍କ ଜମାନତକୁ ଅଗ୍ରାହ୍ୟ କରାଯାଇଛି। ମାର୍ଚ୍ଚ ୧୯ରେ ନିରବ ମୋଦିଙ୍କୁ ହୋଲ୍ବର୍ଣ୍ଣରୁ ଗିରଫ କରାଯାଇଥିଲା ଲଣ୍ଡନରେ ଥିବା ରୟାଲ କୋର୍ଟ ଅଫ୍ ଜଷ୍ଟିସ୍ରେ ନିରବଙ୍କ ଜାମିନ୍ ଏବଂ ଭାରତ ସରକାର କରିଥିବା ପ୍ରତ୍ୟର୍ପଣ ଆବେଦନର ଶୁଣାଣି ହୋଇଥିଲା। ନିରବ ମୋଦି ଓ ତାଙ୍କ ମାମା ମେହଲୁ ଚୋକ୍ସୀଙ୍କୁ ବିରୋଧରେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଓ ସିବିଆଇ ପଞ୍ଜାବ ନ୍ୟାସନାଲ ବ୍ୟାଙ୍କର ୧୩,୦୦୦ କୋଟି ଅର୍ଥର ହେରଫେର୍ କରିବା ଅଭିଯୋଗରେ ମାମଲା ରୁଜୁ କରିଛି।
ବୁଧବାର କଂଗ୍ରେସର ଏକ କୋର୍ କମିଟି ବୈଠକ ଅନୁଷ୍ଠିତ ହୋଇଯାଇଛି। କଂଗ୍ରେସ ସଭାପତି ରାହୁଲ ଗାନ୍ଧୀ ଅଧ୍ୟକ୍ଷତା କରିବାକୁ ରାଜି ନଥିବାରୁ ବରିଷ୍ଠ ନେତା ଏ କେ ଆଣ୍ଟୋନୀ ଏହି ବୈଠକରେ ଅଧ୍ୟକ୍ଷତା କରିଥିଲେ। ଏହି ବୈଠକରେ ଅହମଦ୍ ପଟେଲ, ପୂର୍ବତନ ଗୃହମନ୍ତ୍ରୀ ପି ଚିଦାମ୍ବରମ, ରାଜ୍ୟସଭାରେ ବିପକ୍ଷ ଦଳର ନେତା ଘୁଲାମ ନବୀ ଆଜାଦ, ରାଜ୍ୟସଭା ଉପ ସଭାପତି ଆନନ୍ଦ ଶର୍ମା, ମହାରାଷ୍ଟ୍ର ଦାୟିତ୍ବରେ ରହିଥିବା ମଲ୍ଲିକାର୍ଜୁନ ଖଡ୍ଗେ, ଜୟରାମ ରମେଶ, କେସି ଭେନୁଗୋପାଳ ଏବଂ ରଣଦୀପ ସୁର୍ଜେଓ୍ବାଲା ଯୋଗ ଦେଇଥିଲେ। ଆସନ୍ତା ଦିନରେ ମହାରାଷ୍ଟ୍ର, ଝାଡଖଣ୍ଡ, ହରିୟାଣା ଏବଂ ଜମ୍ମୁ କାଶ୍ମୀରରେ ନିର୍ବାଚନ ହେବାକୁ ଥିବାରୁ ଏହି ସମ୍ପର୍କରେ ମଧ୍ୟ ବୈଠକରେ ଆଲୋଚନା କରାଯାଇଥିଲା ବୋଲି ସୁର୍ଜେଓ୍ବାଲା ପ୍ରକାଶ କରିଛନ୍ତି। ସେହିପରି ରାହୁଲ ଅବ୍ୟାହତି ନେଉଛନ୍ତି କି ନା ବୋଲି ପ୍ରଶ୍ନକୁ ଖଣ୍ଡନ କରିଥିଲେ ସୁର୍ଜେଓ୍ବାଲା। ରାହୁଲ ଦଳର ସଭାପତି ରହିଥିଲେ ଏବଂ ସିର୍ବଦା ରହିବେ ବୋଲି କହିଛନ୍ତି…
ଜୁଲାଇ ୧୫ରେ ଛଡ଼ାଯିବ ଚନ୍ଦ୍ରାୟନ ବୋଲି ଇସ୍ରୋ ପକ୍ଷରୁ ସୂଚନା ମିଳିଛି। ବେଙ୍ଗାଲୁରୁର ସାମ୍ବାଦିକ ସମ୍ମଳିନୀରେ ଚନ୍ଦ୍ରାୟନ-୨ ଜୁଲାଇ ୧୫ ତାରିଖ ରାତି ୨ଟା ୫୧ ମିନିଟ୍ରେ ପ୍ରକ୍ଷେପଣ କରାଯିବ ବୋଲି ସୂଚନା ଦିଆଯାଇଛି। ଇସ୍ରୋର ଅଧ୍ୟକ୍ଷ ଏହି ସମ୍ବନ୍ଧୀୟ ସୂଚନା ଦେବା ସହିତ ଚନ୍ଦ୍ରାୟନ-୨ର ଏକ ଭିଡ଼ିଓ ମଧ୍ୟ ଜାରି କରିଛନ୍ତି। ଇସ୍ରୋ ସୂଚନା ମୁତାବକ, ଅଭିଯାନ ସମୟରେ ଅର୍ବିଟରଟି ଚନ୍ଦ୍ରର କକ୍ଷପଥରେ ରହିବ ଏବଂ ଧୀରେ ଧୀରେ ଚନ୍ଦ୍ରର ଦକ୍ଷିଣ ମେରୁ ନିକଟରେ ଅବସ୍ଥାନ କରିବ। ଚନ୍ଦ୍ରପୃଷ୍ଠରେ ଏହା ପହଞ୍ଚିବା ପରେ ୬ ଚକିଆ ରୋଭର ପ୍ରଜ୍ଞାନକୁ ମୁତୟନ କରାଯିବ। ପ୍ରଜ୍ଞାନ ସେଠାରେ ବିଭିନ୍ନ ପରୀକ୍ଷଣ କରିବ। ପୃଥିବୀ ପୃଷ୍ଠରୁ ଇସ୍ରୋର ବୈଜ୍ଞାନିକମାନେ ଏହାକୁ ନିୟନ୍ତ୍ରଣ କରିବେ।
ଗଲିବୟରେ ନଜର ଆସିଥିବା ଅଭିନେତା ବିଜୟ ବର୍ମା ମୀରା ନାୟାରଙ୍କ ଅନ୍ତର୍ଜାତୀୟ ପ୍ରୋଜେକ୍ଟରେ ନଜର ଆସିବାକୁ ଯାଉଛନ୍ତି। ବିକ୍ରମ ସେଠ୍ଙ୍କ ଉପନ୍ୟାସ ଏ ସୁଇଟେବଲ୍ ବୟକୁ ପରଦାରେ ଦେଖାଇବେ ମୀରା ନାୟାର। ଏହି ପ୍ରକଳ୍ପ ସହିତ ନିଜର ଅନ୍ତର୍ଜାତୀୟ ଡେବ୍ୟୁ କରିବେ ଏଫଟିଆଇ ସ୍ନାତକ ବିଜୟ ବର୍ମା। ତେବେ ଏହା ଫିଲ୍ମ ରହିବ କିମ୍ବା ଓ୍ବେବ୍ ସିରିଜ୍ ହେବ ଏନେଇ କୌଣସି ସ୍ପଷ୍ଟ ସୂଚନା ମିଳିନାହିଁ। ଏହି ଫିଲ୍ମରେ ବିଜୟ ବ୍ରହ୍ମପୁର ବିଶ୍ବବିଦ୍ୟାଳୟର ଜଣେ ଛାତ୍ର ଏବଂ ଆରବିକ୍ ଶିକ୍ଷକ ଭୂମିକାରେ ନଜର ଆସିବେ। ସୁଇଟେବଲ୍ ବୟର କାହାଣୀ ସ୍ବାଧୀନତା ପରବର୍ତ୍ତୀ ସମୟରେ ୪ଟି ପରିବାରର କାହାଣୀ। ବିଜୟ ବର୍ମାଙ୍କ ସହିତ ଏହି ଫିଲ୍ମରେ ତବୁ, ରଣଦୀପ ହୁଡା, ଶେଫାଳୀ ଶାହ, ରଶିକା ଦୁଗଲ, ବିଜୟ ରାଜ ଏବଂ ଭିଭାନ ଶାହ ପ୍ରମୁଖ ନଜର ଆସିବାକୁ ଯାଉଛନ୍ତି।
ଭାରତୀୟ ପ୍ରତିରକ୍ଷା ଗବେଷଣା ପ୍ରତିଷ୍ଠାନକୁ ଆଉ ଏକ ସଫଳତା ମିଳିଛି। ବାଲେଶ୍ୱର ଆଇଟିଆର ଚାରି ନମ୍ବର ଲଞ୍ଚପ୍ୟାଡ଼ରୁ କ୍ଷେପଣାସ୍ତ୍ର ସଫଳ ପରୀକ୍ଷଣ ହୋଇଛି। ବାଲେଶ୍ୱର ଆଇଟିଆର ଚାରି ନମ୍ବର ଲଞ୍ଚପ୍ୟାଡ଼ରୁ ହାଇପର ସୋନିକ ଟେକ୍ନୋଲଜି ଡେମନଷ୍ଟ୍ରେସନ ଭେହିକିଲର(ଏଚଏସଟିଡ଼ି)ର ଉତକ୍ଷେପଣ ସଫଳ ହୋଇଛି। ଭଦ୍ରକ ଧାମରେ କଲାମ ଦ୍ୱୀପରୁ ଏଚଏସଟିଡ଼ିର ପରୀକ୍ଷଣ ହୋଇଛି। ଭାରତୀୟ ପ୍ରତିରକ୍ଷା ଗବେଷଣା ପ୍ରତିଷ୍ଠାନ ବା ଡିଆରଡ଼ିଓର ପ୍ରତିରକ୍ଷା