ନୂଆଦିଲ୍ଲୀ: ଆଜି କୃଷି ସଂଗଠନ ଏବଂ ସରକାର ମଧ୍ୟରେ ଦଶମ ପର୍ଯ୍ୟାୟ ଆଲୋଚନା ବିଜ୍ଞାନ ଭବନ ଠାରେ ଚାଲିଥିଲା। ପୁଣି ଏହି ଆଲୋଚନାରେ କୌଣସି ସମାଧାନ ବାହାରିପାରି ନାହିଁ। ସରକାର ଆନ୍ଦୋଳନ ସମାପ୍ତ କରିବା ପାଇଁ କୃଷକ ସଂଗଠନକୁ ଅନୁରୋଧ କରିଥିଲେ। ସେଥିପାଇଁ ସରକାର ଏହି କୃଷି ଆଇନକୁ ଏକ ବର୍ଷ ପାଇଁ ସ୍ଥଗିତ ରଖିବା ନେଇ ପ୍ରସ୍ତାବ ଦେଇଥିଲା। ସରକାରଙ୍କ ପ୍ରସ୍ତାବ ମୁତାବକ, ଏକ ନିର୍ଦ୍ଦିଷ୍ଟ ସମୟ ପାଇଁ ଗୋଟିଏ କମିଟି ଗଠନ କରାଯାଉ। ଉଭୟ ସରକାର ଏବଂ କୃଷି ନେତା ମାନଙ୍କୁ ନେଇ ଏହି କମିଟି ଗଠିତ ହେବ। କିନ୍ତୁ ଏହି ପ୍ରସ୍ତାବକୁ କୃଷକ ସଂଗଠନ ଅଗ୍ରାହ୍ୟ କରିଦେଇଛି।
