ସନ୍ନି ଦେଓଲ ଏବଂ କରଣ କାପାଡିଆ ଅଭିନୀତ ଫିଲ୍ମ ‘ବ୍ଲାଙ୍କ’ର୍ ଟ୍ରେଲର ରିଲିଜ୍ ହୋଇଛି । ବଲିଉଡ୍ ସୁପରଷ୍ଟାର ଅକ୍ଷୟ କୁମାର ନିଜର ସୋସିଆଲ ମିଡିଆ ସାଇଟ୍ରେ ଏହି ଟ୍ରେଲର ରିଲିଜ୍ କରାଇଛନ୍ତି । କରଣ କାପାଡିଆ ଏହି ଫିଲ୍ମ ଜରିଆରେ ନିଜର ବଲିଉଡ୍ ପଦାର୍ପଣ କରୁଥିବା ବେଳେ ସେ ଡିମ୍ପଲ କାପାଡିଆଙ୍କ ପୁତୁରା ଏବଂ ଜାତୀୟ ପୁରସ୍କାର ପ୍ରାପ୍ତ କଷ୍ଟ୍ୟୁମ୍ ଡିଜାଇନର ସିମ୍ପଲ କାପାଡିଆଙ୍କ ପୁଅ । ଫିଲ୍ମଟିରେ ସନ୍ନି ଜଣେ ଗୁଇନ୍ଦା ଅଫିସର ଭୂମିକାରେ ନଜର ଆସୁଥିବା ବେଳେ କରଣ ନିଜର ସ୍ମରଣଶକ୍ତି ହରାଇଥିବା ଜଣେ ଆତ୍ମଘାତୀ ଜେହାଦୀ ଭୂମିକାରେ ଅଛନ୍ତି । ଫିଲ୍ମଟିର ଟିଜର୍ ପୂର୍ବରୁ ଚର୍ଚ୍ଚା ସୃଷ୍ଟି କରିଥିବା ବେଳେ ଟ୍ରେଲରରେ ଭରପୂର ଆକ୍ସନ ସାଙ୍ଗକୁ ପ୍ରତ୍ୟେକ କଳାକାରଙ୍କ ଅଭିନୟ ପସନ୍ଦଯୋଗ୍ୟ ହୋଇଛି । ବେହଜାଦ ଖମ୍ବାଟା ଏହି ଚଳଚିତ୍ର କାହାଣୀ ଏବଂ ନିର୍ଦ୍ଦେଶନା ଭାର ସମ୍ଭାଳିଥିବା ବେଳେ ଟୋନି ଡିସୌଜା ଏବଂ ଶ୍ରୀକାନ୍ତ ଭାସି ପ୍ରଯୋଜକ ରହିଛନ୍ତି । ଫିଲ୍ମ ପାଇଁ କରଣ ଘୋଡାଚାଳନା, ସନ୍ତରଣ ଏବଂ ମାର୍ସିଆଲ୍ ଆର୍ଟସ ଶିଖିଥିବା ଜଣାପଡିଛି । ଫିଲ୍ମଟି ଆାସନ୍ତା ମେ 3 ତାରିଖରେ ରିଲିଜ୍ ହେବ ।
