ୟୁପିର ହାଇପ୍ରୋଫାଇଲ ଆସନ କହୁଯାଉଥିବା ଆଜମଗଡ, ମେନପୁରୀ, ଏବଂ ରାୟବରେଲି ଆସନ ପାଇଁ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି । ମେନପୁରୀରୁ ଏସପିର ସଂସ୍ଥାପକ ମୁଲାୟମ ସିଂହ ୟାଦବ ନିର୍ବାଚନ ଲଢୁଛନ୍ତି, ତାଙ୍କ ବିରୋଧରେ ବିଜେପି ପ୍ରେମ ସିଂହ ଶାକ୍ୟଙ୍କୁ ଟିକେଟ ଦେଇଛି । ଆସନ୍ତା ଲୋକସଭା ନିର୍ବାଚନ ପାଇଁ ବିଜେପି ପକ୍ଷରୁ ୬ ଜଣ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି । ଏହି ତାଲିକାରେ ଆଜମଗଡରୁ ଭୋଜପୁରୀ ଫିଲ୍ମ ଷ୍ଟାର ଦିନେଶ ଲାଲ ୟାଦବ “ନିରହୁଆ”କୁ ଟିକେଟ ଦେଇଛି । ଏହି ଆସନରୁ ଏସପି ଅଧ୍ୟକ୍ଷ ଅଖିଳେଶ ସିଂହ ୟାଦବ ନିର୍ବାଚନ ଲଢୁଛନ୍ତି । ଏହାଛଡା ବିଜେପି ରାୟବରେଲି ଆସନରେ କଂଗ୍ରେସର ସୋନିଆ ଗାନ୍ଧୀଙ୍କ ବିରୋଧରେ ଦିନେଶ ପ୍ରତାପ ସିଂହଙ୍କୁ ଟିକେଟ ଦେଇଛି । ଦିନେଶ ପ୍ରତାପ ସିଂହ କଂଗ୍ରେସ ଛାଡି ବିଜେପିରେ ସାମିଲ ହୋଇଥିଲେ । ବିଜେପି ଏହି ନୂଆ ଲିଷ୍ଟରେ୬ ଜଣ ପ୍ରାର୍ଥୀଙ୍କ ନାଁ ଘୋଷଣା କରିଛି, ଯେଉଁଥିରେ ଉତ୍ତର ପ୍ରଦେଶ ପାଇଁ ୫ ଜଣ ଏବଂ ମହାରାଷ୍ଟ୍ରର ପାଇଁ ଜଣଙ୍କ ନାଁ ରହିଛି ।
Tags:
