ଭୁବନେଶ୍ବର, ଆଜି ହେଉଛି ପଖାଳ ଦିବସ। ଏହି ଦିବସ ଉପଲକ୍ଷେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭେଚ୍ଛା ଜଣାଇଛନ୍ତି। ସେତିକି ନୁହେଁ ସେ ଟୁଇଟ କରି ଏକ ପୁରୁଣା ଫଟୋ ପକାଇଛନ୍ତି। ଯେଉଁଥିରେ ନବୀନଙ୍କ ସହିତ ଭାରତର ପ୍ରମୁଖ 4ଜଣ ନେତା ପଖାଳ ଖାଉଥିବାର ଦେଖାଯାଇଛି। ସେମାନେ ବିଜେପିର ବରିଷ୍ଠ ନେତା ଲାଲକୃଷ୍ଣ ଆଡଭାନୀ, ପୂର୍ବତ୍ତନ ରାଷ୍ଟ୍ରପତି ସ୍ବର୍ଗତ ପ୍ରଣବ ମୁଖାର୍ଜି, ପୂର୍ବତ୍ତନ ପ୍ରଧାନମନ୍ତ୍ରୀ ଏଚ ଡି ଦେବଗୌଡା ଏବଂ ସୀତାରମ ୟୁଚୁରୀ।
କିଛି ବର୍ଷ ତଳେ ନବୀନ ନିବାସରେ ନବୀନ ପଟ୍ଟନାୟକ ଏହି ଅତିଥିମାନଙ୍କୁ ଖାଇବାକୁ ଡାକିଥିଲେ। ସେମାନଙ୍କୁ ଓଡିଆ ଘରର ବାଇଗଣ ପୋଡା ବଡଚୁରା ପରି ଖାଦ୍ୟ ଦିଆଯାଇଥିଲା। ସେହିପରି କଂସା ବେଲାରେ ସେମାନଙ୍କୁ ପଖାଳ ପରଷା ଯାଇଥିଲା। ଏଥିରେ ନବୀନ କହିଛନ୍ତି ଯେ, ମୋର ପଖାଳ ହେଉଛି ସବୁଠୁ ପ୍ରିୟ ଖାଦ୍ୟ। ଯେଉଁମାନେ ଅତିଥି ଆସନ୍ତି ସେମାନଙ୍କୁ ମଧ୍ୟ ପଖାଳ ପରିଷା ଯାଇଥାଏ।
