ଭୁବନେଶ୍ବର, ବର୍ତ୍ତମାନ କରୋନା ମହାମାରୀ ସମୟରେ ଶରୀରେ ରୋଗ ପ୍ରତିରୋଧ ଶକ୍ତି ନିହାତି ଆବଶ୍ୟକ। ଯେଉଁମାନଙ୍କର ରୋଗ ପ୍ରତିରୋଧକ ଶକ୍ତି ଦୁର୍ବଳ ସେମାନଙ୍କୁ ଯେ କୌଣସି ପ୍ରକାରର ରୋଗ ମାଡିବସେ। କରୋନା ସଂକ୍ରମଣ ଆଶଙ୍କା ମଧ୍ୟ ବଢ଼ିଯାଏ।
ବର୍ତ୍ତମାନ ସମୟରେ ସମସ୍ତେ ରୋଗ ପ୍ରତିରୋଧକ ଶକ୍ତି ବଢ଼ାଇବା ଲାଗି ଅନେକ ଉପାୟ ମଧ୍ୟ କରୁଛନ୍ତି। କରୋନା ସମୟରେ ଲୋକେ ଯେତିକି ମାତ୍ରାରେ ସ୍ବାସ୍ଥ୍ୟର ଯତ୍ନ ନେଉଛନ୍ତି, ହୁଏତ ଆଗରୁ ଏପରି କେବେ କରି ନ ଥିବେ । ରୋଗପ୍ରତିରୋଧକ ଶକ୍ତି ଶରୀରକୁ ଅନେକ ରୋଗ ସହିତ ଲଢ଼ିବା ପାଇଁ ସାହାଯ୍ୟ କରେ। ନିମ୍ନଲିଖିତ ଘରୋଇ ଉପଚାର ସବୁକୁ ସେବନ କରି ନିଜ ରୋଗପ୍ରତିରୋଧକ ଶକ୍ତିକୁ ବଢ଼ାଇପାରିବା ।
ନଡ଼ିଆ ତେଲ
ରୋଷେଇ କରିବା ଲାଗି ଲୋକେ ଅନେକ ପ୍ରକାରର ତେଲ ବ୍ୟବହାର କରିଥାନ୍ତି। ଅନେକ ଲୋକ ନିଜ ସ୍ବାସ୍ଥ୍ୟ ଅନୁସାରେ ଖାଇବା ତେଲ ବ୍ୟବହାର କରିଥାନ୍ତି। ଏପରିସ୍ଥଳେ ରୋଷେଇରେ ବ୍ୟବହାର କରିବା ଲାଗି ଶୁଦ୍ଧ ନଡ଼ିଆ ତେଲ ଏକ ଉତ୍ତମ ବିକଳ୍ପ। ଏହା ରୋଗପ୍ରତିରୋଧକ ଶକ୍ତି ବଢ଼ାଇବା ସହିତ ସ୍ବାସ୍ଥ୍ୟ ପାଇଁ ମଧ୍ୟ ଫାଇଦା ହୋଇଥାଏ।
ବ୍ରୋକୋଲି
ବ୍ରୋକୋଲିର ବ୍ୟବହାର ସାଲାଡ, ତରକାରି ଓ ସୁପ ରୂପରେ କରିପାରିବେ। ବ୍ରୋକୋଲିରେ ପୋଷକତତତ୍ତ୍ବର ଭଣ୍ଡାର ରହିଛି। ଏହା ସେବନ କରିବା ଦ୍ବାରା ଶରୀରକୁ ଭିଟାମିନ ଓ ଆଣ୍ଟିଅକ୍ସିଡାଣ୍ଟ ମିଳିଥାଏ। ଏହା ମଧ୍ୟ ଏକ ଇମ୍ୟୁନିଟି ବୁଷ୍ଟର ର କାମ କରେ।
ପୁଦିନା
ପୁଦିନା ପତ୍ରରେ ବହୁତ ମାତ୍ରାରେ ଭିଟାମିନ ସି, ଫସଫରସ ଓ କ୍ୟାଲସିୟମ ରହିଛି। ଏହାଦ୍ବାରା ରୋଗପ୍ରତିରୋଧକ ଶକ୍ତି ମଜବୁତ ହୋଇଥାଏ। ଗରମ ଦିନେ ଆପଣ ପୁଦିନା ସେବନ କରିପାରିବେ।
ଛତୁ
ଛତୁ ରେ ଭିଟାମିନ ଡି ଓ ଅନେକ ପ୍ରକାରର ପୋଷକତତତ୍ତ୍ବ ରହିଛି। ଏହା ସ୍ବାସ୍ଥ୍ୟ ପାଇଁ ମଧ୍ୟ ବହୁତ ଲାଭଦାୟକ। ରୋଗପ୍ରତିରୋଧକ ଶକ୍ତି ମଜବୁତ କରିବା ଲାଗି ଖାଦ୍ୟରେ ଛତୁ ସାମିଲ କରିପାରିବେ।
ପାଳଙ୍ଗ
ଶାଗରେ ପାଳଙ୍ଗ ଏକ ଉତ୍ତମ ବିକଳ୍ପ। ଏହା ସ୍ବାସ୍ଥ୍ୟ ପାଇଁ ବହୁତ ଲାଭଦାୟକ। ପାଳଙ୍ଗରେ ଆଇରନ, ଭିଟାମିନ ଓ ଫାଇବର ଭରପୂର ମାତ୍ରାରେ ରହିଛି। ଏହାଦ୍ବାରା ରୋଗପ୍ରତିରୋଗଧ ଶକ୍ତି ମଜବୁତ ହୋଇଥାଏ। ଆପଣ ତରକାରୀ, ସୁପ, ସାଲାଡ ଓ ଜୁସ ଭାବେ ଏହାକୁ ସେବନ କରିପାରିବେ।