କଟକ, କରୋନା ପୁଣି ଥରେ ଡରାଇବ ବୋଲି ଆଶଙ୍କା ପ୍ରକାଶ ପାଇଲାଣି। ଏହାକୁ ଦୃଷ୍ଟିରେ ରଖି ସ୍ବାସ୍ଥ୍ୟ ବିଭାଗର ଅତିରିକ୍ତ ଶାସନ ସଚିବ ପ୍ରଦୀପ୍ତ ମହାପାତ୍ର ସମସ୍ତ ଜିଲ୍ଲାର ଜିଲ୍ଲାପାଳ ଏବଂ ପୋଲିସ ଅଧିକାରୀଙ୍କୁ ଚିଠି କରିଛନ୍ତି। ରାଜ୍ୟରେ କରୋନା ସ୍ଥିତି ପୁଣିଥରେ ଉଦବେଗ ହେବାକୁ ଥିବାରୁ କରୋନା କଟକଣା ମାନିବା ପାଇଁ ନିର୍ଦ୍ଦେଶ ଦିଆଯାଇଛି।
ଏହାକୁ ଦୃଷ୍ଟିରେ ରଖି କଟକ ପୋଲିସ କମିଶନରେଟ ତରଫରୁ ଧରପଗଡ ଆରମ୍ଭ ହୋଇଯାଇଛି। ବିଭିନ୍ନ ବ୍ୟବସାୟୀକ ପ୍ରତିଷ୍ଠାନ, ମଲ, ହୋଟେଲ ପ୍ରଭୃତି ସ୍ଥାନରେ ଚଢାଉ ଆରମ୍ଭ ହୋଇଯାଇଛି। ଲୋକମାନଙ୍କୁ ମାସ୍କ ପିନ୍ଧିବା, ଶାରୀରିକ ବ୍ୟବଧାନ ରଖିବା ପ୍ରଭୃତି ମାନିବା ପାଇଁ ସଚେତନତା କରାଯାଉଛି। ଏଥିସହିତ ଟ୍ରାଫିକ ଜାମ କରୁଥିବା ଉଠା ଦୋକାନୀକୁ ମଧ୍ୟ ତାଗିଦ କରାଯାଉଛି।
Tags: କରୋନା କଟକଣା