ସଚିବଙ୍କ ଉପସ୍ଥିତିରେ ସକାଳ ୧୧ଟା ୨୨ରେ ଏହି କ୍ଷେପଣାସ୍ତ୍ରର ପରୀକ୍ଷଣ କରାଯାଇଥିଲା। ଯାହା ଦ୍ୱାରା ସୁପରସୋନିକ କ୍ଷେପଣାସ୍ତ୍ରର ପରୀକ୍ଷଣ ଓ ଉପଗ୍ରହ ପ୍ରେରଣ ହୋଇପାରିବ। ୨୦୧୭ ମସିହାରେ ଦୁଇଥର ହାଇପର ସୋନିକ ଟେକ୍ନୋଲଜି ଡେମନଷ୍ଟ୍ରେସନ ଭେହିକିଲରସଫଳ ପରୀକ୍ଷଣ କରାଯାଇଥିଲା। ଏହା ୨୦ସେକେଣ୍ଡ ମଧ୍ୟରେ ୩୨.୫ କିମି ଉଚ୍ଚ ଯାଏ ଯାଇପାରିବ।
ଓ୍ବାଇ ଏସ୍ ଜଗନ ମୋହନ ରେଡ୍ଡୀ ବିଭାଜିତ ଆନ୍ଧ୍ରପ୍ରଦେଶର ଦ୍ବିତୀୟ ମୁଖ୍ୟମନ୍ତ୍ରୀ ନିଜର ପ୍ରଥମ ବିଧାନସଭା ଅଧିବେଶନ ଚଳାଇଛନ୍ତି। କାମଚଳା ବାଚସ୍ପତି ସମ୍ବାଙ୍ଗୀ ଅପ୍ପାଲା ନାଇଡୁ ୧୧.୦୫ରେ ଗୃହର କାର୍ଯ୍ୟ ଆରମ୍ଭ କରିଥିଲେ ଏବଂ ଶପଥ ଗ୍ରହଣ କରାଇଥିଲେ। ପ୍ରଥମେ ଜଗନ ଶପଥ ଗ୍ରହଣ କରିବା ପରେ ଉପ ମୁଖ୍ୟମନ୍ତ୍ରୀ ଆଜମଥ ବାଶା ଶପଥ ଗ୍ରହଣ କରିଥିଲେ। ଏହାପରେ ସମସ୍ତ ବିଧାୟକ ମାନଙ୍କୁ ଶପଥ ଗ୍ରହଣ କରାଇଥିଲେ ଅପ୍ପାଲା ନାଇଡୁ। ଶପଥ ଗ୍ରହଣ ପରେ ଚନ୍ଦ୍ରବାବୁ ନାଇଡୁ ଏବଂ ଜଗନ ମୋହନ ରେଡ୍ଡୀ ପରସ୍ପରକୁ ଅଭିନନ୍ଦନ ଜଣାଇଥିଲେ। ଗୁରୁବାର ଦିନ ବାଚସ୍ପତି ଏବଂ ଉପ ବାଚସ୍ପତି ନିର୍ବାଚନ ଅନୁଷ୍ଠିତ ହେବ। ୧୪ ତାରିଖ ଦିନ ରାଜ୍ୟପାଳ ଇ ଏସ୍ ଏଲ୍ ନରସିଂହନ୍ ଗୃହକୁ ସମ୍ବୋଧିତ କରିବେ। ପ୍ରଥମ ଥର ପାଇଁ ଏହି ଅଧିବେଶନ ଭେଲାଗାପୁଡିରେ ନିର୍ମିତ ଅସ୍ଥାୟୀ ବିଧାନ ସୌଧରେ ଅନୁଷ୍ଠିତ ହୋଇଥିଲା।
ସନ୍ଦେହରେ ତାମିଲନାଡୁର କୋଏମ୍ବାଟୋରର ୭ଟି ସ୍ଥାନରେ ଚଢାଉ କରାଯାଇଛି। ଶ୍ରୀଲଙ୍କାରେ ଘଟିଥିବା ଇଷ୍ଟର ବୋମା ବିସ୍ଫୋରଣ ସହିତ ଏହି ଚଢାଉର ସମ୍ପର୍କ ରହିଥିବା ଜଣାପଡିଛି। ବୁଧବାର ଜାତୀୟ ତଦନ୍ତକାରୀ ସଂସ୍ଥା (ଏନ୍ଆଇଏ) ପକ୍ଷରୁ ଏକକାଳୀନ ସହରର ୭ ସ୍ଥାନରେ ଚଢାଉ କରାଯାଇଥିଲା। ବୁଧବାର ସକାଳ ୬ଟାରୁ ଏନ୍ଆଇଏ ସଦସ୍ୟ ମାନେ ଏକକାଳୀନ ସହରର ପୋଦାନୁର, ଉକ୍କଦମ, କୁନିଆମୁଥୁର ଏବଂ କୁରୁମ୍ବୁକଡାଇର ବିଭିନ୍ନ ସ୍ଥାନରେ ଚଢାଉ କରାଯାଇଥିଲା। ଚଢାଉ ସ୍ଥାନରେ ସ୍ଥାନୀୟ ପୋଲିସ୍କୁ ନିୟୋଜନ କରାଯାଇଛି।