ନୂଆଦିଲ୍ଲୀ: କରୋନା ସଂକ୍ରମଣକୁ ରୋକିବା ପାଇଁ ଆଜିଠାରୁ ସାରା ଦେଶରେ ଟୀକାକରଣ ପ୍ରକ୍ରିୟାର ଗତିକୁ ଦ୍ରୁତ କରାଯାଇଛି। ଆଜିଠାରୁ ଦେଶର ସମସ୍ତ ନାଗରିକଙ୍କ ପାଇଁ ମୁକ୍ତରେ ଟୀକା ଦେବା ପାଇଁ କେନ୍ଦ୍ର ସରକାର ଘୋଷଣା କରିଛି। ଟୀକା ପ୍ରସ୍ତୁତ କମ୍ପାନୀ ଠାରୁ କେନ୍ଦ୍ର ସରକାର ସିଧାସଳଖ ୭୫ ପ୍ରତିଶତ ଟୀକା କିଣିବାକୁ ନିଷ୍ପତ୍ତି ନେଇଥିବା ବେଳେ ଘରୋଇ ହସ୍ପିଟାଲ ପାଇଁ ୨୫ ପ୍ରତିଶତ ଟୀକା କିଣିବାର ବ୍ୟବସ୍ଥା କରାଯାଇଛି। କେନ୍ଦ୍ର ସରକାର ନିଜେ ଟୀକା କିଣି ରାଜ୍ୟ ସରକାରଙ୍କୁ ଦେବେ। ଏହା ପୂର୍ବରୁ ରାଜ୍ୟ ସରକାରଙ୍କୁ ଟୀକା କିଣିବାକୁ କୁହାଯାଇଥିଲା। ତେବେ ଆଜି ପ୍ରଥମ ଦିନରେ ଟୀକାକରଣରେ ରେକର୍ଡ ସୃଷ୍ଟି କରିଛି। ଆଜି ପ୍ରଥମ ଦିନରେ ଦେଶରେ ୭୦ ଲକ୍ଷରୁ ଉର୍ଦ୍ଧ୍ଵ ବ୍ୟକ୍ତି ଟୀକା ନେଇଛନ୍ତି।
ଉଲ୍ଲେଖ ଯୋଗ୍ୟ ଯେ, ଓଡିଶା ସରକାର ଦୈନିକ ୩ ଲକ୍ଷ ଟୀକା ଦେବାକୁ ଲକ୍ଷ୍ୟ ରଖିଥିବା ବେଳେ ଆନ୍ଧ୍ରପ୍ରଦେଶ ଆଜି ଏକ ରେକର୍ଡ ସୃଷ୍ଟି କରିଛି। ଆନ୍ଧ୍ରପ୍ରଦେଶ ଦେଶରେ ସର୍ବାଧିକ ଟୀକା ଦେଇଥିବା ରାଜ୍ୟ ଭାବେ ରେକର୍ଡ ସୃଷ୍ଟି କରିଛି। ଆଜି ଆନ୍ଧ୍ରପ୍ରଦେଶ ୧୦ ଲକ୍ଷରୁ ଅଧିକ ଟୀକା ଦେଇ ରେକର୍ଡ ସୃଷ୍ଟି କରିଛି।
