![](https://thesamikhsya.com/odia/wp-content/uploads/2021/03/arvind-kejriwal-manish-sisodia.jpeg)
ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଅକ୍ସିଜେନ ଯୋଗାଣ ପାଇଁ ଓଡ଼ିଶାକୁ ପ୍ରଶଂସା କରିଛନ୍ତି। ଓଡିଶାରୁ ଦିଲ୍ଲୀକୁ ଯଥେଷ୍ଟ ପରିମାଣରେ ଅକ୍ସିଜେନ ମିଳିଛି। ଦିଲ୍ଲୀକୁ ଆସୁଥିବା ଅକ୍ସିଜେନ ଟ୍ରକକୁ କୌଣସି ରାଜ୍ୟ ଅଟକାଇବା ଠିକ ନୁହେଁ ବୋଲି କେଜ୍ରିୱାଲ କହିଛନ୍ତି। ବିମାନ ଯୋଗେ ଓଡିଶାରୁ ଅକ୍ସିଜେନ ଆସୁ ବୋଲି ସେ ଅନୁରୋଧ କରିଛନ୍ତି। ଦିଲ୍ଲୀରୁ ଯାହା ସହଯୋଗ ଓଡିଶା ମାଗିବା ଆମେ ଦେବାକୁ ଅଛୁ ବୋଲି ଦିଲ୍ଲୀ ମୁଖ୍ୟମନ୍ତ୍ରୀ କହିଛନ୍ତି। ଏହି ସମୟରେ ସବୁ ରାଜ୍ୟ ମିଳିମିଶି ପରସ୍ପରକୁ ସହଯୋଗ କଲେ ଆମେ କରୋନା ଲଢେଇରେ ନିଶ୍ଚିତ ଜିତିବା ବୋଲି ସେ କହିଛନ୍ତି।
ସେହିଭଳି ଦିଲ୍ଲୀର ଅକ୍ସିଜେନ କୋଟା ୪୮୦ ଟନକୁ ବୃଦ୍ଧି କରିଥିବାରୁ କେନ୍ଦ୍ର ସରକାରକୁ କେଜ୍ରିୱାଲ ମଧ୍ୟ ପ୍ରଶଂସା କରିଛନ୍ତି।