ନୂଆଦିଲ୍ଲୀ: ପଶ୍ଚିମବଙ୍ଗ ନିର୍ବାଚନ ପରେ ହୋଇଥିବା ହିଂସା ମାମଲାର ଶୁଣାଣୀ ପାଇଁ ସୁପ୍ରିମକୋର୍ଟର ବିଚାରପତି ନିଜକୁ ଅଲଗା କରିଦେଇଛନ୍ତି। ବିଚାରପତି ଇନ୍ଦିରା ବାନାର୍ଜୀ ଏହି ମାମଲାର ଶୁଣାଣିରୁ ନିଜକୁ ପୃଥକ ରଖିଛନ୍ତି।
ବିଚାରପତି କହିଛନ୍ତି ଯେ, ସେ ଏହି ମାମଲାର ଶୁଣାଣୀ କରିବାକୁ ଚାହୁଁ ନାହାନ୍ତି। ଏହି ମାମଲାରେ ସିବିଆଇ ତଦନ୍ତ ପାଇଁ ପୀଡିତ ପରିବାର ସୁପ୍ରିମକୋର୍ଟ ପହଞ୍ଚିଥିଲେ। ପଶ୍ଚିମବଙ୍ଗ ସରକାର ଠାରୁ ଏହି ମାମଲା ପାଇଁ ସୁପ୍ରିମକୋର୍ଟ ଉତ୍ତର ମାଗିଥିଲେ।
ଯାହାର ଉତ୍ତର ରଖି ସରକାର କହିଥିଲା ଯେ, ଯାଚିକା କର୍ତ୍ତା ରାଜନୀତିରେ ପ୍ରେରିତ ହୋଇଛନ୍ତି, ତେଣୁ ଏହି ଆବେଦନକୁ ଖାରିଜ କରାଯାଉ।
