ନୂଆଦିଲ୍ଲୀ, ଆଜି ରାତି 10ଟାରୁ 6 ଦିନ ପାଇଁ ଦିଲ୍ଲୀ ହେଲା ଲକଡାଉନ। ଦିଲ୍ଲୀରେ କରୋନା ସ୍ଥିତି ଅଣଆୟତ ହେବାରୁ ଏହି ପଦକ୍ଷେପ ଗ୍ରହଣ କରାଯାଇଛି ବୋଲି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରୱାଲା କହିଛନ୍ତି। ଆଜି ଏକ ଭିଡିଓ ବାର୍ତ୍ତାରେ ମୁଖ୍ୟମନ୍ତ୍ରୀ କହିଛନ୍ତି ଯେ, ଦିଲ୍ଲୀର ଅବସ୍ଥା ଦିନକୁ ଦିନ ଗମ୍ଭିର ହେବାରେ ଲାଗିଛି। ଏପରି ପରିସ୍ଥିତିରେ କରୋନା ମୁକାବିଲା କଠିନ ହୋଇପଡୁଛି।
ସେ କହିଛନ୍ତି ଯେ, ଦିଲ୍ଲୀରେ ଦୈନିକ 25 ହଜାର ନୂଆ ମାମଲା ଆସୁଛି। ଏତେ ସଂଖ୍ୟକ ଆକ୍ରାନ୍ତଙ୍କୁ ପରିଚାଳନା କରିବା କାଠିକର ପାଠ ହୋଇପଡିଛି। ଯଦି ଏହାଠାରୁ ଅଧିକ ସଂଖ୍ୟକ ଆକ୍ରାନ୍ତ ଆସିବେ ତେବେ ସ୍ବାସ୍ଥ୍ୟ ବ୍ୟବସ୍ଥା ଭୁଷିଡି ପଡିବ। ସେଥିପାଇଁ ବହୁ କଷ୍ଟରେ ଏହି ଛ ଦିନିଆ ଲକ ଡାଉନ ଘୋଷଣା କରାଗଲା ବୋଲି କେଜ୍ରିୱାଲା କହିଛନ୍ତି।
Tags: Dehli Lockdown, ଦିଲ୍ଲୀ ଲକଡାଉନ
