ଆଲିଗଡ : ନିଜ ବାହାଘରରେ ବନ୍ଧୁମାନଙ୍କୁ ମଦ ନ ଦେବା ବେଶ୍ ମହଙ୍ଗା ପଡିଲା ବରକୁ । ଉତ୍ତରମପ୍ରଦେଶର ଆଲିଗଡଠାରେ ଏକ ବିବାହ ଉତ୍ସବରେ ବର ନିଜ ବନ୍ଧୁମାନଙ୍କୁ ମଦ ଦେଇନଥିବାରୁ ବରର ସାଙ୍ଗମାନେ ଛରୁୀ ଭୁସି ହତ୍ୟା କରିଛନ୍ତି । ଏହି ଘଟଣାଟି ପାଲିମୁକିମପୁର ଗ୍ରାମରେ ଘଟିଥିବାର ସୂଚନା ରହିଛି । ଏଠାରେ 28 ବର୍ଷୀୟ ବବୁଲ୍ ନିଜ ବାହାଘର ଉତ୍ସବରେ ମଦ ପିଇବାକୁ ମନା କରିବାରୁ ଏପରି କାଣ୍ଡ ଘଟିଥିଲା । ତେବେ ପୋଲିସ୍ ଏହି ଘଟଣାର ମୁଖ୍ୟ ଅଭିଯୁକ୍ତଙ୍କୁ ଗିରଫ କରିଛି। ବରର ସାଙ୍ଗମାନେ ପୂର୍ବରୁ ନିଶାରେ ଥିବାବେଳେ ଆହୁରି ମଦ ପିଇବା ପାଇଁ ମାଗିଥିଲେ ବର ଜଣକ ଏଥିରେ ଅସହମତି ଜଣାଇବାରୁ ଏହି କଥାକୁ ନେଇ ବର ଓ ସାଙ୍ଗ ମଧ୍ୟରେ ବିବାଦ ସୃଷ୍ଟି ହୋଇଥିଲା । ଏହି ଘଟଣାରର ବରର ଜଣେ ସାଙ୍ଗ ଏତେ ରାଗି ଯାଇଥିଲା ଯେ, ଛୁରୀ ଭୁସି ଦେଇଥିଲେ । ଏହି ଘଟଣା ପରେ ପରିବାର ଲୋକେ ବରକୁ ହସ୍ପିଟାଲ ନେଇଥିଲେ । ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷିତ କରିଥିଲେ ।
