ବେଙ୍ଗାଲୁରୁରେ ଆପଲ୍ ଏହାର ନୂତନ ଫୋନ୍ ନିର୍ମାଣ କାରଖାନା ସ୍ଥାପନ କରିବ। ଆଇଫୋନ୍ ୭ ନିର୍ମାଣ କରିବା ପାଇଁ ଏହି କାରଖାନା ପ୍ରସ୍ତୁତ କରାଯିବ। ପୂର୍ବରୁ କମ୍ପାନୀ ଚେନ୍ନାଇରେ ଆଇଫୋନ୍ ଏସ୍ଇ ଏବଂ ଆଇଫୋନ୍ ୬ଏସ୍ଇର ନିର୍ମାଣ କରୁଥିଲା। ଆପଲ୍ ପକ୍ଷରୁ କୁହାଯାଇଛି ଯେ, ଭାରତରେ କମ୍ପାନୀ ନିଜର ବ୍ୟବସାୟକୁ ବୃଦ୍ଧି କରିବାକୁ ଚାହୁଁଛି ତେଣୁ ଏହି ପଦକ୍ଷେପ ନେଇଛି ବୋଲି ଆପଲ୍ ଇଣ୍ଡିଆର ସିଇଓ ଆଶିଷ ଚୌଧୁରୀ କହିଛନ୍ତି। ଏହି ନୂତନ ପ୍ରକଳ୍ପ ନିମନ୍ତେ ଆପଲ ୫ ହଜାର କୋଟି ନିବେଶର ଲକ୍ଷ୍ୟ ରଖିଛି ବାେଲି କୁହାଯାଇଛି। ଚେନ୍ନାଇରେ ଆପଲ୍ ଫୋନ୍ ନିର୍ମାଣ କରୁଥିବା କମ୍ପାନୀ ଫକ୍ସକନ୍ ସହିତ ମଧ୍ୟ ଆପଲ୍ ଆଲୋଚନାରତ ରହିଛି ବୋଲି ଆପଲ ଇଣ୍ଡିଆ ସିଇଓ କହିଛନ୍ତି। ଭାରତରେ ଫୋନ୍ ନିର୍ମାଣ ଚୀନ୍ ଠାରୁ ଶସ୍ତା ରହିବ ବୋଲି କୁହାଯିବା ସହିତ ଏହା ଦ୍ବାରା କମ୍ପାନୀ ଭାରତୀୟ ବଜାରରେ ଓ୍ବାନ୍ ପ୍ଲସ୍ ଏବଂ ସାମସଙ୍ଗ ପରି କମ୍ପାନୀକୁ ଟକ୍କର ଦେଇ ପାରିବ। ସୂଚନାଯୋଗ୍ୟ ଯେ, ଭାରତୀୟ ଫୋନ୍ ବ୍ୟବହାରକାରୀଙ୍କ ମଧ୍ୟରେ ମାତ୍ର ୧ ପ୍ରତିଶତ ଲୋକ ଆପଲ୍ର ଫୋନ୍ ବ୍ୟବହାର କରିଥାନ୍ତି।
apple will start making iphone mobile in bengaluru