ଭୁବନେଶ୍ବର, କ୍ରେଡାଇ ଓଡିଶାର ସାଧାରଣ ପରିଷଦ ବୈଠକ ଗତକାଲି ହୋଟେଲ ସୂର୍ଯ୍ୟୟବଂଶ ଠାରେ ଅନୁଷ୍ଠିତ ହୋଇଯାଇଥିଲା।ଏହି ଶୁଭ ଅବସରରେ କୋଭିଡ-୧୯ ମହାମାରୀ ସମୟରେ ଭୁବନେଶ୍ୱର ରେ ଫସି ରହିଥିବା ଏକ ଲକ୍ଷ କୋଡିଏ ଦିନ ମଜୁରୀଆଙ୍କ ମୁହଁରେ ଦିନକୁ ଦୁଇ ବେଳା ରନ୍ଧା ଖାଦ୍ୟ ପରିବେଷଣ କରିଥିବା ଉମେଶ ଖଣ୍ଡେଲୱାଲ ଫାଉଣ୍ଡେସନ ର ମୁଖ୍ୟ ତଥା ସମାଜସେବୀ ଏବଂ ଉପସଭାପତି କ୍ରେଡାଇ ଓଡିଶା ଶ୍ରୀ ଉମେଶ ଖଣ୍ଡେଲୱାଲ ଙ୍କୁ କରୋନା ଯୋଦ୍ଧା ସମ୍ମାନରେ ସମ୍ମାନିତ କରାଯାଇଥିଲା।
ଉମେଶ ଖଣ୍ଡେଲୱାଲ ଏହି କାର୍ୟ୍ୟକୁ ସମସ୍ତେ ପ୍ରଶଂସା କରିଥିଲେ. ଏହା କେଵଳ ମହାପ୍ରଭୁ ଜଗନ୍ନାଥଙ୍କ ଆଶୀର୍ବାଦରୁ ସମ୍ଭବ ହୋଇପାରିଛି ଖଣ୍ଡେଲୱାଲ ପ୍ରକାଶ କରି ଥିଲେ.
ଏହି ସଭାରେ ମହମ୍ମଦ ମୋକିମ ବିଧାୟକ ତଥା ପ୍ରତିଷ୍ଠାତା ସଦସ୍ୟ, ମଧୁ ମହାନ୍ତି ପ୍ରତିଷ୍ଠାତା ସଦସ୍ୟ, ଦେଓ ଶଙ୍କର ତ୍ରିପାଠୀ ଅଧ୍ୟକ୍ଷ , ସ୍ବଦେଶ କୁମାର ରାଉତରାୟ ସଭାପତି, ଅନିଲ ଅଗ୍ରୱାଲ ସମ୍ପାଦକ, ଉମା ଶଙ୍କର ପାଣିଗ୍ରାହୀ ଉପସଭାପତି ତଥା ସଭାପତି କ୍ରେଡାଇ ବ୍ରହ୍ମପୁର, ନବୀନ କଣ୍ଡଇ ଉପସଭାପତି, ବିନୟ କୃଷ୍ଣ ଦାସ ପୂର୍ବତନ ସଭାପତି, ଦିଲ୍ଲୀପ ପାତ୍ର ପୂର୍ବତନ ସଭାପତି, ଏବଂ କ୍ରେଡାଇ ଓଡିଶାର ବିଭିନ୍ନ ପ୍ରାନ୍ତର ସଭାପତି, ସମ୍ପାଦକ ପ୍ରମୁଖଙ୍କ ସମେତ ଅନ୍ୟମାନେ ଉପସ୍ଥିତ ରହି ସହଯୋଗ କରିଥିଲେ।
