ହେମାଙ୍ଗ ପ୍ରସାଦ ରାଉଳ
ବ୍ରହ୍ମପୁର: ବଡ଼ବଜାର ଥାନା ଅଂଚଳ ଫାଷ୍ଟଗେଟ୍ ନିକଟରେ ଜଣେ ବ୍ୟକ୍ତିଙ୍କ ମୃତଦେହ ପଡ଼ିରହିଥିବା ନେଇ ଅଂଚଳବାସୀ ଥାନାକୁ ଖବର ଦେଇଥିଲେ। ପୋଲିସ୍ ଘଟଣାସ୍ଥଳରେ ପହଞ୍ଚି ଶବକୁ ଜବତ କରିବା ସହ ଅନୁସନ୍ଧାନ ଆରମ୍ଭ କରିଥିଲା। ମୃତକ ଜଣକ ହେଲେ ଦୁର୍ଗାଚରଣ ପଣ୍ଡା ଯିଏକି ପାଣିଗ୍ରାହୀପେଣ୍ଠ ସାହିରେ ଘରଭଡ଼ା ନେଇ ନିଜ ପରିବାର ସହ ରହୁଥିଲେ।
ସୂଚନାଯୋଗ୍ୟ କେଉଁ କାରଣରୁ ଦୁର୍ଗାଙ୍କ ମୃତ୍ୟୁ ହୋଇଛି କିଛି ସ୍ପଷ୍ଟ ହୋଇନାହିଁ। ପୋଲିସ୍ ଅପମୃତ୍ୟୁ ମାମଲା ରୁଜୁ କରି ବ୍ୟବଚ୍ଛେଦ ପାଇଁ ପଠାଇଛି। ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର ପ୍ରକୃତ କାରଣ ଜଣାପଡ଼ିବ ବୋଲି ବଡ଼ବଜାର ଥାନାଧିକାରୀ ପ୍ରଶାନ୍ତ ଭୂପତି ସୂଚନା ଦେଇଛନ୍ତି।
Tags: ବଡ଼ବଜାର ଥାନା, ମୃତଦେହ
