କୋଲକାତା : ପଶ୍ଚିମବଙ୍ଗ ବିଧାନସଭା ନିର୍ବାଚନକୁ ନେଇ ଏବେ ଜାତୀୟ ରାଜନୀତି ପୂରା ଉଷ୍ମ । 2021 ମସିହାରେ 5ଟି ବିଧାନସଭା ନିର୍ବାଚନ ଅନୁଷ୍ଠିତ ହେବ । ତେବେ ପଶ୍ଚିମବଙ୍ଗ ରାଜନୀତିକୁ ନେଇ କେନ୍ଦ୍ର କ୍ଷମତାଧାରୀ ବିଜେପି ଓ ରାଜ୍ୟକ୍ଷମତାସୀନ ଟିଏମ୍ସି ମଧ୍ୟରେ କଡ୍ଡା ଟକ୍କର ଲାଗିଛି । 2021 ପ୍ରାରମ୍ଭରେ ପଶ୍ଚିମବଙ୍ଗ ନିର୍ବାଚନୀ ଅନୁଷ୍ଠିତ ହେବ । ଏଥିପାଇଁ ସବୁ ଦଳ ନିଜ ପ୍ରସ୍ତୁତି ଆରମ୍ଭ କରିସାରିଲେଣି । ମିଳିଥିବା ସୂଚନା ଅନୁସାରେ ପଶ୍ଚିମବଙ୍ଗରେ କଂଗ୍ରେସ ଓ ବାମଦଳ ପୁଣିଥରେ ଏକାଠି ନିର୍ବାଚନୀ ମଇଦାନକୁ ଓହ୍ଲାଇବେ । ପୂର୍ବରୁ ବାମଦଳ ଏନେଇ ସବୁଜ ସଂକେତ ଦେଇଥିବାବେଳେ କଂଗ୍ରେସ ମଧ୍ୟ ଏହାକୁ ସମର୍ଥନ କରିଛି । ଆସନ୍ତା ପଶ୍ଚିମବଙ୍ଗ ବିଧାନସଭା ନିର୍ବାଚନରେ କଂଗ୍ରେସ ଓ ବାମଦଳମେଣ୍ଟକୁ ହାଇକମିଶନ ମୋହର ଲଗାଇଥିବାର ସୂଚନା ଦେଇଛନ୍ତି ସାଂସଦ ତଥା ପ୍ରଦେଶ କଂଗ୍ରେସ ଅଧ୍ୟକ୍ଷ ଅଧୀର ରଂଜନ ଚୌଧୁରୀ । 2016 ନିର୍ବାଚନ ପରି ଆସନ୍ତା ନିର୍ବାଚନରେ ମଧ୍ୟ କଂଗ୍ରେସ ଓ ବାମ ଦଳ ମିଶିକର ବିଜେପି ଓ ମମତାଙ୍କ ସହ ଲଢିବେ ।
ସୂଚନାଯୋଗ୍ୟ, 294 ଆସନ ବିଶିଷ୍ଟ ପଶ୍ଚିମବଙ୍ଗ ବିଧାନସଭାରେ 2016 ମସିହାରେ କଂଗ୍ରେସ ଓ ବାମ ଦଳ ଏକାଠିନିର୍ବାଚନ ଲଢିଥିଲେ । କଂଗ୍ରେସ ଦ୍ବିତୀୟ ବଡ ଦଳ ଭାବେ ଉଭା ହୋଇଥିଲା । କଂଗ୍ରେସକୁ 44ଟି ଆସନ ମିଳିଥିବାବେଳେ ସିପିଏମ୍କୁ 26 ମିଳିଥିଲା । ବିଜେପି ମାତ୍ର 3ଟି ଆସନ ଜିତିପାରିଥିଲା । (ଏଜେନ୍ସି)