ଭୁବନେଶ୍ୱର: ଭୁବନେଶ୍ୱର କୋଭିଡ୍ ପର୍ଯ୍ୟବେକ୍ଷକ ତଥା ଜଳସମ୍ପଦ ବିଭାଗ ପ୍ରମୁଖ ଶାସନ ସଚିବ ଶ୍ରୀମତୀ ଅନୁ ଗର୍ଗ, ରାଜ୍ୟଶ୍ରମ ଆୟୁକ୍ତ ଡଃ. ଏନ୍. ଥିରୁମାଲା ନାଏକଙ୍କ ସହିତ ଆଜି ଅପରାହ୍ଣରେ ଭୁବନେଶ୍ୱର ଶହୀଦ ନଗର,ବି.ଏମ୍.ସି ଭବାନୀ ମଲସ୍ଥିତ ସ୍ମାର୍ଟ ସିଟି କାର୍ଯ୍ୟାଳୟଠାରେ ୧୯୨୯ କଲ୍ସେଣ୍ଟର ପରିଦର୍ଶନ କରିଏହାର ପରିଚାଳନା ସଂପର୍କରେ ପଚାରି ବୁଝିଥିଲେ ।
ଏହି ପରିଦର୍ଶନ ସମୟରେ ଭୁବନେଶ୍ୱର ମହାନଗର ନିଗମ କମିଶନର ପ୍ରେମଚନ୍ଦ୍ର ଚୌଧାରୀ ଉପସ୍ଥିତ ଥିଲେ । କୋଭିଡ୍ ପର୍ଯ୍ୟବେକ୍ଷକ ଶ୍ରୀମତୀ ଗର୍ଗ ଏହି କଲ୍ ସେଣ୍ଟରରେ କାର୍ଯ୍ୟରତ ଷ୍ଟାଫ୍ ଓ ଡାକ୍ତରମାନଙ୍କ ସହିତ ଆଲୋଚନା କରି ଜନ ସାଧାରଣ , ସଂକ୍ରମିତ ତଥା ସମ୍ଭାବ୍ୟ ସଂକ୍ରମିତମାନଙ୍କୁ ସେମାନେ କିପରି ଆବଶ୍ୟକ ସୂଚନା ପ୍ରଦାନ କରୁଛନ୍ତି, ସେ ସମ୍ପର୍କରେ ଅବଗତ ହୋଇଥିଲେ । କଲ୍ସେଣ୍ଟରରେ ଟେଲିଫୋନ୍ ଯେପରି ବେଶୀ ସମୟ ବ୍ୟସ୍ତ ନ ରୁହେ ଏବଂ ସେଣ୍ଟର ଜରିଆରେ ଅନୁସନ୍ଧାନ କରୁଥିବା ବ୍ୟକ୍ତିଙ୍କୁ ତ୍ୱରିତ ସେବା ଯୋଗାଇ ଦେବା ଉଦ୍ଦେଶ୍ୟରେଏଠାରେ ଷ୍ଟାଫ୍ ସଂଖ୍ୟା ବୃଦ୍ ଧିକରିବାକୁ ପର୍ଯ୍ୟବେକ୍ଷକ ଶ୍ରୀମତୀ ଗର୍ଗ ଆବଶ୍ୟକୀୟ ପରାମର୍ଶ ଦେଇଥିଲେ ।
କୋଭିଡ୍ ପରିଚାଳନା ପାଇଁ ୨୦୨୧ ମାର୍ଚ୍ଚ ୨୪ ତାରିଖରୁ ଭୁବନେଶ୍ୱର ସ୍ମାର୍ଟ ସିଟି ପାଇଁ ୧୯୨୯ କଲ୍ ସେଣ୍ଟରର କାର୍ଯ୍ୟକୁ ତ୍ୱରାନ୍ୱିତ କରାଯାଇଛି । ଏଠାରେ ସ୍ମାର୍ଟ ସିଟିର ବିଭିନ୍ନ ସେବା ପାଇଁ ୩୬ ଜଣ କଲ୍ସେଣ୍ଟର ଅପରେଟର କାର୍ଯ୍ୟକରୁଛନ୍ତି । କୋଭିଡ୍ ପରିଚାଳନା ପରିପ୍ରେକ୍ଷୀରେ ଏଠାରେ କାର୍ଯ୍ୟରତ ଡାଟାଏଣ୍ଟି ଅପରେଟର ଏବଂ ଡାକ୍ତରମାନେ କୋଭିଡ୍ ସଂକ୍ରମିତ ବ୍ୟକ୍ତିଙ୍କୁ ସଙ୍ଗରୋଧ ପରାମର୍ଶ ଦେବା ସହିତ ଗୁରୁତର ରୋଗୀଙ୍କୁ ଡାକ୍ତରଖାନା ଯିବା ପାଇଁ ଆବଶ୍ୟକୀୟ ପରାମର୍ଶ ଓ ସୂଚନା, କୋଭିଡ୍ ସଂକ୍ରମିତଙ୍କ ପାଇଁ କଲ ସେଣ୍ଟରରେ ଥିବା ଡାକ୍ତରମାନଙ୍କ ଦ୍ୱାରା ଔଷଧ ସେବନ ପରାମର୍ଶ ସଂକ୍ରାନ୍ତୀୟ କଲ୍ ଗ୍ରହଣ କରିବା ସହିତ ପରାମର୍ଶ ଦେଉଛନ୍ତି ।
କୋଭିଡ୍ସଂପର୍କିତ ଆବଶ୍ୟକ ତଥ୍ୟ, ଜନସାଧାରଣ ତଥା ସଂକ୍ରମିତଙ୍କ ପ୍ରଶ୍ନର ଉତ୍ତର, ବିଭିନ୍ନ ୱର୍ଡ ପାଇଁ ନିୟୋଜିତ ୱାର୍ଡ ଅଫିସରଙ୍କ ସୂଚନା ପ୍ରଦାନ କରିବାରେ ସହାୟକ ହେଉଛନ୍ତି । ଏଣୁ କୋଭିଡ୍ ମୁକାବିଲା ପାଇଁ ୧୯୨୯ କଲସେଣ୍ଟରର ସୁବିଧା ନେବାକୁ କୋଭିଡ୍ ପର୍ଯ୍ୟବେକ୍ଷକ ଶ୍ରୀମତୀ ଗର୍ଗ ଜନସାଧାରଣଙ୍କୁ ଅନୁରୋଧ କରିଛନ୍ତି ।